| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 23

  1. #1

    الصورة الرمزية Boss 1111

    رقم العضوية : 142986

    تاريخ التسجيل : 10May2013

    المشاركات : 6

    النوع : ذكر

    الاقامة : Cairo

    السيارة: Elantra

    السيارة[2]: Elanra

    الحالة : Boss 1111 غير متواجد حالياً

    افتراضي Ghabbour Group Hyundai - غبور هيونداي - Facebook Twitter whatsapp انشر الموضوع فى :

    hasad">

    Ghabbour Group Hyundai - غبور هيونداي

    بســـم الله الرحمن الرحـــــــــيم
    الســـــادة أعضــاء نايــل مــوتورز انا عضــو جديد بالمنتـــدى وديه أول مشــــاركة ليا بالمنتدى وحبيت أكتب على تجربتي اليــوم الأربعــاء 05/06/ 2013 في صيانة الســـيارة بتاعتى في توكيل هيونداي الجديد الموجود في طريق القــاهرة الإسمــاعيلية الكيــلو 22 , البداية انى كنت عايز أجــرب التوكيل لأنه أكبر توكيل لهيونداي في الشـــرق الأوسط وانا رحت قبل كده توكيل قليــوب و أبو رواش , المهم انا حجزت قبل كده على رقــم 16101 وميعادى الســاعة 9.30 صباحا وكنت موجود هناك 10.00 صباحا دخلت سألت اروح فين قالوا لى أول مكتب على ايدك الشمــال , لقيت بنت أعده قولت لها عايز اعمل الصيانة وانا حاجز معاكو النهاردة واديتها رقم الحجز بتاعى , قامت اديتنى ورقة مكتوب عليها رقم و قالت لى لما تسمع رقم حضرتك تجى , أوكى المهم إنتظرت حوالى ربع ســاعة و ندهوا على إسمى , روحت قابلت المهندس إللى المفروض ها يســألنى على العربية فيها إيه , طعبا انا اول ما دخلت عليه ما إستلطفتهوش , ده أول إنطبــاع عن المهندس شكــله كده إتم المهم مش موضوعنا ديه حاجة خاصة بيا ممكن يكون الراجل كويس , بس ده إنطباعى انا عنه وسألنى هاتعمل ايه قولت له صيانة ال 80.000 كيلو والسيارة بتاعتى إلنترا موديل 2007 أتوماتيك فقال لى إحنا بنعمل كذا وكذا وكذا وقعد يكتب في ورقة امامه الشغل إللى ها يتعمل وكتب أسعار الحاجة وقال لى موافق قلت ماشى قال لى إمضى , وطلع يستلم العربية معايا من بره , أول حاجة مش كــويسة و زى ما كل الأعضــاء كتبوا في مشــاركاتهم الســـابقة انه حسسنى إنى داخل مغارة على بابا مش داخل توكيل محترم , ليه بقى البيه بيقول لى شيل كل حاجة في الســيارة والأشياء الشخصية وانا طبعا كنت عرف الكــلام ده قبل ما أروح ففضيت العربية وهو بس كان عايز يشيل وش الكــاسيت وانا مش عارف اشيله لان هو بيطلع بطريقة معينة وانا مش بشيل وش الكــاسيت ده خالص , فســألته هو مهم يعنى إنى أشيله , فتخيلوا الرد يكون إيه , قال عشــان الصنايعية ما يسماعوش الكاسيت جوه وانا قلت له هما جايين يشتغلوا ولا يسمعوا الكــاسيت , ضحك ضحكة صفرا كده المهم إحســاسى ما خيبش إتم إتم, الحمد لله بعرف اقرا الناس كويس , طاب يا سيدى ها تخلص إمتى , يقول لى بعد 3 ســاعات قولت له كتير انا هاعمل أيه يعنى الشغل إللى في العــربية ما يخدش الوقت ده كله , إمال انا حاجز ليه وواخد ميعاد بدرى , عشان أخلص بدرى و أمشى اشوف مصلحتى مش ها قضى اليوم يعنى في التوكيل قال لى ربنا يسهل , على فكــرة هو المفروض الشغل إللى هايتعمل ما ياخدش نصف ساعة وهو ( تتغيير فلتر البنزين وفلتر الهواء و البوجيهات وتيل الفرامل الأمــامى وقال ماء الردياتير وديه كانت معلومة جديدة بالنسبة لى لإنى عمرى ما غيرتة من ساعة ما جبت العربية انا بزوده بس) ,وطبعا هو قال حاجات كتير بجانب الحاجات ديه إنها ها تتعمل وبصراحة مش عارف عملها والإ ايه لانى كنت شايف السيارة وانا اعد فوق في الإستراحة ,يعنى هو ماكنها ما كناش بعيد قوى وكنت بتابع من من فوق الراجل اللى بيشتغل بيعمل ايه ,( هو قال بيعملوا فحص للموتور بس انا ما شوفتش , ياما عمله وانا ماخدش بالى وقال ها نظف فلتر التكييف و لو عايز يتغير ها نبلغك و برضة اشك انه نضفة ما شفتهوش) , العربية دخلت وبدأ الراجل يشتغل فيها قلت كويس يا مسهل وشال الكنبة الخلفية عشــان يغير فلتر البنزين وانا شايفة من فوق و متابع قلت كويس كدة مش ها أتأخــر لان الســاعة كانت 11.30 تقريبا , وبعدين الصنايعى بعد ا كان ماسك طرمبة البنزين في إيده ,فقلت ممكن يكون راح يجيب حاجة وجاى وإستمرينا على الحال ده نصف ســاعة , قلت ما بديهاش اروح أشوف المهندس ورحت له فعلا فقال لى ممكن يكون في البريك (وقت الأستــراحة) بتاعة ,إللى بيكون تقريبا نصف ساعة وطلعت تانر الإستــراحة و اعدت اشوف البيه ها يظهر إمتى المهم بعد حوالى ساعة إلا ربع ظهر البيه و رفع السيارة على الكوريك و مشى تانى ( يا دى الأرف) , نزلت للمهندس و انا زهقان و ارفان وقلت له انا متابع السيارة من فوق والراجل الصنايعى رفع السيارة و مشى و النص ساعة بتاعت البريك خلصت وما حدش شغال في السيارة فحس إن انا زنقتة وقال لي حاضر ها اتصل بيه اشوفه بيعمل ايه , خد بقى المفاجأة المهندس بيتصل بيه على كلامة وبيقول لى اصل تليفونة مشغول إطلع حضرتك إستريح وانا ها أشوفه وأكلمه و طبعا كنا دخلنا في الساعة 1.30 بعد الظهر كدة وانا واصل التوكيل 10.30 صباحا يعنى كــام 3 ســاعات وكل إللى انا شفته انا غير فلتر البنزين وطلعت تانى فوق اشرب حاجة واشوف ايه إللى ها يحصل فظهر الراجل إللى شغال في العربية فقلت الحمد لله ها يشتغل ام واخد جــركن مياه محطوط على الترابيزة اللى عليها العدد والأدوات وغسل ايده ومشى والله ده اللى حصل وظهر تانى بعديها بربع او تلت ســاعة و بدأ يشتغل تاتى و معلش انا طولت عليكم عشــان اعرفكم الأرف إللى الواحد شافه هناك , وبعد ما ربنا كــرمنا الســـــــــــاعة 3.00 العصر , تخيلو بقى حوالى أربع خمس ساعات.المهم مصاريف الصيانة :
    330 جينة صيانة ال 80.000 كيلو و 15 جينة مصاريف إداريه مش عارف بتاعت إيه اهم حاجة إنهم ياخدوا فلوس منك و خلاص و 25 جينة مصاريف غسل الموتور بالفوم وعلى فكرة الفوم اللى غسل بيه مش كويس يعنى شكل الموتور مش برضة اللى هو بعد الغسيل تمام , وبعدين 40 جينه مصاريف تركيب تيل الفرامل , فقلت للمهندس امال ال 330 جينه مصاريف الصيانة دول بتوع إيه مش انا بعمل صيانة و تغيير تيل الفرامل يعتبر من الصيانه المهم ما طلعش كده هو بيقول الصيانة حاجة و مصاريف التغيير بتاعت تيل الفرامل حاجة تانية وانا مش مقتنع بكلامة وإرفت خلاص و عايز إمشى قبل الزحمة ودفعت من زهقى وطبعا مصاريف الصيانة إللى حضرته الإتم مهندس الإستقبال بيتكلم عليها واللى مكتوبة كدة على لوحة كبيرة اول ماتدخل , ايه اللى بيتعمل فى صيانة ال 80.000 كيلو و على سبيل المثال لا الحصر ان الحاجات ديه ما إتعملتش وانا دافع ثمنها ( فحص أضواْ السيارة وظبطها ؟؟ اشك ان حد فتح الأضواء أصلا - فحص دورة التبريد و تنظيف السربنتية ؟؟ أشك - وحاجات تانيه كتير مش فاكرها دلوقتى إللى يروح هناك يبقى يشوف هما كاتبين ايه وايه اللى بيتعمل او لو معاك جدول الصيانة شوف ايه إللى مكتوب وإيه إللى بيتعمل فى الواقع كده أنا دفعت 410 جينة فى تركيب تيل فرامل جديد و تغيير بوجيهات وفلتر الهواء وتغيير فلتر البنزين , ده غير ضريبة المبيعات اللى كل شوية يزودها على المبلغ الإجمالى , يعنى لو كان الواحد اشترى قطع الغيار الأصلية ووداهم عند ميكانيكى برة كان أحسن له , بس انا عوت نفسى للأسف من ساعة ما إشتريت السيارة إن انا بعمل شغلى فى التوكيل ما بحبش اتعامل مع صنايعية وادى النتيجة بس خلى بالكوا الصنايعية كمان مش ملايكة وإللى جرب معاهم يعرف معنى كــلامى كويس , يعنى المشكلة إنى دفعت بس ما خدتش الســيرفس المضبوطة , خســارة فيهم بجد المكان المكان والعدد والأدوات و الحمامات و الشو روم بتاعت السيارات الجيدة كله تحفة و حرام يشغلوا صنايعية عندهم بالمستوى دة , انا كنت اعد مع واحد وتناقشنا فى الموضوع دة و قعدنا نستغرب المــكان كويس بس العمالة بطقم المهندسين زفــت , يعنى لو كان البيه غبور إللى عمال يعمل فى فلوس , إحترم العملاء بتوعة وجاب عمالة من برة (كوريا-بنجلاديش-الصين-الهند) كــانت ها تبقى عمالة أحسن من العمالة المصرية الوسخة إللى جايبنها تشتغل فى توكيلات , عشان بعد ما يعد كام شهر وإلا سنة يسيب التوكيل و يروح يعمل له ورشه برة ويعمل نفسة مهندس, المفروض بقى فى التوكيل المحترم العربية تدخل والمهندس يتابع الصنايعى بيعمل ايه واية الوقت المطلوب لعمل الجوب , يعنى لو حاجة 10 دقائق يبقى عشر دقائق ولو الصنايعى إتاخر يكربجه , مش يدخل ينام فى عربية خمس ساعات عشان بيغير تيل و بوجيهات وفلتر هواء وبنزين.
    اسعار قطع الغيار كمان غالية بالنسبة للكورى يعنى الراجل ده كسبان فيها 200%
    1-تيل فرامل امامى 500 جينة.
    2-طقم بوجيهات 160 جينة.
    3-فلتر بنزين 175 جينة.
    4-فلتر هواء 85 جينة.
    التوتال 920 جينة و بعد ضريبة المبيعــات 1012 جينة . والتوتال الصيانة ومصاريف قطع الغيار بعد حســاب ضريبة المبيعات 1463 جينة فى الحاجات الهبلة ديه.
    الخلاصة عشان انا طولت أوووووووووووووووووووووى عليكم , لو سيــارتك كويسة مافيهاش مشـــاكل إشترى قطع الغيار من التوكيل إللى برضة انا مصر إنها غالية بس ها تبقى مضمونة ما تجبش من برة عشان بيقلدوا الأصلى و يقلك عليها أصلى وروح عند أى واحد كويس انت تعرفة او حد رشحة هولك وهو يعمل الكلام دة وأحسن و مش هاياخد له 150 على بعض.
    دلوقتى بقى في كمان عندى مشكلة انا رحت التوكيل عشان ماحدش يلعب فيها بره و ما يكنش فاهم و بعد ما غيرت فلتر البنزين الجديد والبوجهات حاسس ان العربية مش بتسحب معايا زى الأول وانا رايح على التوكيل , بمعنى وانا رايح الصبح قبل الصيانة كنت تدوس على دواسة البنزين تحس ان العربية بتطير معاك و ماشية بسرعة يعنى 120 وبعدين 140 وبعين 160 و بعدين 180 تحس ان المؤشر بتاع عداد الســـرعة بيجرى وبعد الصيانة واول ما خرجت كنت ماشى على 100 , 110 عشان الطريق زحمة واول ما الطريق فتح قلت اجرب العربية فالمهم بعد ال 120 تحس انك بتدوس ومش عايزة تجرى معاك بتاخد و قت عقبال ما توصل لل 140 ومن ال 140 لل 160 نفس القصة , خدت وقت مش زى ما كنت رايح بيها الصبح العربية كنت تشعر لها بنزين تطير وتلاقى عداد السرعة بيجري , يا ريت لو حد يا جمــاعة فاهم فى القصة دية يفدنى عشان انا قرفت , يعنى انا بدفع فلوس عشان الحاجة تنظبط مش عشان تبوظ , و الله الصبح كانت العربية خفيفة مش عارف عملوا فيها ايه , يمكن الراجل لعب فى الموتور بتاع العربية بالجهاز اللى بيظبط الموتور ,مش عارف الله اعلم يا ريت حد يفيدنى ضرورى , عشان لو كده اروح لهم تانى و امرى لله وعلى فكرو هما زودو المياه اللى الردياتير فوق علامة الفول المفروض انقصها شوية وإلا ايه . ومرة تانية معذرة على الرغى الكتير بتاعى.
    شكرا


  2. #2

    الصورة الرمزية Hunting_Eagle

    رقم العضوية : 63536

    تاريخ التسجيل : 27Feb2010

    المشاركات : 790

    النوع : ذكر

    الاقامة : 6th of October

    السيارة: 2014 Kia Cerato

    السيارة[2]: Mazda 6 Ultra

    دراجة بخارية: No

    الحالة : Hunting_Eagle غير متواجد حالياً

    افتراضي -

    ده الطبيعي في اي مركز حدمة عملاء في مصر

    انهم و لا بيفهمو حاجة في خدمة العميل غير انه يسرق فلوسك و يحرق دمك و يتفلسف عليك لانه معتقد انك مش فاهم في اي حاجة

    "سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"


  3. #3

    الصورة الرمزية khaabas

    رقم العضوية : 14995

    تاريخ التسجيل : 22Jul2008

    المشاركات : 2,018

    النوع : ذكر

    الاقامة : بورسعيد

    السيارة: chery a11

    السيارة[2]: Accent Rb

    دراجة بخارية: no

    الحالة : khaabas غير متواجد حالياً

    افتراضي -

    سجل شكوى واى حاجة موش عاجباك فى الصيانة ارجعلهم تانى ومتسيبش حقك
    وبالنسبة لموضوع السحب ده انا ارجح انه نفسي علشان انتا قرفت منهم


  4. #4

    الصورة الرمزية mahmoud_afifi

    رقم العضوية : 28151

    تاريخ التسجيل : 21Dec2008

    المشاركات : 5,098

    النوع : ذكر

    الاقامة : Cairo, 5th Settlement

    السيارة: N/A

    السيارة[2]: Hyundai Elantra HD

    دراجة بخارية: N/A

    الحالة : mahmoud_afifi غير متواجد حالياً

    افتراضي -

    اتفق معاك في كل حرف وكل كلمه ونفس الوصف بالظبط الي كنا بنشوفه منهم كل مره. انا دمي اتحرقلك بجد
    توكيل زباله وصنايعيه مش بتاعة شغل وبيوسخوا العربيه (قال يعني اشتغلوا).

    الموضوع ده لازم يتثبت عشان الناس ماتروحش التوكيل ال%#$ ده


  5. #5

    الصورة الرمزية horas3000

    رقم العضوية : 32723

    تاريخ التسجيل : 12Feb2009

    المشاركات : 7,095

    النوع : ذكر

    الاقامة : Kuwait- Naser city

    السيارة: Renault Fluence 11- Outlander 08- Murano 06- BMW X5 10 - BMW 740Li 06

    السيارة[2]: Mitsubishi Pajero 10

    دراجة بخارية: non

    الحالة : horas3000 غير متواجد حالياً

    افتراضي -

    تقريبا ده نفس انطباع اي حد بيروح المركز ده
    هو زي ما قلت
    من بره هلا هلا و من جوه يعلم الله

    Sharief Mansy شريف منسي
    شكرا نايل موتورز

    Farewell my Cayenne, you were the best car i ever had and driven


  6. #6

    الصورة الرمزية khaabas

    رقم العضوية : 14995

    تاريخ التسجيل : 22Jul2008

    المشاركات : 2,018

    النوع : ذكر

    الاقامة : بورسعيد

    السيارة: chery a11

    السيارة[2]: Accent Rb

    دراجة بخارية: no

    الحالة : khaabas غير متواجد حالياً

    افتراضي -

    ياااااه كنت ناوى اروح اكنسل يعنى


  7. #7

    الصورة الرمزية DEVILRIDER

    رقم العضوية : 125981

    تاريخ التسجيل : 11Jun2012

    المشاركات : 340

    النوع : ذكر

    الاقامة : egypt

    السيارة: no

    السيارة[2]: 2013 hyundai elantra

    دراجة بخارية: no

    الحالة : DEVILRIDER غير متواجد حالياً

    افتراضي -

    بص برده هما عملوا ايه معايا http://www.nilemotors.net/Nile/360624-a.html


  8. #8

    الصورة الرمزية mahmoud_afifi

    رقم العضوية : 28151

    تاريخ التسجيل : 21Dec2008

    المشاركات : 5,098

    النوع : ذكر

    الاقامة : Cairo, 5th Settlement

    السيارة: N/A

    السيارة[2]: Hyundai Elantra HD

    دراجة بخارية: N/A

    الحالة : mahmoud_afifi غير متواجد حالياً

    افتراضي -

    اقتباس المشاركة الأصلية كتبت بواسطة khaabas مشاهدة المشاركة
    ياااااه كنت ناوى اروح اكنسل يعنى
    اجري يا مجديييييييي


  9. #9

    الصورة الرمزية Boss 1111

    رقم العضوية : 142986

    تاريخ التسجيل : 10May2013

    المشاركات : 6

    النوع : ذكر

    الاقامة : Cairo

    السيارة: Elantra

    السيارة[2]: Elanra

    الحالة : Boss 1111 غير متواجد حالياً

    افتراضي -

    بدون تردد و نصيحة لوجه الله ما تروحش , إشتــرى قطع الغيار الأصلية من مركز هيونداى او وكيل وشوف اى حد كويس بفك ويركب الحاجة بتعتك أدام عينك .


  10. #10

    الصورة الرمزية Kareem.ElAraby

    رقم العضوية : 84670

    تاريخ التسجيل : 01Jan2011

    المشاركات : 2,108

    النوع : ذكر

    الاقامة : Egypt

    السيارة: None

    السيارة[2]: Hyundai

    دراجة بخارية: NONE

    الحالة : Kareem.ElAraby غير متواجد حالياً

    افتراضي -

    hasad">

    طب كده كده حضرتك ضمانك خلص
    و علي المنتدي هنا المهندس هاني ميخائيل
    x توكيل و ما شاء الله عليه
    روحله و هات قطع الغيار بنفسك أو هو يجيبهالك
    شوف ايه يريحك
    انا بأروح التوكيل عشان الضمان و ساعات بأروح لهاني أغير تيل أشيك علي حاجه كده يعني
    و الاكسنت بأروحله برده صيانه ليها

    When The Sun Sets, The Race Begins
    Eng. Kareem El-Araby


    nfs_206 سابقًا



 
صفحة 1 من 3 1 2 3 الأخيرةالأخيرة

المواضيع المتشابهه

  1. Hyundai Veloster Street 2012 هيونداي
    بواسطة احمدعبدالعزيز في المنتدى أخبار السيارات في مصر والعالم
    مشاركات: 3
    آخر مشاركة: 01-11-2012, 02:50 AM
  2. مد الضمان على سيارات هيونداي من غبور
    بواسطة Invensys2011 في المنتدى هيــونــداى
    مشاركات: 11
    آخر مشاركة: 06-10-2012, 06:08 PM
  3. سؤال لـ غبور (وكيل هيونداي)
    بواسطة chpsy في المنتدى هيــونــداى
    مشاركات: 1
    آخر مشاركة: 08-10-2011, 03:33 PM
  4. Used Hyundai Getz هيونداي جيتز كسر زيرو أو مستعملة نضيف
    بواسطة josephedward في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 5
    آخر مشاركة: 07-08-2009, 03:10 AM
  5. fekry group ....zeft group
    بواسطة amruso في المنتدى فـــــورد
    مشاركات: 12
    آخر مشاركة: 09-02-2009, 03:27 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2