برجاء المساعدة من رجالة المنيا على وجه السرعة

**JAM** · 09-06-2013 07:45 PM

إزيكم ياشباب

إمبارح الحمد لله انا وصلت المنيا الظهر علشان عندى مأمورية وكنت جاى بالعربية بتاعتى
إنهاردة جاى ببص علي العربية لقيتها مفضية المياه اللي فيها وبالكشف الظاهري إكتشفت إن في طبة من اللي تحت المنافولد هية اللي بتجيب مياه.. فا عايزكم تساعدوني وتدلوني علي ميكانيكي يكون بيفهم ويعملهالي.
انا قاعد لغاية يوم الخميس ... يعني المفروض تتعمل علي يوم الاربعاء... وعايزكم تقولولي علي بتاع قطع غيار كويس اجيب من عنده الطبب وفلتر هواء أصلي.
انا مقيم بإدارة ري المنيا بجانب نادى نقابة المهندسين
ومستنى إفادتكم ليا وكتر الف خيركم
أخوكم
م/ أحمد نبيل

**MohammedAladel** · 09-06-2013 10:42 PM

أنا مش من المنيا نفسها بس عايزك تلف لفة على أى صنايعى تقابله تسأله على محلات قطع الغيار وتشوف وتقارن بنفسك المنيا أساسا مش كبيرة ..... بس عايز أقول لحضرك أن الصنايعية عندنا بشكل عام بلطجية مش صنايعية ألا من رحم ربى

**sameh65** · 09-06-2013 11:42 PM

بالنسبة لقطع الغيار فى محل ولاد الوحش بيجيب قطع اصلية والميكانيكى م شريف وهما الاثنين فى شارع واحد وقريب جدا من السكن اللى ذكرتة واى خدمة م احمد

**JAM** · 10-06-2013 01:01 AM

المشاركة الأصلية كتبت بواسطة sameh65

بالنسبة لقطع الغيار فى محل ولاد الوحش بيجيب قطع اصلية والميكانيكى م شريف وهما الاثنين فى شارع واحد وقريب جدا من السكن اللى ذكرتة واى خدمة م احمد

شكراً سامح باشا.... طيب ياريت تقولى هما فين... انا كل اللى أعرفه فى المنيا شارع طه حسين وشارع عدنان المالكى

**yousseframsis** · 10-06-2013 04:59 AM

حمدا لله على السلامه أولا
م شريف ديزيل ده اسمه والعنوان فى ش ابن خصيب وعندك محلات ولاد الوحش بجانبه وعندك ولاد مكرم جنبه وهما فى وسط البلد
ثانيا عامل إيه فى البنزين علشان السفر

**sameh65** · 11-06-2013 03:31 PM

المشاركة الأصلية كتبت بواسطة yousseframsis

حمدا لله على السلامه أولا
م شريف ديزيل ده اسمه والعنوان فى ش ابن خصيب وعندك محلات ولاد الوحش بجانبه وعندك ولاد مكرم جنبه وهما فى وسط البلد
ثانيا عامل إيه فى البنزين علشان السفر

استاذ يوسف هل يوجد فى المنيا اختبار كبس للماتور

**JAM** · 11-06-2013 07:53 PM

المشاركة الأصلية كتبت بواسطة yousseframsis

حمدا لله على السلامه أولا
م شريف ديزيل ده اسمه والعنوان فى ش ابن خصيب وعندك محلات ولاد الوحش بجانبه وعندك ولاد مكرم جنبه وهما فى وسط البلد
ثانيا عامل إيه فى البنزين علشان السفر

شكرآ ليك يا يوسف بك على ردك ومعلش انا مشوفتوش ردك علشان كنت فى الغرب شغال فى الصحراء... إن شاء الله بكرة فى ميكانيكى هيجى ويبص عليها ويشوف إذا كان التسريب دا من الطبة ولا شجرة المياه.. لإن العربية مبتسربش مياه غير وهية دايرة بس.
وبالنسبة للبنزين الزملاء اللى هنا فى المنيا كانوا حاكولى على موضوع البنزين والحمد لله كنت جايب صفيحة بنزين معايا وأول لما وصلت حطيتها فى العربية ومن ساعتها وهية العربية واقفة
خالص شكرى ليك مرة تانية
وكل سنة وحضرتك بخير
خالص تحياتى وتقديرى
م/ أحمد نبيل

بالمناسبة انا عايز أخرج فى اليومين اللى جايين دول... أروح فين..؟؟.. انا بصراحة معرفش غير شارع طه حسين وبتمشى فيه لغاية بيت الثقافة وهوووب الف وأرجع تانى وشوية أروح أقعد على الكورنيش المقابل لنادى نقابة المهندسين

**yousseframsis** · 13-06-2013 05:05 AM

المشاركة الأصلية كتبت بواسطة sameh65

استاذ يوسف هل يوجد فى المنيا اختبار كبس للماتور

للأسف مش هاقدر أفيدك معرفش حد وميتهياليش انه فيه حد فى المنيا عنده

**yousseframsis** · 13-06-2013 05:10 AM

بالمناسبة انا عايز أخرج فى اليومين اللى جايين دول... أروح فين..؟؟.. انا بصراحة معرفش غير شارع طه حسين وبتمشى فيه لغاية بيت الثقافة وهوووب الف وأرجع تانى وشوية أروح أقعد على الكورنيش المقابل لنادى نقابة المهندسين[/quote]

شكرًا ليك
يعنى مش اكتر من كده ممكن أقول لك بس الكورنيش وكام كازينو على النيل وطبعا الفنادق على النيل وبعض الكافيهات على الكورنيش .

**MohammedAladel** · 14-06-2013 09:47 PM

الكورنيش كله خده رايح جاى بالعربية وأما تزهق أركن على جنب وإنزل كدا قصاد مسجد الفولى ع الكورنيش أستمتع بمنظر النيل الخلاب وممكن تركب مركب صغير يفسحك وبتبقى فيه لانشات برضه عائمة
وفيه كنتاكى برضه على امتداد كورنيش النيل ممكن لو جعت تاكل فيه
فى شارع طه حسين ممكن تنزل تتفرج على محلات الملابس وفيه حلوانى الميهوب هناك لو عايز تحلى

بعدين لو هتقبل شوية بعد المحطة ممكن تدخل بقى فى الحسينى منطقة شعبية قوى والناس بتبقى زحمة هناك

بس فيه واحد اسمه الفلاح بتاع بسبوسة مشهور من زمان .... بيعمل بسبوسة الكيلو ب 12 جنيه .... بس خلى بالك بيقفل بدرى مع المغرب كدا ...... بس دلوقتى بيكروت مش زى زمان

طبعا محلات عصير القصب مفيش أكتر منها

واستمتع بيوم جميل فى المنيا ...... آه صح ممكن تعدى كوبرى النيل بقى وتروح المنيا الجديدة .... فيه منيا بارك ... واستمتع باجمل الألعاب ... بيت الرعب ... بيت المرح .....الشاكوش

وأى حاجة أنا تحت أمر حضرتك