تركيب طقم الصوت للكاسيت الستوك (يا ريت المشاركة من الي ركب جي ام على كاسيت ستوك)

**osamy** · 03-06-2013 03:36 PM

السلام عليكم

دلوقتي انا عرفت من خلال المنتديات الاجنبية ان علشان اركب جي ام على كاسيت ستوك مافيهوش RCA

لازم اجيب جي ام يكون فيه Speaker Input علشان الوصلة هتتاخد من سلك السماعات على طول

وسلك السماعات بيبقى High power لانة بيبقى حصل للأشارة تضخيم فماينفعش تتدخل على الRCA بتاع الجي ام على طول لازم تدخل على حاجة حاجة تنزل الاشارة تاني الاول يا اما محول زي ده

يا اما يكون في في الجي ام فيه high level input

زي ده (speaker input)

ودي بتوصل من سلك السماعات لوصلة جاية مع الجي ام في العلبة بتاعته

الي خلاني ادور على الكلام ده القصة التالية :

اني رحت ادريان فقالي انت غالبا هتركب بووستر قلتلة يعني ايه قالي يعني مش هتحتاج وصلة ار دي
علشان عندك مافيش RCA قولتلة ماشي

وبعديها روحت لكلاريون علشان اشوف السماعات الكيين وود وسألته قالي انت كده عندك مافيش RCA

وهتركب وصله يا اما صيني ب130 جنيه يا اما ياباني ب300 جنيه علشان توصل السماعات !!!!!!

مافهمتوش عاوز ايه بصراحة

وخليته يخلعلى الكاسيت علشان نبص عليه من جوه وهحط صوره في الاخر علشان عاوز من الناس الخبيرة تفيدني في حاجه كده

المهم بقى اني قريت ان التوصيل من خلال الRCA احسن من ال speaker input
هل الكلام ده صح وهل الفرق هيبقى كبير ؟

وفي حاجة عاوز اعرفها بس عاوز حد خبير في التوصيلات يقولي عليها الكاسيت بتاعي بتاع العربيه الفيات الايفو شاكك انه فيه وصلة بتتجاب ليه بتطلع RCA على طول بس عاوز حد يترجملي الdiagram ده

ودي صورة من ورا:

وانا شفت ناس بتتكلم على الحوار ده في منتديات فيات

Technical: Anyone played with sound system yet? - The FIAT Forum

يا ريت لو حد فاهم الدنيا كويس يجاوبني

**osamy** · 05-06-2013 10:48 AM

ايه يا جدعان محدش مركب على ستوك ولا ايييييييييييييييه

**roland_yamaha** · 05-06-2013 11:46 AM

ياباشا الموضوع بسيط جدا جدا متقلقش
انا معايا الانترا 2009 وفيها الكاسيت الأصلي مفيهوش أي مخارج rca خالص فالراجل اللي بيركبلي العدة راح جابلي الكونفرتر ده

وطلع منه مخرج RCA عادي جدا للجي إم والصوت 100 100
والراجل ده في أول عباس العقاد عند النساجون الشرقيون اسمه وليد

**mody_mt2007** · 05-06-2013 01:10 PM

الكونفيرتر دا موجود فى التوفيقية احسن من اللى الناس بتقولك علية دول عاوزين ياخدو فلوس و خلاص

**osamy** · 05-06-2013 02:37 PM

تمام يا جدعان بس في ناس كتير جدا في المنتديات برة
كاتبين انه صوته مش هيبقى تمام وهيبقى فيه noise

**roland_yamaha** · 05-06-2013 07:15 PM

انا مركبه بقالي 3 شهور والصوت نقي تماما مفيش اي نويز خالص

**rotanamasoud** · 07-06-2013 02:25 PM

هو عمره ما حيكون بنقاء rac فياتضحى بنقاء الصوت(متفكرش انه كبير جدا ده 5% عند العلو الجامد) يا تغير الكاسيت
السؤال ليه مبيستخدموش الهاى انبت بتاع الجى ام مش فاهم ليه
الفروق بدقه
الrca توصيل مباشر من المنبع كان الكاسيت والجى ام قطعه واحده مباشرتا
الهاى ان بت هو توصيل من المكبر والمكبر بعد التكبير بيحصل دستوريشن تشويه والتشويه بيزيد مع علو الصوت
بالتالى الجى ام حيعمل تكبير للتشويه ده

**Mohab.Nabil** · 07-06-2013 03:02 PM

معلش لسه شايف الرسالة عشان كان عندى امتحانات

بصراحة انا مش عارف بالظبط هما عملوا ايه بس اللى انا اعرفه انهم خدوا وصلة من السماعات اللى فى الابواب ورا و وصلوها بالجى ام و الجى ام شغل السماعات

**osamy** · 09-06-2013 10:50 AM

المشاركة الأصلية كتبت بواسطة rotanamasoud

هو عمره ما حيكون بنقاء rac فياتضحى بنقاء الصوت(متفكرش انه كبير جدا ده 5% عند العلو الجامد) يا تغير الكاسيت
السؤال ليه مبيستخدموش الهاى انبت بتاع الجى ام مش فاهم ليه
الفروق بدقه
الrca توصيل مباشر من المنبع كان الكاسيت والجى ام قطعه واحده مباشرتا
الهاى ان بت هو توصيل من المكبر والمكبر بعد التكبير بيحصل دستوريشن تشويه والتشويه بيزيد مع علو الصوت
بالتالى الجى ام حيعمل تكبير للتشويه ده

قصدك بالهاي انبت الي هوه زي ده

speaker high level input

وهل ده احسن ولا الوصلة الي بتطلع RCA

**osamy** · 09-06-2013 11:18 AM

المشاركة الأصلية كتبت بواسطة Mohab.Nabil

معلش لسه شايف الرسالة عشان كان عندى امتحانات

بصراحة انا مش عارف بالظبط هما عملوا ايه بس اللى انا اعرفه انهم خدوا وصلة من السماعات اللى فى الابواب ورا و وصلوها بالجى ام و الجى ام شغل السماعات

طب لما تفضى يا باشا بص على الجي ام وشوف كده الوصلات في ال RCA ولا ال speaker high level input

علشان الاتنين كده كده بيتاخدوا من سلك السماعات

ويا ريت تقولي اخبار الصوت عندك ايه فيه noise ولا حلو

شكرا :)