الموضوع: حفلة أستوديو مصــــــــــر سنة . 1935

المشاركة الأصلية كتبت بواسطة hugan

عايز انوهه عن حاجه صغيره
وهي
كل من يحصل علي شهاده البكالورياتعادل الثانويه العامه
وبيكون خريج المدارس الحكوميه
كان يجيد اللغه الانجليزيه والفرنسيه اجاده تامه كاتابه ومحادثه وترجمه
هو ده فرق التعليم الحكومي في وقت الاحتلال
والتعليم الحكومي حتي وقتنا الحالي

احســـــــــــــــــنت // :)

المشاركة الأصلية كتبت بواسطة rahmanboud

الله على الزمن الجميل

واضح من الفيديو مقدار حبهم لبعض وتعاونهم من غيرغيره ولا حقد ولا حسد

هدفهم توصيل فكرة ما للمتفرج ده غير الترفيه عنه وليس المال ثم المال ثم المال حتى لو كان على حساب تدمير

شبابنا وتغيير عادتنا وتقاليدنا

شكرا جزيلا أخى الكريم على الفيديو الجميل من الزمن الجميل

فعلا . تعالي شوف ما يُقدم الان مهازل اقسم بالله حتي الاعلانات لم تخلي من البذائات

يعنى احنا هانفضل كده كتير ولا ايه
الحل عند مين؟

المشاركة الأصلية كتبت بواسطة khaled_sabry

فيديو جميل جداا و بيفكرنا بالفعل بالزمن الجميل المحترم الراقى
بس ليا تعليق بسيط و هو ان تصوير الفيديو ده مستحيل يكون فى 1935 -
لأن اصلا سراج منير اتجوز ميمي شكيب سنه 1942 حسب الويكيبيديا
سراج منير - ويكيبيديا
و كمان ببساطه لأن الصوت و الصوره واضحين جدا فيه
و اساسا اول فيلم ناطق اتعمل كان سنه 1932 و الصوت و الصوره رديئين
يعنى مثلا فيلم الورده البيضاء 1933شوفو مستوى الصوره فيه
‫فيلم الوردة البيضاء كامل ( el-warda-el-baida )‬‎ - youtube
و كمان معظم الممثلين اللى ظهرو ماكنوش اشتهرو اصلا فى فتره 1935 زى تحيه كاريوكا شهرتها ابتدت سنه 1940 مولوده 1919 - - بالذمه شكلها يدي واحده عندها 16 سنه

فى اعتقادى ان التصوير ده حصل فى بداية الخمسينات لأن كمان معظمهم ماكنشى لابس طرابيش و يتهيألى ان موديل العربيه اللى ظهرت فى الاربعينات او الخمسينات و ليس الثلاثينات اللى كانت مميزه بالفوانيس المنفصله و الرفارف العريضه

ليا بقى تحفظ بسيط على تعليقات معظم الاعضاء اللى ادتلى احساس بإن سر الرقى اللى كنا فيه هو الاحتلال الانجليزي و هما "اللى كانو منضفين البلد" و اهلا بالاحتلال لو كانو حيخلونا اكثر رقيا و تحضرا
بصراحه فكرتونى بدور محمد الصاوى فى فيلم "ليله سقوط بغداد" (و الله حينضفونا)
احب اقولكم انكم بتحكمو على حال الشعب بحاله بحال 10 او 15 واحد طلعو اتكلمو بشكل شيك قدام الكاميرا !!!
المصرين ماكنوش الشويه دول - دول حرفيا كانو صفوة المجتمع فى وقتها - لكن عامة المصريين كانو بيموتو فى حفر قناه السويس بالسخره او بيتشنقو فى دنشواى
عمرى ماشفت محتل بيحافظ على كرامة اللى احتله
انا عارف انكم اعتبرتو ان السينما انعكاس لحال الشعب و بناء عليه اعتبرتو ان دول هم مايمثلو عموم الشعب (زى مامحمد رمضان او عبده موته بيمثل الصيع اللى مالين الشوارع )

لكن ده مش حقيقى - زمان كان الفن شئ نضيف هادف و بالتالى كتير من الفنانين كانو اولاد بشوات و من عائلات مرموقه (زى يوسف نجيب - اللى كان ابن احد الادباء و اشتغل فى السلك الدبلوماسى) و حتى لو دخل الفن بعض الفنانين من ذوى الطبقات الاجتماعيه الدنيا (زى تحيه كاريوكا و مارى منيب) كانو غصب عنهم بيتطبعو بطبع الرقى الموجود فى السواد الاعظم
لكن الزمن ده زى اى زمن كان فيه بلطجيه و فئات ضاله زى ريا و سكينه او خط الصعيد - الاختلاف ان الفن كان لايمجدهم او يسلط الضوء عليهم (مش زى عبده موته دلوقتى )
و استمر الموضوع على كده الى ان بدأت تظهر الافلام التجاريه عديمه الهدف الا تحقيق الربح المادى
وبدل ما الفن كان بيقدم القيم و المثل و الاخلاق الحميده بقى يقدم لحم شمس البارودى و ناهد الشريف و اى حاجه تاتيه الجمهور عاوز يشوفها زى دلوقتى الجمهور عاوز يشوف البلطجيه - طلعله عبده موته و الالمانى و الاغناى الشعبى
و حتى الفنانين اللى كانو بعاد عن الخط الشعبى بقيو يحاولو يقدموه زى يسرا و مى عز الدين فى اغنيه (اه يابت يا مزه ) و ده كله تحت رعايه جيل جديد من المنتجين زى السبكى اللى بقى معاه الفن تجاره و ليس رساله
وده ادى الى اندثار الفنانين المحترمين من الجيل القديم ولو اراد الاستمرار يبقى يجب عليه التخلى عن احترامه زى حسن حسنى

كل ده مالهوش علاقه بالاحتلال من قريب او بعد !!
الفيديو ده بيوضح انهيار الفن و ليس انهيار الشخصيه المصريه

فعلا يا باشا لما بحثت عنه اتضح انه سنه 1942 . بس الفيديو ده كان عنوانه

وكلامك جميل لا شك فيه بس لما اتكلمنا على الشخصية المصرية اعتقد ان الشعب المصري كله كان بالرقي ده . والاحتلال غير كتير من ثقافة البلد زي ما الاخ الفاضل كان بيقول انهم كانو بيخلصوا البكالوريا بما يعادل الثانوية وكانوا يجيدو الانجليزية والفرنسية اجادة تامة تعالي دلوقت خريجين جامعات مش بيعرفوا يقراوة ويكتبوا عربي حتي ...