الموضوع: تسريب زيت

مساء الخير

الموضوع وما فيه :( ان نزلت ولا بيه ولا عليا الصبح وبقول بسم الله ببص تحت العربيه لاقيت تنقيط زيت من كل حته من عند الماتور كده والاكتر من الجمب اليمين

المهم روحت لميكانيكي قالي ده جيوان الكارتيرة ،، أغير ؟ قولتله غير :( قالي هنحتاج زيت أغير قولتلة غير :(

المهم فك وجاب الجيوان وادي سيليكون حراري

المهم المصنعيه كام ياعم 100 جنيه من هنا لهنا وصلتها معاه ل 65 جنيه

جربنا وطلعنا بيها انا وهوا لفينا بيها شويه المهم رجعنا علي الورشه عنده رفع العربيه ونزل قعد يبص بتاع اربع دقايق كده والحمد لله مافيش زيت

وصلت البيت وركنت في الجراج فقولت احط كارتونه ولا اي حاجه علشان اتاكد ان الدنيا زي الفل جيت بقي الصبح رايح مشوار ببص علي الكارتونه ،، مافيش زيت والدنيا زي الفل لحد كده

روحت المشوار بقي وببص علي العربيه بعد ما وصلت المكان الي رايحه ،، اللاقي نقط زيت نازله من كل حته + بقي بقعه كده من عند المصفحه في النص بالظبط بتاعت المصفحه متغرقه

المهم بقي روحت للميكانيكي قالي أويل سي كرنك خلفي :(

قولتله اه وبعدين قالي ده هيكلفك مصنعيه 250 جنيه لاني بفك فتيس وبتاع

قولتله ازاي اويل سي كرنك واحنا شوفنا الدنيا كانت زي الفل ولو اويل سي كرنك كان المفروض كان بينزل علي طول حتي بعد ماغيرنا جيوان الكارتيره كان بان


المهم ياجماعه دلوقتي انا اعمل ايه ؟؟

شوروا عليا لاني زهقت :((((( (((((((((((

كلام الميكانيكى مظبوط
طالما الزيت بينزل من المنتصف (عند المصحف) يبقى فعلا اويل سيل الكرنك الخلفى عاوز يتغير
السؤال هنا طب مهو كان سليم؟
بس ضغط الزيت كان بيروح جزء منة فى تسريب جوان الكرتيرة
فلما اتحكم جوان الكرتيرة الزيت بقى ضغطة ازيد (ضغط طرطشة ) فبيطلع من اضعف مكان اللى هو اويل سيل الكرنك الخلفى او اويل سيل الكرنك الامامى بس هتلاقى حضرتك غيرت اويل سيل الكرنك الامامى قبل وكدة وبقى عمرة احدث طبعا من الخلفى
لانة سهل فى تغييرة مش بيحتاج تفكلة حاجات كتيرة
وفعلا المنصعية من 200 الى 250 حسب نوع العربية