الموضوع: موضوع الزيت المحير

ياجماعه انا عربيتي نيو صني 2013 . حطيت زيت موبيل 1 peak life بس من قراءة موضوعات كتير بحس ان زيت موبيل فيه ناس كتير بتعلق بالسلب عليه . ياترى ايه السبب وهل الاراء دي مستنده لخبرات حقيقيه او تداول كلام ؟ انا اعرف ان موبيل اكبر صانع للزيوت في العالم . ولو الحال كده طب ايه البديل عشان ناس بتقول ليكوي مولي بس لقيت برضو ناس بتقول عليه مش قد كده . وشل بيقولوا افضل بس واحد قالي شغال في شركة بترول انه هو وموبيل واحد ومن نفس المصدر . طب ايه البديل المحترم منعا للقلق عشان دي عربيه جديده . وهل موبيل سيء للدرجه وممكن يكون خطر على المحرك مثلا ؟ الملاحظ كمان ان مفيش اجماع على حاجه ... طب ايه العمل ؟ شاكر لكل من اجهد نفسه بالرد مقدما ..

1- ليكوى مولى 5w40 هاى تك تخليقى 100% 10000كم
2-فالفولين 5w40 ساينبور تخليقى 100% 10000كم
3-شيل ألترا 5w40 تخليقى 100% 10000كم
4-توتال 5w40 تخليقى 100% 10000كم

الكفاءة بالترتيب مع تحياتى

اشكرك جدا يافندم على الرد . انا قريت في قسم دايو ان ناس حطت ليكوي مولي في عربياتها وكان بيخف ويقل !؟ وفيه موضوع لكريم منير بيشكر في زيت وولف الجديد البلجيكي . معلش انا متلخبط ومحتار . دمت بصحه .

المشاركة الأصلية كتبت بواسطة saint2011

1- ليكوى مولى 5w40 هاى تك تخليقى 100% 10000كم
2-فالفولين 5w40 ساينبور تخليقى 100% 10000كم
3-شيل ألترا 5w40 تخليقى 100% 10000كم
4-توتال 5w40 تخليقى 100% 10000كم

الكفاءة بالترتيب مع تحياتى

شكرا جد للردود. حجرب كاسترول او ليكوي مولي

المشاركة الأصلية كتبت بواسطة احمد كاكتوس

استفسار بعد اذنكو انا حطيت ف صيانه ال 1000 زيت xhb 5000 وهوه المفروض 3000 ياتري اغيره علي 3000 ولا 5000 وبعد كده اغير زيت ايه ؟هوه برضه ؟ولا اغير زيت 10000 من الأنواع الموجوده ف المنتدي ولا موبيل 1 ولا اجيب الزيت معايا

يافندم حرام تكون عربيتك جديده وموتورها يتحطله زيت معدني . يعني زيت xhp معدني وزيت mobil 1 تخليقي وقيس كده على جميع انواع الزيوت في السوق فيها معدني وتخليقي . المعدني ينصح به في السيارات القديمه او محركاتها اجهدت . اما التخليقي فينصح به في الجديد . غير لزيت تخليقي افضل . بالتوفيق

المشاركة الأصلية كتبت بواسطة احمد كاكتوس

شكرا جدا يا استاذ احمد علي المشاركة بس ف التوكيل ف صيانة ال 1000 خيروني بين 2 xhb و m 1 وانا كنت قرات ف المنتدي هنا ان ف صيانة ال 1000 اغير الزيت يمون 5000 وبعدين ف صيانه ال 5000 اغير لزيت 10000 فهل هناك مشكله لما تم وتنصحني بنوع زيت ايه ولو معندهمش اجيبه وانا رايح ولا ممنوع

لايافندم مفيش مشكله ان شاء الله والمره الجايه في الصيانه غير لزيت تخليقي ايا كان الموجود في التوكيل واستمر عليه بعد كده ومتحطش معدني . بالتوفيق