ربنا معاك
عرض للطباعة
ربنا معاك
قالولى فعلا علية النهاردة ياباشا وادينى معاهم والعملية بكرة
ربنا يخليك ياباشا بس هو الوضع تقريبا التغير لا مفر
الله يخليك ياباشا وربنا معانا كلنا
بعد مكالمة الاستاذ احمد مصطفى وتطمينى والاستاذ ابراهيم ووالدة الانسان المحترم الاستاذ حمدى وهو والله الى يكلمة يحس انة زى والدة ارسلونى للاحد المهندسين وفعلا روحت النهاردة والمهندس استقبلنى وتم تجربة السيارة وبعد مجهود لمحاولة سمع الصوت منة تم السماع وبطل العربية وهى ماشية وقالك ازاى فى صوت بالرغم من ان العربية مبطلة كدة انا اشك فى بلى العجل استنى هنا وانا 10 دقايق واخرجلك اكشف عليها بنفسى وسئلتة لو كان فى اجهزة تكشف العيب منين وقالى طبعا وانا هدخلها جوة واكشف دخل وانا استنيتة بالعربية برة هو دخل من غير العربية وبعد شوية خرج وقالى ان المهندسين محمد عبدالمنعم وعمرو بيومى ومحمد عمر كشفوا عليها امبارح بالاجهزة ودول ناس محترمين فقلتلة ان محصلش ان العربية اتكشف عليها بجهاز لاننا اكتشفنا الساعة 6.30 موضوع الفتيس وانا دخلت بيها الورشة المهم وصلت لدرجة الخنقة وطلبت تقرير بحالة العربية ودخلونى للمهندس محمد عبد المنعم وعمرو بيومى وكان فى رفض قاطع باسلوب هندل العميل يعنى اعملوا اى حاجة بس مافيش تقرير ودى سياسة نيسان وطبعا انا محتاج حد يوضحلى لية سياسة نيسان كدة اية الضرر من انى اخد تقرير المهم الناس مازلت محترمة وعايزين مساعدتى وقررنا بكرة نغير بلى العجل كبداية ونجرب ولو مازال الصوت يبقى هنغير الفتيس ولله الامر من قبل ومن وبعد ..يبقى السؤالين الى عايز الناس تجاوبلى عليهم لية السبع بامر من نيسان رافض يدينى تقرير ؟ وما هى الاجزاء المتصلة بالفتيس يعنى عشان الفتيس يتحل او يتشال بيتفك اية معاة ومكانة فين فى العربية ؟
فى توكيلات بتنشف ريق الناس عشان تغير قشه فى الضمان والناس كانوا هيغيروا فتيس بربع تمن العربيه انت المستفيد لو اى حاجه اتغيرت فى الضمان
الضمان الحقيقى لأى عربية واى وكيل هو اللى يضمنلك انه يغير اى جزء فى العربية اذا ظهر فيها اى تلف بدون نقاش
والسبع قبل كده غير فتيس مانيوال فى عربية صديقنا احمد ابراهيم موديل 2011 على ما اتذكر وكانت ماشية 200 كم فقط والسبب ترشيح زيت
والسبع برضه بيغير اجزاء كتير فى عربيات كتير فى الضمان
ولعلم حضرتك لو الوكيل غير اى قطعة وهى سليمة هو اللى بيتحمل ثمنها لأن المصنع او الشركة الموردة مش هاتعوضه بنفس القطعة او مقابلها ماديا
يعنى قرار التغيير فى حد ذاته عبء كبير على متخذه من اى توكيل
تحياتى
والله يافندم انا فاهم كويس جدااا وانا معنديش مشكلة مع السبع الامجرد هو انتوا مش عايزين تدونى تقرير لية والا عندى مشكلة مع الضمان عموما انا بس بحب عربيتى الى ملحقتش استمتع بيها تكون سليمة وزى اى مواطن مصرى اشترى نيسان ....الموضوع مشكلة محدش هيحسها الا الشخص الى بيحب حاجتة زى ماهى بدون تغيرات بس
طب لما تيجى تعمل الصيانات الدوريه من تغيير تيل فرامل وسيور هتتصرف ازاى
ما هما هيفكوا فى العربيه ويركبوا تانى
تغير فتيس دة عملية سهلة جدا جدا ابسط مما تتخيل
وملهاش اى تاثير سلبى نهائى على العربية بعد كدة
وبعدين ال هيشتغل فى العربية التوكيل
فى الاول فك الكبالن من الطنبورة والفتيس
وبعدين بيسقط الزيت كلة بتاع الفتيس
وبعدين بيقك القنطرة السفلية
بيفك رجلاش الفتيس او الويرات الواصلة من عصاية الفتيس للفتيس نفسة مع فك فيش الكنترول
بيتم رفع العربية
بيفك قواعد الفتيس
ويفك المسامير ال رابطة الفتيس نفسة بالموتور
طبعا بطريقة معينة بينزل الفتيس من تحت العربية
وبيركب الجديد
طبعا بيتحط زيت جديد للفتيس ولو فى جلد كبلن مقطوع بيتغير
فى النهاية عايز اقول لصاحب الموضوع رغم ان فى خطوات كتير بس والله حاجة سهلة جدا ومفيش فيها اى ضرر على العربية
انا مجرب الحكاية دى بس كان فى عربية لانسر
ياباشا انا مش اول مرة اركب عربية وعارف السيور والتيل والكلام البسيط دة لكن انا اول مرة اركب عربية زيرو يتغيرلها فتيس ..انا طول عمرى بركب زيرو وبغيرلها السيور فى مواعيدها والزيت والتيل واحسن حاجة كمان لانى ليا علاقة باستيراد قطع الغيار الكورى (باب النجار وقع مش مخلع) لكن احنا هنا بنتكلم فى فتيس وانا اعرف ان العربية شاسية وماتور وفتيس بس كدة
ياباشا هو دة بالظبط الى كنت عايز اعرفة والاحداث متتالية وسريعة فمش عارف اقابل حد يشرحلى القصة وشكرا ليك على تبسيط الموضوع وتهوينواعليا