الموضوع: تركيب قفل حمايه للجنوط السبور

المشاركة الأصلية كتبت بواسطة haysam2000

مش عارف انت حاسس انه فعال
هى الصاموله دى بكام زاويه
يعنى الصاموله العاديه ب خمسه طب دى

لا ياباشا .. مع احترامي ليك بس انت كده مش فاهمها كويس

المفروض ان الصاموله العاديه زي ماحضرتك قولت بـ 5 زوايا .. لكن الصاموله القفل دي مش معتمده على انها تغيير في عدد الزوايا وبس .. دي معمولها زوايا خاصه ماتتفكش غير باللقمه اللي جايه معاها , حتى لو جبت طقم تاني من نفس النوع المفروض مش هايفتح معاك .

ممكن انت مش واخد بالك عشان الصوره بعيده شويه لكن الصور الجايه هاتوضح أكتر



وفي منها أنواع بتبقى واخده أشكال تانيه زي دي كده :



أو دي كده :

يارب تكون الأمور وضحت كده .. وشكرا على مرورك

هيا فكرة كويسة طبعاً بس احتماليت مشاكلها كتيره زي اول حاجة انك تضيع اللقمه المخصوصة دي او المسمار يتبري منك او يقفش زي ما قلت وميرضاش يتفك
بس ممكن يبان بعد التجربة طبعا الخامه والصلابة بتاعته
بس هيا فكره جديره بالاحترام والتجربه
جبتهم منين ياباشا والاسعار ايه

فعلا بسم الله مشاء الله فكره جميله ............. الأسعار والمكان ............

شكرا لكل اللي رد مبدئيا

ثانيا اللي عايز يعرف جبتهم منين وبكام

أنا عن نفسي جبت النوع الأول اللي هو في أول صوره فوق وده كان عامل 85 جنيه

أما النوع الثاني ده موجود عند أرابكوم بحوالي 180 جنيه ( مع اني سألت عليه من فتره عنده كان بـ 160 بس ماكانش فيه 1 ونص بوصه للانسر )

أما بخصوص المكان .. أنا جبته من محل علي رضا لاكسسوارات السيارات

مكانه في مدينة نصر شارع اسماعيل القباني اللي خلف جنينه مول - وممكن تدخله من ناحية شارع الطيران

المشاركة الأصلية كتبت بواسطة تامر.محمد

النوع التاني ده انا جايبه من ارابكوم من رمضان اللي فات تقريبا

ياترى ياباشا النوع ده عامل ايه معاك ؟

حاسس انه كويس ويستاهل فعلا المبلغ اللي اندفع فيه ؟

وأهم حاجه هل هو سهل انه لاقدر الله يفوت ولا حاجه

ياريت تقولنا رأيك فيه عشان الكل يستفيد

المشاركة الأصلية كتبت بواسطة Dragon78

شكرا لكل اللي رد مبدئيا

ثانيا اللي عايز يعرف جبتهم منين وبكام

أنا عن نفسي جبت النوع الأول اللي هو في أول صوره فوق وده كان عامل 85 جنيه

أما النوع الثاني ده موجود عند أرابكوم بحوالي 180 جنيه ( مع اني سألت عليه من فتره عنده كان بـ 160 بس ماكانش فيه 1 ونص بوصه للانسر )

أما بخصوص المكان .. أنا جبته من محل علي رضا لاكسسوارات السيارات

مكانه في مدينة نصر شارع اسماعيل القباني اللي خلف جنينه مول - وممكن تدخله من ناحية شارع الطيران

السعر ده للواحد والا للعجله والا للاربع فرد