الموضوع: رايكم ان اسعار المستعمل هيزيد ولا يقل بعد تطبيق ال 5 لتر ؟

المشاركة الأصلية كتبت بواسطة Ahmed_Adham

العربيات اللي فوق 1600 سي سي بيندفعلها ضريبه سنويه بين ألف و 15 ألف جنيه. يعني العربيه اللي فوق 2000 سي سي وسعرها 3000 بيندفع عليها 2% ضريبه سنويه تبقى 6000 جنيه سنويا. تفتكر ده مخلي الناس متركبش العربيات دي أو يوقع سعرها؟ الفكره ان العربيات دي موجهه لشريحه معينه اللي بيشتريها عايز مستوى معين من الفخامه والقوه في عربيته وعنده استعداد يدفع زياده مقابل الامتيازات دي. مش بقول ان تحديد الدعم مش هيأثر على الاسعار بس التأثير مش قوي زي ما قد يتبادر في الاذهان.

بالظبط ... و علي فكره اتقالتلي كتير من ناس حبايبي بيع عربيتك دلوقتي و هاتلك ١٦٠٠ -عربيتي موتورها ٢٨٠٠ سي سي و كمان لسه العربيه فيها مشاكل و بتتصلح و بتصرف - و مع ذلك مش الحكومه و لا النظام و الاسعار هي اللي هتقولي اعمل ايه و معملش ايه و اللي في دماغي ان شاء الله هنفذه و استمتع بالعربيه و بالموتور اللي انا عايزه -ده في حالة ان العربيه طلعت من الحرفيين و خلصت من المشاكل اللي فيها اصلا - ... و غالبا معظم الناس اللي معاها مواتير كبيره مش هترضي تبيع و تمسك في عربياتها اكتر علشان عارفه ان اي تاجر او حتي زبون هيوقع السعر تحججا بموضوع البنزين ده و لما العربيه اصحابها يمسكوا فيها و لسه ليها ناس عايزينها هتفضل ماسكه نفس السعر -ده لو مغلاش عند البعض - .... الفكره في ان اللي اشتري الموتور ال ٦ ، ٨ ، ١٢ سلندر هو من قبل الدعم بيكع جامد في البلد فمش ده اللي هيخليه يغير رأيه بس ممكن ده يخليه يدور علي حل زي مثلا انه يجيب موتوسيكل يركبه يوفر بنزين و يقضي بيه مشاويره و شكله حلو برضه انا طبعا بكره الموتوسيكلات و خطرها و جريها ده فممكن افكر في عربيه من عربيات السوق المصري -المرطرطه- يعني قطع غيار متوفره و رخيصه مع موتور ١٣٠٠ سي سي مثلا مكيفه و اوتوماتيك و تبقي حاجه سعرها مش غالي و طبعا متكتبهاش باسمك لان الدوله هتاخد منك فلوس تاني معرفش اسمها ضريبه رفاهيه ولا حاجه كده ممكن تبقي باسم حد من اهلك ملوش في السواقه و العربيات علشان متاكلش حقه في ان يبقي ليه عربيه و تضره ........ الكلام ده كله بافتراض ان الدعم اتشال و الناس سابت الموضوع يعدي مرور الكرام