محاوله تثبيتى على الطريق والنجاه منها

**egyptiandiver** · 05-06-2013 05:13 PM

حمد لله على السلامه

**mohamedhagrass** · 06-06-2013 01:08 AM

المشاركة الأصلية كتبت بواسطة abokoko

حمدا لله على سلامتكم

نفسي يسمحوا بترخيص السلاح بشروط سلسه وسهلة
وقتها هيخاف كل بلطجى من رد الفعل
وهتكون الفوائد اكبر من العيوب

لا طبعا لو بقى سلس عن كدا هتلاقي البلطجيه ذات نفسهم مرخصين سلاح
كدا صح صدقني

**وائل شويخ2** · 06-06-2013 08:06 AM

تسلموا جميعا على السؤال

والله أنا حاسس أنى فى بيتى

________________

بعد المشى بالعربيه يوم بدأت أحس بوجود طقه تحت رجلى ناحيه المساعد الشمال

روحت للعفشجى ورفع العربيه لقى شرج جديد فى أفيز جلده المقص ألى مسك الجلده

ولقى مسمار سايب وحالق مكانه

المهم قالى روح لسمكرى هيعملها صح

وروحت للسمكرى فك الأفيز وألوز مكان المسمار ولحم صاموله فيها

ولحم الأفيز وركبه تانى

والحمد لله أختفت الطقه

وكويس أنها جت على أد كده ومضربش المساعدين وطلعوا يابانيين عندهم أصل

**eleanor** · 06-06-2013 09:00 AM

الف سلامه ليك وللاسره والحمد لله انكم بخير
وحاول بعد كده ماتروحش بالعربيه اماكن بعيده او غريبه بالليل علشان فعلا التثبيت بقى فى كل حته اليومين دول
وربنا يسترها علينا جميعا

**lidosasa** · 06-06-2013 10:30 AM

المشاركة الأصلية كتبت بواسطة mohamedhagrass

لا طبعا لو بقى سلس عن كدا هتلاقي البلطجيه ذات نفسهم مرخصين سلاح
كدا صح صدقني

أكيد أى واحد مسجل جنائى مش حيطلع ليه سلاح يعنى . وبعدين فيه تحريات مباحث بتتعمل على الشخص اللى عايز يطلع السلاح فلازم تكون شروط ترخيص السلاح سهلة وسلسة وأكيد اللى معاه سلاح مرخص مش حيقدر يستخدمه غير للضرورة القصوى وتحت رقابة القانون وأكيد الضرر منه حيكون أخف من الضرر من إنتشار الأسلحة الغير المرخصة