الموضوع: تقييمى الكامل للسياره byd f3 2013

الحمد لله اشتريت سياره BYD F3 2013
و بما انى استفدت من الاخرين فى هذا المنتدى كثيرا رغم حداثه وجودى به
فاردت ان اعرض تجربتى الكامله مع السياره حتى الان على الاخرين لعلى استطيع رد بعضا مما استفدت هنا

اولا : صور السياره
1 - من الخارج

لم اجد تغيير فى الشكل الخارجى عن موديلات 2012 الا الفاميه فى الزجاج الخلفى و لزجاج الابواب الخلفيه




















2 - من الداخل

التغيير الاكبر هو فى لون اضائه العدادات و قد اضفى اللون الازرق لمسه جماليه جميله



















ثانيا : تجربه القياده

احب اقولكم انى انتقلت من قياده 127 توب الى BYD F3 فلكم ان تتخيلوا الفارق

السياره ناعمه جدا على الطريق
السحب ممتاز و ثبات رائع
و ان كنت مشدتشى على الموتور حتى الان لانى فى فتره التليين و عملت حوالى 750 كيلو
و بحاول انى معلاش بالRPM عن 3000 او السرعه عن 80

و لكن و مع ذلك استجابت السياره للضغط على البنزين رائعه

صوت الموتور هادئ بس مش قوى فى صوت خفيف جدا بسمعه منه , بس ده عادى لان الموتور جديد و بيتلين
بس احيانا بسمع صوت تكه كده و بميزها اكتر بعد مشوار و اركن العربيه و اقفلها و انزل , باستمر فى سماع التكه دى , و شويه و بتختفى , بس مش عارف دى من ايه
و احب اقول ان مفيش اى مشكله حراره واجهتنى فى السياره حتى الان و جاى فيها مياه خضراء

الفرامل خرافه و رائعه و فى تحذير فى الكاتالوج من استخدام الفرامل بقوه فى ال300 كيلو الاولى

الفتيس كويس جدا لو اتعودت على انك تدوس الدبرياج للاخر , بس برضوا فى عضه خفيفه كده و خصوصا فى المارشدير و الاول و التانى

ثالثا : ملحوظات

اماكن التخزين الكتيره الى فى السياره ميزه رائعه بصراحه

الكاسيت صوته كويس , بس السماعات فى الابواب الاماميه فقط , انصح اى حد يجيبها , يركب سماعات خلفيه

الشنطه لازم تترزع علشان تتقفل , بس دة مش موضوع لان كل الحكايه تظبيط البوش بتاع الشنطه

الابواب الخلفيه مش بتقفل بسهوله قوى بس مش لازم تترزع يعنى

الانوار الاماميه مستواها محتاج ينخفض سنه بسيطه

التابلوه شيك جدا و الفرش كذلك , بس الفرش جلد فاتح و هيتبهدل بسهوله , انصحكم بفرش كويس ليها , و يا ريت معاه تجليد الارضيه جلد لانها اصلا قماش و فاتح برضوا و بتتوسخ بسهوله جدا

و دى صوره للعربيه بعد ما فرشتها من جوه , قارنوها بالفرش الاصلى الى فوق و بصوا على الارضيه




فى النهايه , اتمنى اكون افدتكم , و الى عايز اى استفسار , انا تحت امره

المشاركة الأصلية كتبت بواسطة elpasha1

الف مبروك وربنا يكفيك شرها
لكن لى استفسار معملتش لية ارضية العربية بلون بيج بدل الرمادى ( اعتقد شكلة كان هيبقى احسن)
تقبل مرورى

محبتشى اعمل الارضيه فاتحه لانها هتتبهدل بالطريقه دى

انت عارف شوارعنا عامله ازاى