الموضوع: كنت هتخانق وربنا ستر

انهاردة كده يا جماعة والواحد واقف بالعربية مع واحد صاحبي عند On The Run

كان في شلة شباب واقفين مع بعض المهم دخلت بنت بعربية متسوبيشي كرستالة ركنت عادي جدا ودخلت تشتري حاجات من المحل

البنت كان لبسها محترم جدا مفيش حاجة تشد النظر ليها بس كانت حلوة وشعرها اصفر بس البنت محترمة وباين عليها

المهم وهي رايحة تركب عربيتها لاقيت واحد من شلة الشباب راح لوحده يعاكسها عند عربيتها فالبنت نفضتله فالواد فضل واقف متنح

طبعا شوفت الموقف ده قولت لازم انزل للواد ده اشوف اخره ايه

فصحبي شدني وقالي ماكش دعوة خليك في نفسك

قولتله يا ابني البنت محترمه مينفعش نسبها لحدها في موقف زي ده

قالي الشباب هيتلموا عليك وهيضربوك وممكن يكسرولك العربية وانا مش ناوي ادخل معاك

قالي هي حديقة الحيوان قصدي بلدنا كلها كده

سواء غني او فقير متعلم او جاهل

الواد كان معاه بيمر 316 واصحابه معاهم موتوسكلات ريس وهارلي وبيتش باجي

يعني ناس نضيفة وغنية

المهم البنت مشيت بالعربية وهو رجع وقف مع اصاحبه ولا كائن حاجة حصلت

واحنا قاعدين بتفرج

وادي حال مجتمعنا اللي وصلنا له

والله العظيم الكلام ده لو بره في امريكا ولا الخليج كان الواد ده الشرطة نفخته

حكاية لذيذة علي الماشي

بره مصر كان في راجل كان يطلع كل يوم فوق السطح يتفرج علي شباك الحمام بتاع الجيران علي الساعة 2 الظهر تقريبا

حظ امه الفقري ان ده وقت البريك بتاع الشركة عندنا فكان الموظفين بيتابعوه كل يوم لحد ما واحد من الموظفين جاب كاميرا معظمة وقام مصوره فيديو كل يوم ونزل بلغ الشرطة وبلغ صاحب الشقة الشرطة جت كلبشتة وفتشوه وحطوه في عربية الشرطة والواد اتحبس والناس عندنا راحت شهدت عليه

في الوقت اللي الشرطة جت تقبض عليه كنت انا بركن جنبيهم

وطبعا مش هقولكم علي الفضول اللي عند المواطن المصري قولت لنفسي ياواد نفض واطلع علي الشركة بس مقدرتش امسك نفسي روحت اتفرج لقيت الناس بتوع الشركة عندي والشرطة ماسكه الواد والواد كان عايز يهرب فبتوع الشرطة كلوه حتت علقة وطبعا انا كمواطن مصري مقدرش امسك نفسي ( المصري معروف بجبوته ) قمت ماسك رجله وعوجتها زي جون سينا كده عشان ميهربش فبتاع الشرطة قالي مالكش دعوة بيه فالصراحة خوفت قولت يا واد انت مش في مصر

كان نفسي اعرف ايه هي التهمة الموجة له ههههههههههههههه

فلما شوفت البنت عندنا في مصر وافتكرت الموقف ده الواحد حزن عليه حال البنات في مصر وحزنت علي نفسي وعلي حظي النحس اللي رجعني بلدي تاني

كنت بقول هو ليه الواحد متولدش في دولة محترمة عشان ياخد الجنسية اكيد ده غضب ربنا عليه

فعلا احنا نستاهل اللي بيحصلنا ده

( والله غفور رحيم )

ربنا يكرمك علي خوفك علي الناس