استفسار في ال 516 بخصوص لمبات التحذير

**shetoshandasa** · 12-06-2013 12:48 AM

طب يا تري ايه هو الخطأ، انا عملت سيرش كتير علي الموضوع ده و الناس بتقول ان الخطر لو اللمبة فضلت منورة بعد التدوير
لكن في ناس بتقول عيب بوابة و لمبة محروقة و البنزين مش نظيف و مخرج العادم و حساس و من الاخر حاسس ان اماكن الاصابة كتييير بس مش عارف ايه بالظبط
الغريب ان دي مشكلة عامة
أرجو الافاده

**hugan** · 12-06-2013 01:43 AM

بسيطه ان شاء الله
مفيش حاجه تقلق
الخطاء اتخزن ولازم العربيه تتحط علي جهاز
وفعلا المشكله لو اللمبه استمرت بعد التشغيل
لكن كده في خطاء لكنه مش مؤثر
بمعني ان الكنترول يونيت
مخزن الخطاء لكنه مش عطل في حساس
لو البوابه يها مشكله هاتظهر لمبه الاعطال باستمرار حتي بعد الدواره

**shetoshandasa** · 12-06-2013 03:02 PM

ربنا يطمنكم :-)
زي ما قلت ان شاء الله هروح يوم السبت و هقولكم كل التفاصيل و ربنا يسهل

**shetoshandasa** · 15-06-2013 11:29 PM

النهاردة الحمدلله روحت التوكيل اللي في أبو رواش
بصراحة الناس هناك فوق الاحترام و مقصروش في حاجة و ده بالنسبة للي حصل معايا
أنا كان عندي حبة ديفوهات في العربية و هي كالاتي و كمان التظبيطات اللي حصلت فيها
1. فرامل اليد ضعيفة - اتظبطت
2.الفانوس اليمين بيحدف اضاءة شمال >> اتحط علي الجهاز و اتعدل
3.الفانوس الشمال الاضائة بتاعته مش بتعلي و تنزل >> الفانوس اتغير و الدنيا الحمدلله ظبطت
4.الفرامل كانت بتصفر شوية لما بكون ماشي علي سرعة و ابدأ أفرمل >> التيل اتصنفر و قالولي كمل تست و لو لسه بتصفر هنغيرلك التيل في صيانة الالف
5.مشكلة التعتيل اللحظي في الكونتاكت و لمبة ال epc >> الصراحة هنا بقي حسيت بلخبطة .. العربية اتحطت علي الكمبيوتر و اتكشف عليها و ملقطش اي خطأ و الدينامو و البطارية زيمفيهومش مشاكل الحمدلله .. بالاضافة ان المهندس قالي ان لمبة ال epc طبيعي تفضل منورة و تختفي بعد التدوير و وراني عربية تانية 516 نفس الموضوع .. و هنا بصراحة هحتاج مشورة من حضراتكم عشان تأكدولي الموضوع
أنا كمان أعرف واحد حبيبي أوي في اسبيرانزا المعادي ( المقر الرئيسي ) و قالي نفس الكلام و ان الضرر هيبقي موجود لو اللمبة فضلت منورة بعد التدوير

برده محتاج تأكيد من حضراتكم علي القصة دي و هل ممكن استشير حد تاني غير التوكيل ؟؟ مع الاخد في الاعتبار اني فعلا الحمدلله مش بعاني من بطئ في السحب و لا تقطيع و لا حاجة

**osa92003** · 16-06-2013 09:53 AM

???????? زى ماقلت لك هيخلعوا من موضوع اللمبه ؟؟؟؟ حضرتك الاصلى بتاع العربيه تطفى كده فى ايرور متسجل ولسه ماتصلحش ؟؟؟؟ انا هارفع ليك فيديو عن epc

**shetoshandasa** · 16-06-2013 10:11 AM

الفيديو لل 516 ؟
طيب و لو فعلا كده .. الحل ايه ؟؟ أنا لفيت في كذا سايت الصراحة و لقيت ناس بتقول زي حضرتك و ناس بتقول زي التوكيل ..و برده مردتش عليا .. لو عاوز أكشف عليها .. هل في حد غير الوكيل يقدر يظبط الدنيا دي ؟