العربيه هيونداي اكسيل وبكون ماشي بالذات في السلانسيه الموءشر يعلي فوق النص ويفضل يزيد لحد مايوصل لقبل الاحمر وارجع امشي الموءشر ينزل بس برضه فوق النص عملت الاتي لحل مشكلة السخونه.. غيرت الريداتير النحاس بواحد المونيوم جديد ودورة الميه مفيهاش هوا لان الخرطومين سخنين. والميه مبتنقصش في الريداتير وبزودها في القربه كل شهر ييجي كوبايه وكمان غيرت الشكمان بواحد استيراد وغيرت زيت وفلتر هوا وبوجيهات والزيت مبينقصش وزي الفل والمروحة شغاله سريعة جدا لما الماتور يسخن ونضفت الريداتير والسربنتينه بالميه.. وظبطت التاكيهات .كده انا استنفذت كل الحلول المتاحه العربيه مفيهاش ترموستات لاني خايف اركبها تقفش وانا ماشي تبقي مشكله انا ملاحظ انا لو سبت الكونتاكت مفتوح بس العربيه مش دايره موءشر الحراره يفضل يعلي تدريجي لحد مايوصل للاحمر وكل ده والعربيه مش دايره. مش عارف اعمل ايه انا بجد تعبت