المشاركة الأصلية كتبت بواسطة alexaway
سياتك عاشرت العلماني والليبرالي اللي اخترع الكمبيوتر علشان تعرف اذا كانت اخلاقه زباله ولا لا ؟؟؟
سياتك شفت العلماني او الليبرالي اللي اخترع الكمبيوتر انه منحط فكريا ولغويا ؟؟؟
هو مش برضوا منظمات حقوق الانسان اللي عملها ليبراليين وعلمانيين ؟؟؟
هو مش برضوا اللي اخترع الويندوز اتبرع باكثر من تلات ارباع ثروته لهيئات خيرية ؟؟؟
هو مش برضوا اكبر مؤسسات خيرية فى العالم مؤسسات علمانية ليبرالية ؟؟؟
اي رأيك بقي في اخلاق الناس دي يا تري بقي دي اخلاق ناس زبالة ؟؟؟
وبعدين سيبك من كل دول عشرتهم علشان تقول عليهم زبالة ولا سياتك بتطلق كلام وخلاص ومتعرفش انه الانحطاط اللغوي والفكري موجود فى المجتمعات المتخلفة وان الغرب مش عنده تقدم تقني بس لا عنده تقدم علي المستوي الثقافي والاجتماعي .
انت ناسي الامام محمد عبده لما سافر بره قال ايه
وجدت فى اوروبا مسلمين بلا اسلام ووجدت في بلدي اسلام بلا مسلمين
الغرب متقدم علينا فى كل النواحي اخلاقيا وعلميا
انا بقي حقول لحضرتك شخصيتك وشخصية المعترضين علي الغرب
كان في قصة اتنين سافروا بره للغرب وبعدين رجعوا بلدهم فكل واحد اهله بيسألوه شفت ايه بره , الاول قال شفت نساء عراه وشفت الفحش والرزيلة فى الشارع بدون حياء , التاني قال شفت احدث اجهزة وشفت شوارع نظيفة وشفت ناس بتحب الناس لمجرد انهم بشر مهما كانت عقيدتهم او فكرهم .
اهو الشخصية الاولي دي اللي مشفتش فى الغرب غير كل فحش ورزيلة هي شخصية عبد الله بدر وهي شخصية حازم صلاح ابو اسماعيل وهي شخصية ياسر برهامي وهي شخصية بتاع هاتولي راجل وهي شخصية حضرتك .