موضوع الزيت المحير

**grumby78** · 17-02-2014 05:52 PM

المشاركة الأصلية كتبت بواسطة hugan

انا استخدمت موبيل 1 لمده 120 الف كيلو في الاسبرانزا 516
لم ينقص ملي واحد من الغيار للغيار
كذلك شيل االترا حاليا في التيجو
الشاهين من 2005
باستخدم موبيل اكس اتش بي المعدني
العربيه تخطت ال 250 الف كيلو
لم يحد ث ان وجدت عيب في الزيت او اشتتكيت منه

مؤيد كلامك جدا .. انا طول عمري باستخدم موبيل وشيل بدون اي مشاكل . بس انا قولت يمكن الناس عارفه حاجه انا مش عارفها ولذلك فكرت في التغيير . لكن كلامك بيؤيد تجربتي كمان . شكرا لحضرتك

**grumby78** · 17-02-2014 05:57 PM

المشاركة الأصلية كتبت بواسطة د.هشام

انا بستخدم موبيل 1 بقالي 14 سنة في 4 عربيات. زيت ممتاز وبيحافظ على الموتور، و ده اهم حاجة، ولو اضطريت أغير في يوم من الايام حستخدم شل. بس لو حتشتري موبيل من بره التوكيل هاتوا من أي بنزينة معروفة لموبيل.

د هشام .. استخدامي لموبيل من 1996 في عربيات الاسره كلها وبدون مشاكل الى الان الحمد لله . بس السؤال ليه الناس بتشكك في جودة واعتمادية موبيل ؟؟! وايه دليل ان الزيوت الاخرى افضل ؟

**د.هشام** · 17-02-2014 11:58 PM

المشاركة الأصلية كتبت بواسطة grumby78

د هشام .. استخدامي لموبيل من 1996 في عربيات الاسره كلها وبدون مشاكل الى الان الحمد لله . بس السؤال ليه الناس بتشكك في جودة واعتمادية موبيل ؟؟! وايه دليل ان الزيوت الاخرى افضل ؟

مافيش أي دليل، بس في كلام ان السوق فيه زيوت مضروبة، علشان كدة تتجاب أحسن من محطة بنزين معروفة.
في ناس بتقول ان الموبيل بيتبخر وبينقص، بس ده مابيحصلش معايا بعد 10000 كيلو.
في ناس تانية بيقولوا ان صوت الموتور بيبقى عالي مع موبيل. بصراحة ده مابيفرقش معايا طالما بيحافظ على الموتور، وده رأيي الشخصي، بعد قياس قوة الموتور في أكثر من عربية بعد إستخدام موبيل لمدة عدة سنوات.
ده مش معناه ان الزيوت التانية وحشة، الموضوع في الاخر راحة نفسية.

**ELBEH** · 18-02-2014 05:24 PM

المشاركة الأصلية كتبت بواسطة د.هشام

مافيش أي دليل، بس في كلام ان السوق فيه زيوت مضروبة، علشان كدة تتجاب أحسن من محطة بنزين معروفة.
في ناس بتقول ان الموبيل بيتبخر وبينقص، بس ده مابيحصلش معايا بعد 10000 كيلو.
في ناس تانية بيقولوا ان صوت الموتور بيبقى عالي مع موبيل. بصراحة ده مابيفرقش معايا طالما بيحافظ على الموتور، وده رأيي الشخصي، بعد قياس قوة الموتور في أكثر من عربية بعد إستخدام موبيل لمدة عدة سنوات.
ده مش معناه ان الزيوت التانية وحشة، الموضوع في الاخر راحة نفسية.

بس عايز اقول لحضرتك حاجه انا اول مره احط موبيل المره دى و معايا من 1000 كم مش عايز اقولك صوت الموتور بقا عالى اد اه و بفكر انزله قريب لانى قلقان منه و كنت بحط زيت شل عالطول و كان بيهدى صوت المكنه جامد فا مش عارف بصراحة اعمل اه.