عايز أخد رأيكو فى تظبيط تابلوة هوندا 93

**mopecoolboy** · 08-06-2013 01:01 AM

ازيكو يا رجالة الهوندااا

عايز أخد رأيكو .. عايز اظبط التابلوة بتاعى و هوة لونو ( رمادى ) عايز اعملو اسود فى احمر زى الصورة اللى هحطها ... بس فى مشكلة لما أقول هفك التابلوة و أرش يقولوا تابلوة هيقشر من الشمس
او اللون هيتغير !!!! طب اكسية جلد يقولوا الجلد هيفك مع الوقت عشان كدة كدة دى مادة لزق و بتفك مش الشمس و العوامل التانية !!!!!
طب أعمل ايو واحد صحبى قالى تابلوة الهوندا الموديل دا صعب الرش يمسك علية عشان خامة التابلوة ..قالى أعمل علية فايبر و رش على الفايبر ...مش عارف دا بقى اية نظاموا و صح ولا

يا ريت حد يفدنى سواء رش أو كسوة جلد ؟؟..وياريت يقولى على حد ممكن أعمل عندو الحاجات دى و تطلع مظبوطة حد يكون عارف فى الحاجات دى و خاماتة فى الرش أو الكسية حلوة ولا تطقطق ولا تفقفق ولا الجو دااا

و دى الصوررة اللى عايز أعمل زيهاااا

**AHMED_HAMDY** · 08-06-2013 01:38 AM

بص نصيحه لوجه الله بلاش رش انا مرشوش عندي من 4 سنين واكثر مفيش اي تشقيق ولا اي تقشير

التقشير بس حصل في الكنسله اللي تحت جزء اللي تحت علشان رش من غير ميحط الماده الي بيحطها علشان تمسك البوهيه فبدا يظهر اللون الفيراني ف الجزء ده وانا كل يوم راكن في شمسه على فكره

بس انا اما رش حط فير ورش ولا لاء مش عارف بصراحه د

بس الرش مش عملي بجد ومش ومع احترامي لصوره العربيه بص على الفيراني هتلاقيه احسن من الشكل ده

وفي التنظيف الرش حاسس انه بيلم كميه تراب ومش بتنضف زي الاصلي مش عارف ليه

الجلد كويس بس مش عايز ركن ف مكان شمسه

حاول تدور على الطابلوه الاسود شكله شيك جدا جدا

**mopecoolboy** · 08-06-2013 07:48 AM

شكرااااا يا رجالة انا فعلا يا استاذ احمد بدور على التابلوة الاسود بس سألت عند مجدى الدسقوى قالى مش موجود و صعب تلاقية و مش عالرف اعمل اية !!! طب مفيش اى حلول تانية ؟؟ اصل بصراحة انا عندى رمادى بس شكلة مش عاجبنى خالص حتى لو اتنضف ...... طب و الحل :d:d ?

**AHMED_HAMDY** · 08-06-2013 09:31 AM

بص انا الحل الي اتوصلتله هحاول اجيبه من الاماارات بس يا رب اعرف وشوفت واحد بينزل فيه اير باج

بص الرمادي حلو حاول تعمل البلاستيكه اللي فيها هوايات التكييف دي رشها مش هتقشر خالص رشها اسود

هات ورق عدادات

هات شريط ليد وحطه على وحده التكييف من جوه اول متنور نور الطابلوه هتنور معاك ؟؟ ؟

ابعتلي اميلك على الرسائل هوريك صور بس مش هينفع ارفعها كلها هنا ممكن تخلي شكل الطابلوه كويس ان شاء الله