الموضوع: تركيب قفل حمايه للجنوط السبور

المشاركة الأصلية كتبت بواسطة ahhazem

السعر ده للواحد والا للعجله والا للاربع فرد
:copy of majd(4):

السعر ده ياباشا للطقم الـ 4 قطع ومعاه 2 مفتاح (لقمة الفتح)

وانت مش محتاج أكتر من طقم لأنك بتركب في كل جنط صامولة قفل واحده بس

أما لو عايز تغير الصواميل كلها .. فهتحتاج 4 أطقم .. بس في الحاله دي هايبقى معاك 4 مفاتيح (لقم) وممكن يحصل لخبطه وماتبقاش عارف انهي مفتاح يفتح انهي صاموله .

لكن لو انت مش هامك الموضوع ده وعايز تصعب الموضوع على الحرامي أكتر ... دوس ياباشا ولا يهمك .

المشاركة الأصلية كتبت بواسطة bmya

انا مش فاهم حاجه يعني انت جايب الاربع صموايل ب 80جنيه
طيب انا جيب الطقم كامل 16 صاموله ب 100 جنيه ازاي بقه ؟؟!!!!!!!!!!!!!!!!

ياباشا كده الطقم اللي حضرتك جبته ده .. صواميل عاديه مش لوك

كل الفكره انها ممكن تحتاج مفتاح تاني غير المفتاح العادي بتاع العجل (يعني ممكن بدل مايكون 6 زوايا يكون 8 مثلا)

لكن الطقم اللي بنتكلم عليه هنا .. مايفتحش غير بالمفتاح بتاعه

والطقم اللي حضرتك بتقول عليه موجود فعلا وشوفته بأقل من 100 جنيه كمان

المشاركة الأصلية كتبت بواسطة bmya

طيب مهو اللي عندي مبيفتحش غير باللقمه بتاعته برده !! وهو نفس الشكل اللي في الصوره الاولى اللي حضرتك حاططها ؟

ياباشا أنا أقصد ان اللوك مش هايفتح غير باللوك المشفر .. بمعنى انه مش هايفتح حتى بمفتاح طقم لوك تاني حتى لو نفس النوع بتاعك

لكن في اقطم بتتباع عدد الزوايا فيها مختلف بس لكن ممكن تلاقي مفاتيح بتفتح عليها

وع العموم حتى لو اللي معاك زي ماانت بتقول كده زي اللي في الصوره الأولى يبقى كويس مافيش مشاكل .

المشاركة الأصلية كتبت بواسطة haysam2000

فهمتك دلوقت و الف مبروك
بس انا اخاف الا الراس تتاكل و ساعاتها لازم يفور المسمار ولا التصنيع بتاعهم كويس فعلا ؟

ياباشا المفروض ان الطقم ده تصنيعه كويس لانه تايواني مش صيني

وع العموم .. المفروض انك وانت بتربط اللوك تحاول ماتربطوش أوي عشان مهما كان التصنيع كويس لو كان قافش جامد فهو معرض انه يتاكل شويه من قوة الربط أو الفك .