ربنا يباركلك فيها
بس لو ماشي في وقت الظهيرة والشمس نار والدنيا زحمة درجة الحرارة توصل كام؟؟
رقم العضوية : 64290
تاريخ التسجيل : 06Mar2010
المشاركات : 73
النوع : ذكر
الاقامة : Cairo
السيارة: Skoda Octavia A4
السيارة[2]: Skoda Felicia
دراجة بخارية: No
الحالة :
السلام عليكم
يا جماعة انا و آلاف زيي من مالكي سكودا فليشيا مكيفة بيشدوا في شعرهم من السخونة يعني لو حطيت ساندويتش برجر ني تحت الكبوت مسافة الطريق تلاقيه استوا
الفيليشيا المكيفة فاشلة يا جماعة و دة اخر الكلام بس لو كان و لا بد يعني يبقى نقول التجربة بتاعتي اللي حسنت كتير من سخونة العربية و التكييف شغال
انا جربت اعمل كل شىء ممكن يساعد في تخفيض الحراره
غيرت وش سلندر جديد
و طبعا جبت جوان اصلي جديد
غيرت رادياتير صيني
غيرته لاحقا برادياتير نحاس
غيرت حساس حراره
شلت قميص المروحة و ركبته يعني عملت كدة و كدة
عليت الكهربا بتاعة العربية ووطتها
حطيت مروحة 2 سرعة ألماني اصلي
ركبت كتاوت للمروحة عشان السلك مايسحش من كتر مالمروحة شغالة مع الحراره السلك بيسيح او بيحمص
عملت كل شىء تقريبا
عملت نص عمره للعربية
غيرت الترموستات بدل العالي جبت الواطي
غيرت الضفيره بتاعة العربية
قللت ضغط الكباس بتاع التكييف عشان مايحملش على الموتور و طبعا تبريد التكييف بقى سىء
عموما مش هاغلبكوا و أطول عليكم
الاسباب و العلاج
1- تنفيس في وش السلندر و دة يعالجه مادة حمراء بلاستيكية غريبة كدة الازازة تقريبا الرخيص ب 12 و الغالي اوي ممكن يوصل لـ 35 انجليزي , اشرح لبتاع الاكسسوارات هي بتعمل ايه و قوله عايز السائل اللي بيعالج تنفيس وش السلندر
طب تعرف انه في تنفيس ازاي هاتلاقي لما تفتح غطا القربة في اندفاع بخار و العربية متوسطة الحراره يعني على 90 مثلا , تحس انه في نفخ و النفخ دة بيولع العربية بمعنى الكلمة و هو اخطر شىء على العربية
العلاج يا ما تجيب السائل الغريب دة يا اما تغير جوان وش السلندر بحوالي 150 جنية مصنعية و 60 جنيه تمن الجوان
2- لو وش السلندر سليم و انت متأكد من كدة يبقى تحمد ربنا و تبص على الرادياتير , لو بقاله كتير اوي معاك اكتر من 5 سنين حاول تفكر تغيره بواحد صيني جديد ماركة فيكا بحوالي 200 جنية
3- هات مروحة 2 سرعة ألماني اصلي بـ 250 تقريبا من الوكالة او عزبة شلبي بالمطرية هاتفرق معاك كتير و هاتها بقميص و لو عندك قميص يبقى هات المروحة بس و ركبه على القميص اللي عندك
4- ركب مروحتين 10 بوصة على سربنتينة التكييف جنب بعض هايفرقوا برضه شوية
5 - لتجنب تحميص سلك المروحة من كتر الاستعمال و الحراره اعمل 2 كتاوت واحد للمروحة الشديدة بتاعة الرادياتير 2 سرعة وكتاوت للمروحتين الاماميتين و دة هايخفف الحمل من على السلك و هايتحمص على المدى البعيد جدا
6 - حط مياة خضراء بعد تنضيف دورة الرادياتير و لو لسه جايبه جديد يبقى تمام حط مية خضرا نضيفة اسباني ب 35 جنية
7 - ماتقرصش اوي على العربية و انت مشغل التكييف و اخرك يبقى 90 بالكتير
انا يمكن ماقولتش جديد غير موضوع المروحتين الاماميتين و بجد فارق كتير
دلوقتي الحراره معايا مع التكييف و عدم القرص مش بتزيد عن 90 درجة و دة عظيم جدا بالنسبة للفيليشيا
اتمنى اكون قدرت اقول تجربتي بشكل واضح و يارب كل الفيليشاوية يستفيدوا
رقم العضوية : 127022
تاريخ التسجيل : 04Jul2012
المشاركات : 132
النوع : ذكر
الاقامة : Egypt
السيارة: ان شاء الله مرسيدس
السيارة[2]: سكودا فليشيا 1995
دراجة بخارية: dayun
الحالة :
ربنا يباركلك فيها
بس لو ماشي في وقت الظهيرة والشمس نار والدنيا زحمة درجة الحرارة توصل كام؟؟
رقم العضوية : 130446
تاريخ التسجيل : 20Oct2012
المشاركات : 3,423
النوع : ذكر
الاقامة : cairo
السيارة: Ibiza Or Golf
السيارة[2]: Ibiza 2000
الحالة :
مشكور على نقل التجربه
المايه الأسبانى أسمها أيه ومنيين عشان انا جبت iada ب 60ج
ماشاء الله كان وما لم يشأ لم يكن
SEAT IBIZA 2000 MK3 (6k2)ALD Engine 1.0 8v MPI
رقم العضوية : 123385
تاريخ التسجيل : 19Apr2012
المشاركات : 2,752
النوع : ذكر
الاقامة : القاهرة
السيارة: اوكتافيا2007 A5
السيارة[2]: New accent
دراجة بخارية: no
الحالة :
محاولات كثيرة والحمد لله علي كلامك النتيجة جيده
رقم العضوية : 39622
تاريخ التسجيل : 05May2009
المشاركات : 828
النوع : ذكر
الاقامة : المنصورة-مصر
السيارة: اكسنت اربي
السيارة[2]: سابقا فيات31-سكودا فليشيا كومبي وش اوكتافيا 98
دراجة بخارية: بكرهم جدا
الحالة :
الاسكودا اللي ماعايا دوختني كده برده لغايه ما بعتها الحمد لله
الاسكودا عربيه محترمه جدا جدا جدا يا جماعه موتور قوي وعفشه ممتازه بس السخونه
انا كنت قريت في المنتدي عن موضوع التبريد تحت ضغط بمعني ادق(أي عربيه متقدرش تزود مايتها من الردياتير لكن تزودها من القربه وبس ولازم تكون بارده او متكونش بتفور) المهم ان لمات بتحط مياه خضرا او زرقا وتكون الدائرة محكمه المياه دي مش بتغلي عند 100 درجه بالعكس عند 130 بتكون درجه حرارة الغليان
بمعني ان كل اللي معاها اسكودا او دايو او أي عربيه ردياترها ملوش غطا لازم تصلح دورة التبريد وبعد كده تحط فيها مياه ملونه وإلا هتتعب من سخونتها وهتدوخك جدا
الخلاصه لو دورة التبريد عندك محكمه جدا وحاطط مياه ملونه هترتاح جدا جدا جدا
الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها
رقم العضوية : 81989
تاريخ التسجيل : 05Oct2010
المشاركات : 3,826
النوع : ذكر
الاقامة : 7adayek el ahram
السيارة: ----------------------
السيارة[2]: ----------------------
دراجة بخارية: لا
الحالة :
رقم العضوية : 81989
تاريخ التسجيل : 05Oct2010
المشاركات : 3,826
النوع : ذكر
الاقامة : 7adayek el ahram
السيارة: ----------------------
السيارة[2]: ----------------------
دراجة بخارية: لا
الحالة :
رقم العضوية : 4141
تاريخ التسجيل : 14Jan2008
المشاركات : 1,837
النوع : ذكر
الاقامة : Cairo-Moqatm
السيارة: Renault Megane ii + Daewoo Lanos1
السيارة[2]: peugeot 405
دراجة بخارية: لإيوجد
الحالة :
رقم العضوية : 64290
تاريخ التسجيل : 06Mar2010
المشاركات : 73
النوع : ذكر
الاقامة : Cairo
السيارة: Skoda Octavia A4
السيارة[2]: Skoda Felicia
دراجة بخارية: No
الحالة :
السلام عليكم , هارد عليكم واحد واحد و اسف للتأخير
أولا :لو انا ماشي وقت الظهيره من غير تكييف هاتبقى درجة الحراره 90 او اقل و باليل حوالي 80 و طبعا لو العربية مظبوطة , اما لو العربيه فيها حاجة فطبعا مش هاتبقى 90 خااالص هاتبقى اعلى بكتير ممكن 100 , لو التكييف شغال هاتبقى تقريبا 90 بالظبط و مع القرص ( ماشي على 90 يعني ) ممكن تبقى 95 مئوية و باليل اكيد اقل شوية
ثانيا : المياة الاسباني او الايطالي بحوالي 35 او 40 , و دي عند كل بتوع الاكسسوارات و مياة موبيل افضل طبعا بس دي بحوالي 60 او 70 مش فاكر لاني مابستخدمهاش بقالي فتره
ثالثا : الاستاذ منسي طبعا تعليقه مهم بس بالنسبة للسائل بتاع البلوك و السلندر مع بعض و بيجيب نتيجة في بداية التنفيس بتاع وش السلندر و طبع اماحدش يستخدمه عمال على بطال لانه ممكن يسد الرادياتير او يضيق مواسيره و كلامك طبعا صح
رابعا : مروحة التكييف الامامية هاتلاقيها عند اي واحد بتاع تكييفات و عموما لو مش لاقي حد , انا هاقولك , , , في واحد اسمه أحمد علام في جسر السويس قبل التقاطع الموازي لميدان روكسي و انت جاي من اتجاه الجراج رايح على رمسيس خلي عينك على اليمين و انت ماشي بعد كوبري التجنيد و انت رايح رمسيس هاتلاقي محل عليه علامة مرسيدس و مكتوب احمد علام و مكتوب انه بيبيع مستلزمات تكييف السيارات , ادخل و قوله عايز مروحتين 10 بوصة سنغافوري الواحدة بــ 150 جنيه و هو ارخص واحد بيبيع في مصر تقريبا , و لو عايز الياباني 175 جنيه الواحدة , ركبهم جنب بعض قبل سربنتينه التكييف و بجد هاتفرق كتير لسبب لان فتحة التهوية بتاعة الفيليشيا اصلا ضيقة و صغيره و مش بتجيب هوا كفايه , فالمروحتين دول هايقوموا بدور الهوا كانك شايل وش العربية بالظبط , في فرق طبعا هايحصل بس زي مانا شرحت فوق اعمل 2 كتاوت واحد للمروحتين الاماميتين و واحد للمروحة الكبيرة بتاعة الرادياتير عشان السلك مايسحش و ربنا معاكم جميعا
اه على فكره اللي عربيته مش مكيفة يفكه من كل الحوار اللي انا بحكي فيه دة لانه ببساطة عربيته مش هاتكون بتسخن اساسا و لو عربيتك بتسخن ياللي مش مركب تكييف فالحلول عندك بسيطة و بتكمن فقط في دورة التبريد او المروحة او وش السلندر فقط لان اي عربيه فيليشيا مش مكيفة درجة حرارتها مش هاتعدي 90 في عز الحر
المفضلات