الموضوع: بلطجية الحسين !!

كم انت مظلومة ايتها الثورة
بسبب بوصلة المصريين اللي متوجهة غلط
الله يرحم الشباب اللي راحو عشان البلد تنضف
ويا ريتها نضفت

الحمدلله انها عدت على خير و انها جت على قد كدا
انا شفت بعيني والله واحد كان راكن عربيته ولما رجع شغل العربية و لسة هيمشي واحدة وقفتله قدام العربية و قالتلو انزلي عاوز تمشي من غير ما تدفع حق الركنة
الراجل اساسا كان دافع لواحد تاني و اللي كان دافعله كان واقف و قالها سيبيه يمشي انا اخدت منه قالتله يابن ال ..... دي "منتشقطي" هتبلطج عليا و كلمة منها ل كلمة ليه و الراجل صاحب العربية واقف ما بينهم و خلصت على إنه إدى للست 5 جنيه و سابوه يمشي

المشكله يا سيدي الفاضل مش في الثورة المشكله في نتاج الثورة في اخلاق منحرفه و ظواهر لا اخلاقيه احنا بنربطها بالثور لان اللي حصل ده كل بان لينا بعدها و كان النظام السابق قافل الخناق علي المظاهر المنحرفه دي و لكن دلوقتي لا رادع و لا رقيب الداخليه مش شايفه شغلها النظام مش فاضي في صراعاته السياسيه و محاولاته للتحكم في مفاصل الدوله و الطفيليات دي كانت فرصتها دلوقتي انت متقدرش تقول لحد تلت التلاته كام انت ممكن عربيتك تتخبط و تخاف تنزل تبص عليها لتتثبت حسبي الله و نعم الوكيل .
امبارح قررت اني اتمشي من ميدان الدقي لميدان التحرير و اركب المترو لبيتي المشوار ده مشيته زمان بدل المره مئات المرات و يا ريتني ما اتمشيت امبارح حاسس اني الشوارع دي اول مره امشي فيها شارع الأوبرا اللي كان بيتلألأ ضلمه كحل زباله في كل حته ارصفه مكسره سور الأوبرا عليه صاج شكله مقزز و عليه كتابات و لا كاننا في بلد من مجاهل افريقيا كوبري قصر النيل حدث و لا حرج من اوله لأخره كراسي و عربيات ركنه يا نهار ابيض هو ده كوبري قصر النيل اشكال الناس اللي وقفه بتبيع واصحاب الكراسي غريب بلطجيه مش ناس عاديه تقلق تكلمه جامعه الدول العربيه اللي كانت منوره كتابات علي جدرانها و اسوارها و اكوام من القمامه عليابوابها و توصل ميدان التحرير اشبه بمدينه اشباح تنظر في وجوه الناس تستشعر القلق و الريبه لدرجه ان تليفوني رن خفت اطلعه من جيبه ارد ليتخطف من ايدي حاسس ان دي مش بلدي و لا دي الشوارع اللي ياما اتمشيت فيها و الله الواحد مش عارف يقول حسبي الله و نعم الوكيل في مين و لا مين و لا مين منظومه نظام فاسد استمر كان ظاهره الضبط و الربط و المان و باطنه كلنا اعلم بيه امتد لمجلس عسكري هش زود الطينه بله و انتهي بولاده نظان جديد اشبه بالقديم و لكن بلحي ظاهرم الدين و باطنهم الله اعلم بيه حسبي الله و نعم الوكيل في كل من لم يتق الله في هذا الوطن

انا مابحبش الحسين خالص المنطقة دي الناس سوءت سمعتها وفي الركنات بتعمد اروح بعيد واركن علشان ماحدش ييفتح بقة منهم .


قبل كدا ركنت بعيد ومافيش ساسة ولا اي حاجة لما جيت امشي لقيت سايس جايلي

بقولة نعم بيقولي تمن الركنة قولتة تمن ركنت اية يا محترم انا راكن بعيد وماكنش فية حد وانا بركن ويقولي انا كنت بحافط علي العربية قولت له انتا ماكنتش موجود اساسا و لما شوفتني بخرج جيت جري وفضلت اتحانق معاة شوية لقي زبون تاني خارج راح سابني وجري عليه هههههههه


انا ركنت بعيد واخد مكروباص ابو نص جنية ده وزي الفل ..