الموضوع: اية سبب الثلاث مشاكل الاتية؟؟؟؟

المشاركة الأصلية كتبت بواسطة romany_ac

بحط مية حنفية عند غسيل الدورة بس بزود مية مقطرة
مغيرتش زيت الفرامل قبل كدة
غيرت البوجيهات بس من غير الاسلاك من حوالى2500كيلو
فلتر البنزين والهوا مع البوجيهات
بحط زيت شيل الاحمر
العربية مفيهاش تنتيش
موضوع الجنوط دة ممكن اجرب الاول وبعدين ارد
وشكرا للمساعدة وفى انتظار الرد.

مشكلة السخونة فى عربيتك وزيادة الضغط فى القربة مش بس من الهواء اللى فى دورة التبريد ده من المية اللى بتحطها من الحنفية او حتى المية المقطرة ماتنفعش لوحدها لازم اضافة المية الحمراء المركزة ولازم وضرورى تحط مية حمراء الموصى بها من سكودا وفية انواع زى توتال او موبيل او شل ولازم تركيزها مايقلش عن 33% وال 4 لتر فى حدود 70 جنية وانصحك بالتوتال البرتقالى انا باستعملها 10/10 ومش حتنقص المية بعد كدة ابدا ومش حتلاقى اى مشاكل فى دورة التبريد او حرارة زايدة .
نوع البوجيهات اية ؟وانصحك تغير الأسلاك لو ماتغيرتش قبل كده.
بالنسبة لزيت الفرامل هوه اللى عامل معاك مشاكل فى الفرامل الزيت عندك بقى فية فقاقيع هواء بتسد المواسير وتضعف الفرامل انصحك قبل ماتعمل اى شغل فى الفرامل هات علبة 500 ملل زيت dot .4 مش dot .3 نوعها موبيل او شل او ابرو وانصحك بشل افضل وروح للميكانيكى وغير الزيت كلة وخلية ينزل الزيت القديم من الأربع عجلات المفروض الزيت يتغير كل سنتين وحتلاقى فرق كبير فى قوة الفرملة وثبات دواسة الفرامل مش حتريح لتحت وانت بتدوس فرامل وان شاء الله حتدعيلى !!