مشكلة في فرامل نيو صني والعربية ماشية 4000 كيلو فقط !!!

**the_air_devil** · 06-06-2013 12:54 PM

مشكلة الفرامل لازم تكشف في التوكيل وتغير التيل ولو كان تسبب في ضرر للطنابير تتغير هي كمان وماتتنازلش عن ان كل ده يكون في الضمان, الفرامل عمرها ماكانت سيئة بالعكس دي أكتر من ممتازة ماشاء الله لكن فيه عيب عام وهو سوء خامة التيل علشان كدة بيتسبب في ضرر للطنابير مع الفرملة المستمرة المتكررة .. وده عيب علاجه يكون في الضمان وماتتأخرش في تصليحه

أما عن السحب , العربية سحبها كويس مافيهوش مشاكل , لكنه مش شديد وقوي علشان هي موفرة في البنزين وحركة السحبة المفاجئة مش موجودة فيها علشان ماتاكلش معاك بنزين ...انما لو السحب حاسس انه فقير والتسارع مش كويس يبقى تنضف فلتر الهواء وتعمل تنضيف لدورة البنزين وتغير محطة البنزين اللي بتتعامل معاها

نيجي للتكييف ... أول مرة اشوف حد بيقول على تكييف الصني انه وحش , علشان كدة يبقى فيه سببين : أول واحد لو فيه عيب تصنيع في شحن الفريون , والسبب التاني هو عيب في الترموستات أو مش متوجهة صح ... اتأكد انها على أقوى درجة ووجه هوايات التكييف عليك وانت بتتحرك , وقبل ماتمشي بالعربية هويها وخرج الهواء الساخن منها وبعد كدة شوف لو استمر الحال يبقى يكشفوا عليه في التوكيل

كل ما سبق مش محتاج منك تدفع ولا قرش وماتتنازلش عن حقك دي عربية زيرو مش واخدينها تخليص حق ... التكلفة الوحيدة في تمن منظف دورة البنزين من أي محطة بنزين موبيل

ربنا يباركلك فيها ويرزقك خيرها ويكفيك شرها وشر الطريق ونفوس الناس

تحياتي

**mmohamed15** · 06-06-2013 01:08 PM

المشاركة الأصلية كتبت بواسطة the_air_devil

مشكلة الفرامل لازم تكشف في التوكيل وتغير التيل ولو كان تسبب في ضرر للطنابير تتغير هي كمان وماتتنازلش عن ان كل ده يكون في الضمان, الفرامل عمرها ماكانت سيئة بالعكس دي أكتر من ممتازة ماشاء الله لكن فيه عيب عام وهو سوء خامة التيل علشان كدة بيتسبب في ضرر للطنابير مع الفرملة المستمرة المتكررة .. وده عيب علاجه يكون في الضمان وماتتأخرش في تصليحه

أما عن السحب , العربية سحبها كويس مافيهوش مشاكل , لكنه مش شديد وقوي علشان هي موفرة في البنزين وحركة السحبة المفاجئة مش موجودة فيها علشان ماتاكلش معاك بنزين ...انما لو السحب حاسس انه فقير والتسارع مش كويس يبقى تنضف فلتر الهواء وتعمل تنضيف لدورة البنزين وتغير محطة البنزين اللي بتتعامل معاها

نيجي للتكييف ... أول مرة اشوف حد بيقول على تكييف الصني انه وحش , علشان كدة يبقى فيه سببين : أول واحد لو فيه عيب تصنيع في شحن الفريون , والسبب التاني هو عيب في الترموستات أو مش متوجهة صح ... اتأكد انها على أقوى درجة ووجه هوايات التكييف عليك وانت بتتحرك , وقبل ماتمشي بالعربية هويها وخرج الهواء الساخن منها وبعد كدة شوف لو استمر الحال يبقى يكشفوا عليه في التوكيل

كل ما سبق مش محتاج منك تدفع ولا قرش وماتتنازلش عن حقك دي عربية زيرو مش واخدينها تخليص حق ... التكلفة الوحيدة في تمن منظف دورة البنزين من أي محطة بنزين موبيل

ربنا يباركلك فيها ويرزقك خيرها ويكفيك شرها وشر الطريق ونفوس الناس

تحياتي

يعني حضرتك مش حاسس ان مشوار البدال طويل بتاع الفرامل ؟

**Youssef.Awad** · 06-06-2013 01:18 PM

التكييف والفرامل لازم تروح التوكيل
الزيت لازم تغيره لنوع نظيف زى ليكوى مولى او فالفولين

**medo200684** · 06-06-2013 06:58 PM

انا كان عندي نفس مشكلة الفرامل دي بس لما روحت صيانة ال 5000 قولتلهم عليها و المهندس اللي هناك قالي ان هما هيغيروا صاجة التيل و لما استلمت العربية بعد الصيانة الفرامل بقيت احسن لحد دلوقتي