السلام عليكم اعضاء نايل موتورز

امبارح كنت ماشي بسرعة شوية و خدت غرزة من قدام ميكروباص و فجأة لقيت تريللا قدامي رحت كابس فرامل العربية فضلت تزحف مني مسافة 70 متر مش راضية تقف رحت شادد الهاند عشان تقف برضه فضلت تزحف و مش عايزه تقف طبعا الدركسيون مش مستجيب معايا لا يمين ولا شمال عشان احاول افاديها بس رحت لابس في التريللا .. طبعا نزلت و انا مذهول مش مصدق اللي حصل و مش مصدق ان العربية موقفتش في مسافة اكتر من 70 متر (فرامل قوية جدا لكن مش ABS ) ببص على الخساير طلعت كالاتي :

1- كبوت معدش نافع
2- رفرف يمين معدش نافع
3- خبطة قوية جدا في القايم اليمين محتاج يتغير
4- لوح ازاز امامي

طبعا الحمدلله انا و اللي معايا في العربية طلعنا بخير مفيش اصابات لكن بطلب من اهل الخبرة يدلوني على احسن واحد اقدر اشتري منه الحاجات ديه استيراد مش تايواني ( في الحرفيين ) بأرخص سعر عشان الاسعار اللي سمعتها عندي هنا خياليه و انا عندي السمكري بتاعي بس محتاج واحد بتاع قطع غيار ذمته نضيفة عشان نخلص و ترجع زيرو ان شاء الله