جيب شروكي مستعمل vs كيا سبورتاج جديد

**Yousif11022** · 02-06-2013 02:52 AM

السلام عليكم
انا كان لي فترة بفتش على عربية و لما استقريت على السبورتاج و خلاص كنت حا اشتريها الناس بتقولي حرام ادفع 255 الف في كيا ( عربية كوري ) وبيقولولي شوف جيب شوروكي مستعمل احسن يكون في نفس السعر فرأيكم ايه
- شروكي مستعمل
- او كيا سبورتاج جديد
و يا ريت يعني حد يقنعني برأيو
و شكرا جزيلا

**م.محمد علاء** · 02-06-2013 02:57 AM

عربيه 1600 سي سي ولا عربيه 3700-4000 سي سي
قطع غيار متوسطه نسبيه و لا قطع غيار غاليه..
و حاجات تانيه طبعا...
انا شخصيا..بفكر في القاشقاي كعربيه suv
و بالتوفيق

**Yousif11022** · 02-06-2013 03:09 AM

المشاركة الأصلية كتبت بواسطة eng:mohamed

عربيه 1600 سي سي ولا عربيه 3700-4000 سي سي
قطع غيار متوسطه نسبيه و لا قطع غيار غاليه..
و حاجات تانيه طبعا...
انا شخصيا..بفكر في القاشقاي كعربيه suv
و بالتوفيق

القشقاي انا شفتها و ركبتها الصراحة ضيقة خالص مقارنة بالسبورتاج
بالنسبة للمقارنة بتاعت حضرتك بين العربيتين انا عارف انو الشوروكي كعربية احسن من السبورتاج
بس الفكرة اني حا اشتري موديل 2014 و لا 2012/11 -عربية مستعملة ولا جديدة- هل السبورتاج فعلا عربية تستحمل الشغل و الحركة الكتيرة . هل السبورتاج جديدة احسن من شروكي مستعمل ولا العكس

**S O P H O S** · 09-06-2013 06:24 PM

رأي الكيا بصراحة

**Deshahcoka** · 09-06-2013 06:49 PM

ناس قريبنا بيتاجروا في العربيات يعني لسه مستلقط حته شروكي ٢٠١٠ كامله فبريكه كيلو قليل جزبت اسوقها اباش الصراحه اتوهمت و مبقتش طايق العربيا ال ١٦٠٠ جابها بعد الفصال ب٢٣٠ عشان صاحبها عاوز يخلص منها بسبب البانزين و الضريبه هيا ركوبه بس الي يقدر يصد عاوزه معلم مش حيفرق معاه الفلوس و ارض و زراعه الجو ده دخل مستمر يعني مضمون الصيانه غاليه نار و قطع الغيار دبح و المكانكيه مصدقوا يدبحوا اكتر

الاسبورتاج بتاعت الناس الغلابه الي نفسهم يركبوا جيب عشان كد هيا ناجه ولا غبار عليه و انصحك بيها ملهاش مصاريف لكن الجيب حتخرب بيتك

القشقاي فعلا اوحش من السبورتاج بس عشان واحد ب ١٨٥ و التانيه ب ٢٤٠ حاجه كد فاختلاف الفءه السعريه و الامكانيات ده حسب حضرتك انتا الس تحدده

و ربنا يوفقك و يباركلك

**Ahmed_Adham** · 09-06-2013 07:06 PM

الشيروكي مميزاتها عفشه تفوت في الحديد ولا يهمها مطبات ولا نقر وركوبه وبرستيج وموتور على ندهه منك. عيبها الكبير الضريبه السنويه في الترخيص.

سبورتاج ميزتها ضريبه بسيطه ومصاريفها على قد الايد وعيوبها ان مفيهاش مميزات الشيروكي اللي فوق ^^^

**SHNORY** · 09-06-2013 07:56 PM

لو حتقدر علي الضريبه السنويه ومش حتمثلك مشكله فتوكل علي الله
وممكن تجيبها موديل 2006 او 2005 حتكون ضريبتها بقت معقوله وسعرها حيكون اقل
بس الشيروكي عضلات
وعزم
وقطعه غيار تعيش العمر