تم بحمد الله استلام الاليزيه بفضل الله.

العربية الحمد لله تمام في كل حاجة (ثبات وسحب وعزل وصوت الموتور والساوند سيستم والتكييف).
كنت قريت ان واحد من الاخوة الاعضاء عنده مشكله في التكييف وتأثيره على السحب فقررت اعمل اختبار للموضوع ده والحمد لله التكييف مأثرش على السحب بالصورة السيئة اللي جاتلي من مشاركة السيد العضو. وطبعا التكييف مش المفروض يستعمل اول 1000 كيلو.

ملاحظة صغيرة .. فيه نتشة والفتيس بينقل من الاول للتاني .. مش بتظهر وبعرف اتحكم فيها لما الطريق بيكون مفتوح انما لو الطريق زحمة وعايز اطلع واحدة واحدة النتشة بتكون محسوسة. وانا ماشي قابلت واحد معاه الاليزيه قلتله على الموضوع ده قالي عادي وال c4 اللي كانت معاه قبل كده كان فيها نفس الموضوع.

ده تقرير اولي وان شاء الله هشارك بمشاركات تانية بس لما امشي بيها شوية.

والحمد لله رب العالمين وصلاة وسلام على سيد الخلق والمرسلين.

دعواتكم.