سؤال لاهل الخبره رايح بكره اشوف عربيتين بى واى دى مستعمل

**tarekhassan88** · 08-06-2013 04:44 PM

ان شاء الله رايح بكره اشوف عربيتين بى واى دى مانيوال واحده 2011 بدون التعديلات الجديده ( الفاميه و لون العدادات ...........) عامله 50000 كم و فبريكه بره وجوه و طالب 61000 جنيه

و التانيه 2008 التقفيل الصينى و عامله 58000 كم و مغير العفشه لعفشة تيوتا و مركب جهاز ضد السرقه ( طبعا انا لسه هشوفها بكره و هيبقى معايا الميكانيكى بتاعى و مش عارف هنعرف ازاى ان العفشة دى عفشة تيوتا) و طالب 58000 جنيه ( السعر مبالغ فيه شوية على ما اعتقد )

اخر حاجه بقه انا كان قدامى عربيه 2012 مع التعديلات الجديده و كانت عامله 30000 كم و اتباعت من اسبوعين تقريبا ب 58500 جنيه و كان فيها خبطه فى الرفرف ( بس انا مكنتش جهزت لسه بكل الفلوس اللى اقدر اشترى بيها )

تنصحونى بايه علشان ابقى عارف انا بعمل ايه و ان شاء الله هصلى استخاره قبل ما اروح

و طبعا انا ممكن اصبر شويه كمان لو لقيت ان السعر مبالغ فيه و خصوصا اننا داخلين على مظاهرات 6/30 و ممكن استنى لبعدها ( بس لو الامور عدت على خير هيبقى بعدها رمضان ان شاء الله يعنى اعتقد ان السوق هيريح شويه من الاسبوع اللى جاى )

مش عارف تفكيرى صح ولا غلط و علشان كده بستشركم (ولا خاب من استشار )

**Mohamed ELOoL** · 08-06-2013 05:49 PM

طب ماتشوف بنفس السعر دة نوبيرا و تكون حالة ممتازة او تزود شوية و تجيب لانسر 2006 مثلا

**ahmedalaahosny** · 08-06-2013 06:12 PM

من رايي استنى شوية لما نشوف حوار 30-6 والانفلات اللى هيحصل كمان وحوار النزين والليلة اللى مش مستقرة دى

**tarekhassan88** · 08-06-2013 09:19 PM

المشاركة الأصلية كتبت بواسطة mohamed elool

طب ماتشوف بنفس السعر دة نوبيرا و تكون حالة ممتازة او تزود شوية و تجيب لانسر 2006 مثلا

اولا شكرا لحضرتك

الحقيقة انا كان معايا نوبيرا 2003 مانيوال و فعلا عارف كل مشاكلها تقريبا

بس انا عايز عربية تكون كسر زيرو اصلا يعنى اقصى حاجه 30000 كم

او زى العربيتين اللى انا كاتبهم فوق و فرق السعر اللى هدفعه بالاقل ممكن اسيبهم على جنب لو لقدر الله احتجت اغير حاجه فى العربيه

**tarekhassan88** · 08-06-2013 09:21 PM

المشاركة الأصلية كتبت بواسطة ahmedalaahosny

من رايي استنى شوية لما نشوف حوار 30-6 والانفلات اللى هيحصل كمان وحوار النزين والليلة اللى مش مستقرة دى

شكرا لحضرتك

و الحقيقة انا نفسى ان المظاهرات تقلب بثورة علشان نخلص من اللى احنا فيه

وعلى فكره لو فى ثوره جديده مش هيبقى فى كوبونات بنزين

**bassem.naguib** · 08-06-2013 09:34 PM

�� | ��

بالنسبة لأسعار العربيات اللي أنت حاططها .. ممكن تنزل فيهم ألفين أو تلاتة لحد خمسة بالكتير قوي .. وأنت وشطارتك .

بس المهم الكشف على الحالة العامة للسيارة .. ويكون معاك حد أمين وبيفهم .. والله الموفق بعد استخارته .

**tarekhassan88** · 09-06-2013 10:12 PM

المفروض انى كنت اروح اشوف النهارده العربيتين و كنت متفق مع اصحابهم بعد الساعة 5 عصرا و اتفقت مع الميكانيكى على كده
و بعد ما نزلت و كنت رايح اجيب الميكانيكى كلمت صاحب العربية موديل 2011 لقيته بيعتذر و بيقول مش هينفع النهارده فقلت بما انى نزلت خلاص و الميكانيكى معايا فالافضل انى اروح سوق السيارات ابص بصه

و الحقيقه انا اصلا مش مقتنع بالعربية التانيه اللى هى 2008 لانى عايز اجيب كسر زيرو

المهم انى رحت السوق و بالطبع ملقتش و لا عربيه بى واى دى و لفيت شويه مع الميكانيكى و عجبتنى عربيه نوبيرا ( معشوقتى القديمه) بس انا نويت انى انتظر و اصبر شوية ( ان الله مع الصابرين)

مستنيكى يا بى واى دى لحد ما ربنا يكرمنى و اجيبك ان شاء الله

ادعولى

**alrabeh** · 09-06-2013 11:37 PM

الفت نظر سيادتك ان سعر العربية الزيرو المانيوال نزل تانى لسعر 72000 بعد ما كان طلع ل 80000
و ياريت لو تفطر فى اوتوماتيك أفضل من المانيوال علشان الزحمة

**tarekhassan88** · 09-06-2013 11:48 PM

المشاركة الأصلية كتبت بواسطة alrabeh

الفت نظر سيادتك ان سعر العربية الزيرو المانيوال نزل تانى لسعر 72000 بعد ما كان طلع ل 80000
و ياريت لو تفطر فى اوتوماتيك أفضل من المانيوال علشان الزحمة

اولا شكرا لحضرتك على مرورك على موضوعى

بس السعر بقى فعلا 72 الف بس

يا ريت مستر باسم يؤكد لنا موضوع السعر ده

-

الموضوع: سؤال لاهل الخبره رايح بكره اشوف عربيتين بى واى دى مستعمل

LinkBack

أدوات الموضوع

عرض

-

-

المواضيع المتشابهه

سؤال لاهل الخبره

سؤال لاهل الخبره

سؤال لاهل الخبره

سؤال لاهل الخبره

سؤال فني لاهل الخبره

الكلمات الدلالية لهذا الموضوع

المفضلات

المفضلات

ضوابط المشاركة