الموضوع: الفتيس...و....السبع...ونيسان n16..وامرى لله

المشاركة الأصلية كتبت بواسطة asyl84

السادة اعضاء نايل موتورز الكرام..تحية طيبة وبعد،،،،
مع كامل احترامى للجميع انا عايز احكى اليوم النهاردة بصرف النظر عن طريقة سرد المشكلة او عدم موضوعية الكلام يعنى من الاخر محدش يدقق على كلامى لانى من 8 الصبح لحد 7 بليل وانا فى التوكيل ..فجسمانيا مهدود ذهنيا شارد و نفسيا قرفااااااااان....نبداء الحكاية وياريت رائيكم لان عقلى قرر التوقف .
من يومين درجة الحرارة كانت 41 وكان التكيف زى الفل وقفت فى زحمة ساعة كاملة تقريبا بدون حركة فجاءة التكيف وقف وبقى هواء سخن مروحة فقط ..كلمت السبع لانة الاقرب وكمان ثقتى فى اوتو ايجيبت اتهزت من اخر صيانة وهى صيانة الالف والعربية دلوقتى عاملة 1700 المهم كان معادى النهاردة وروحت من 9.30 رغم ان معادى 10 والعربية طلعت وقلتلهم سلموهالى من غير غسيل الساعة 5 وكانت مشاكلى فى التكييف و صوت شبة الكركرة اثناء نزول السرعة من 40 الى 20 وبعد سرعة 60 وبالرغم من انى طلبت من اوتو ايجيبت التحقق من الصوت اثناء صيانة الالف لان الصوت ظهر بعد الصيانة مباشرة ورجعتلهم تانى فقالولى فين الصوت دة خير يافندم انت موهوم شوية وسئلت ميكانيكى عندى قالى دة السير عايز يتربط اربطهولك قلتلة شكرا لما اروح التوكيل فى صيانة 5000 ولانى روحت قبل ال5000 فطلبت يبصوا علية فى السبع المهم انهم قالولى التكييف تمام واصلا دة عيب فى كل نيسان الشكل القديم انة بيفصل فى الزحمة دة كلامهم ...والصوت مشكلة فى زيت الفتيس وتم تغيرة ومشيت الساعة 5 يعنى بعد مضى 7ساعات مشيت من السبع حتى الاتوستراد والتكييف وقف رجعت تانى شحنوة وجربوة وقالوا تعالى نجرب وهما بيجربوا قلتلهم الصوت بردو لسة موجود بتاع الكركرة قالو حاجة تتربط ربطوها مراحش قالولى بس العربية دى عايزة فتيس كامل وبلى عجل بس الاول هنغير الفتيس ونشوف البلى بعد تغير الفتيس بالرغم من ان الصوت موجود والعربية على n الا انهم اجمعوا لانها تقريبا لجنة وعلى عربيتى لوحدى الساعة 6 الى 7 وهما شغالين فيها وقرروا انهم هيغيرولى الفتيس حتى مش هنفتحة لان عربيتك بكيس المصنع وعاملة 1700 كيلو حرام يتصلح والناس وقفت معايا وقفة كويسة انا عطلتهم كتير بعد ساعات العمل وكمان رفضوا تماما انى اصلح فى فتيس والعربية جديدة بس انا بقول ان الفتيس والشاسية والماتور هما العربية طبعا فكرة تغير فتيس فكرة ترعب يعنى العربية مش هترجع تانى حتى لو اجتهدوا فكرت اروح اوتو والا مودرن يأكدو على كلامهم يمكن يكون عيب فى حاجة تانية بدل ما نلعب فى العربية بس خايف اروح والفتاوى تنزل عليا وبدل ما العب فى فتيس العب فى العربية من اولها لاخرها وكمان يعنى لو حد قالى مش الفتيس وحد قالى الفتيس هسمع كلام مين فيهم انا ...افيدونى افادكم الله...اسودت فى عينى (ملحوظة ..انا عربيتى السابقة 16 سنة بحطلها ماية فقط بمعنى الكلمة فازاى يوم ما العب فى عربية زيرو العب فى فتيس)

قلبى معاك

تغيير فتيس صعب اوى

أرى ان حضرتك تجرب تروح مودرن الهايكستب هيه بعيده عن حضرتك شويه بس الضغط عليها معقول وشوف رايهم وبعد متسمع رايهم اذهب الى ابو رواش واستأذن حضرتك ياريت تتواصل مع ا/ احمد مصطفى فى الموضوع ده قبل متروح مودرن ابو رواش
وياريت حضرتك تبعت لى رقم عربيه حضرتك واحاول افهم الموضوع من السبع وياريت حضرتك تعرفنيى مين اللى أخد قرار تغيير الفتيس فى السبع والحمد لله علاقاتى طيبه مع بعض مهندسى السبع نظراً لترددى الدائم عليهم فى عمل الصيانات

وادعو الله لك ان تكن المشكله بعيده عن فك الفتيس

المشاركة الأصلية كتبت بواسطة asyl84

ياباشا انا شاكر ليك جداااا انا عربيتى رقمها ل ل ع 738 ميعاد الصيانة 2/6/2013 الساعة 10
المهندس المسئول الباشمهندس مهند..قرار التغير جة من مدير الصيانة وهو شاب فى سننا كدة واعتقد اسمة محمد عمر والى اكتشفها وبلغة وجربوها مع بعض انا معرفش اسمة لكن هو على حسب ما اتقالى رئيس الورشة او الصيانة والقرار فتح الفتيس وتصليحة لكن بعد ماتم اكتشاف ان العربية عاملة 1700 كيلو قرروا انة يتغير لان حرام عربية زيرو يتصلحلها فتيس ويتفك ...مودرن الهايك ستب بعيد جداا عنى ومعرفش اصلا طريق الهايكستب دة من اولة لاخرة انا اعرف المعادى والهرم ووسط البلد لكن مدينة نصر والعاشر والناحية دى من القاهرة ماليش فيها اطلاقا ..والسؤال هنا لو قالولى التيس سليم واحنا غيرنا كذا وكذا دة كان سليم وفضلنا زى ما احنا ابقى انا غيرت على الفاضى ونفس الشىء على السبع بردو خايف يغيروا ويطلع الفتيس سليم ..الصراحة انا مش عارف غير انى اتنكد عليا تمام النهاردة ....انا فعلا تواصلت مع استاذ احمد مصطفى والراجل ما ابخلش عليا بالكلام وهونلى الموضوع وان العربية هترجع زى الفل وهتتقفل تمام زى ما التوكيل السبع اكدلى بس الى فى قلبى فى قلبى بردو دة فتيس

محمد عمر انا اثق فى كلامه عن تجربه شخصيه

بس هذا لايمنع ان اسمع رأى اخر

هذا القرار مثل المريض الذى قرر له الدكتور جراحه خطيره فمن الطبيعى قبل الاقدام على ذلك ان يسمع رأى غيره

انا ممكن اتقابل مع حضرتك ونروح الهايكستب اهو مشوار ونعرف منهم الرأى ولن ننفذه بالطبع ولو تأكد لنا ضروره تغيير الفتيس فأنا افضل ان يتم ذلك فى السبع من تجارب شخصيه لى رايتها بعينى ومعى

المشاركة الأصلية كتبت بواسطة asyl84

والله فعلا كلامك مظبوط زى المريض الى هيعمل عملية جراحية صعبة ..ربنا يعمل الى فية الخير .....انا بعتلك على الخاص

انا رديت على حضرتك

وعربيه حضرتك اتو ولا مانيوال