مشكلة فى الباور الكهرباء .. سيريون اوتوماتيك 1300

**Ahmed Hamdy** · 09-06-2013 11:28 AM

سلام عليكم يا جماعة ..

معايا سيريون أوتوماتيك 1300 موديل 2008 .. شاريها مستعملة من سنة حالتها الحمد لله كويسة .. بعمل صيانة فى التوكيل .. عاملة دلوقتى حوالى 87000 كم ... آخر صيانة من شهرين كده المهندس قالى علبة الدركسيون فيها بوش شوية وقالى ححاول أغيرهالك فى الضمان .. فعلا بعدها بأسبوع كلمونى وقالولى تعالى غير علبة الدركسيون .. رحت غيرتها وتمام .. من كام يوم كده بدأت تظهرلى مشكلة فى الباور .. لاقيت لمبة الباور فى التابوه منورة والباور مش شغال .. طفيت العربية وشغلتها المشكلة راحت .. تانى يوم محصلتش الصبح وبعدين حصلت تانى وبقت تحصل ساعات وساعات .. حجزت صيانة ورحت التوكيل قالى حنكشف ونقولك .. فى الآخر قالى في مشكلة فى موتور الباور ومحتاج يتغير .. بس هو وقطمة الدركسيون حتة واحدة وبيتغيروا مع بعض وتكلفتهم 12000 .. طبعا أنا ذهلت من الرقم ... !!!!

فيا جماعة عايز أعرف مكان كويس بره التوكيل ممكن أشوف عنده المشكلة دى يمكن تكون حاجة ليها حل غير التغيير أو لو حتتغير ممكن تكون استيراد أو كده ....

**bmya** · 09-06-2013 03:41 PM

12000 الف
يعني قصدهم اثنا عشر الف ههههههههههههههههههههههههه ههههههه
يخربيتك يا سيريون انا مش عارف ايه اللي خلاني ابيع اللانسر واجيبك هههههههههه ده حتى النيسان صني معايا حاجتها ارخص من السيريون برده
باشا جرب اسأل بره عليه طيب وممكن تسأل العالميه و اولاد جابر في شارع دمشق دول جديد وشوف كده في الحرفيين الاسعار ايه
طيب مش جايز فيشه مهزوزه و مثلا اصل ايه اللي يبوظه ؟

**HaNo_ELBeh** · 09-06-2013 03:54 PM

بص ياباشا انا كان عندى نفس المشكله بس كانت علبه الدركسيون مع العلم ان العربيه موديل 2010 وهما غيروها فى الضمان
بس من الاحسن خليك مع التوكيل عايز تسال بره التوكيل عليك وعلى الحرفيين
محل العالميه للسيارات
تحياتى..

**Ahmed Hamdy** · 09-06-2013 04:41 PM

المشاركة الأصلية كتبت بواسطة hano_elbeh

بص ياباشا انا كان عندى نفس المشكله بس كانت علبه الدركسيون مع العلم ان العربيه موديل 2010 وهما غيروها فى الضمان
بس من الاحسن خليك مع التوكيل عايز تسال بره التوكيل عليك وعلى الحرفيين
محل العالميه للسيارات
تحياتى..

يعنى ايه يا ريس كان عندك نفس المشكلة بس فى علبة الدركسيون ؟؟ ماهى دى مشكلة تانية غير علبة الدركسيون .. وزى ما قلت كانت عندى بس غيروها فى الضمان برضه ..

أنا بدور الأول على مكان للصيانة كويس بيفهم فى العربية يمكن يحل المشكلة من غير تغيير ..

**askoda** · 11-06-2013 11:10 AM

متابع

**Ahmed Hamdy** · 11-06-2013 03:03 PM

يا جماعة محدش خالص اتعامل مع مكان كويس بره التوكيل ؟؟؟

**bmya** · 11-06-2013 07:37 PM

للاسف ياباشاانا مش من القاهره ده غيران العطل ده مش موجود اصلال او نااااااااااااااااااادر جدا في السيريون عشان كده محدش عارف يفيدك

**Wenien** · 16-07-2013 09:37 AM

It is a pity, that now I can not express - it is very occupied. But I will be released - I will necessarily write that I think.

-

الموضوع: مشكلة فى الباور الكهرباء .. سيريون اوتوماتيك 1300

LinkBack

أدوات الموضوع

عرض

-

-

-

المواضيع المتشابهه

الباور الكهرباء فصل في النيو اكسنت

تنصحونى اشترى دايهاتسو سيريون 1300 كاملة اوتوماتيك ولا لأ؟

مقارنة بين i20 اوتوماتيك و سيريون glx 1300 ؟ محتاج رد ضروري

هوندا سيتي 1300 ولا دايهاتسو سيريون 1300

لانسر 1300 ولا سيريون 1300 (2008)

الكلمات الدلالية لهذا الموضوع

المفضلات

المفضلات

ضوابط المشاركة