ربنا يكرمك بالاحسن منه ولو ادامك حاجة كويسة يا ريت تدلنا علي صاحبك وتكسب فينا ثواب لاحسن انا لايص في حوار الموتور ده
عرض للطباعة
ربنا يكرمك بالاحسن منه ولو ادامك حاجة كويسة يا ريت تدلنا علي صاحبك وتكسب فينا ثواب لاحسن انا لايص في حوار الموتور ده
وش سلندر الكروز الشيب اللى فات E-Tec
وش سلندر الكروز facelift الجديد Eco-TEC
correct me if 'am wrong
وفـ كلتا الحالتين انت عارف طبعا: كنترول بالضفيرة بـfuel-pump؟!!
- ولا هتشغله عـ الكنترول القديم؟؟!!!
على ما اعتقد ال e tech ممكن يركب عادى مش هايحتاج تعديل كتير فى الكنترول
الحمد لله انها جت فى الموتور
ده انت مصر كلها مركزة معاك يا راجل
كان نفسى والله اشوفك فى المقابلة بس الدنيا ادربكت معايا فى ليليتها ومعرفتش اسافر
تتعوض ان شاء الله
انا رأى تجيب وش سلندر استيراد بقفلته
انا بفكر الان انى العب فى الماتور دة وبدور على بساتم يكون نسبه الانظغاط فيها عاليه
انا لقيت بساتم اوبل ممكن تركب بس 1600 ولسه بدور على 1500
غير انى بفكر فى حوار اخر انى اقشط من وش السلندر علشان ارفع انظغاط المحرك لرفع العزم والبور طالما الماتور كدة كدة مش عاجبنى يبقه الواحد يجرب فيه واهو يتعلم
واذا خربت
الحمد لله فيه مكنه 1500 موجودة اخت بتاعتى و 1600 ما فيش اكتر منه
ماهو اى لعب فى نسبة النضغاط يبقى لازم بنزين 95
اولا قدر الله و ماشاء فعل
اهو الواحد مش بيتعلم بالساهل من الميكانيكيه البهايم
بص يا سيدى طالما عايز تعمل حاجه فى الموتور ده
هات بساتم اكبر و تكبر غرفه البستم عند الخراط و يسقطلك مثال بساتم 1600 او 1800
و تاخد الوش تعمله port&polish و تقشط منه حاجه بسيطه اوى
و ياسلام بقا لو تشوف صبابات اكبر و توسع مكان الصباب بردو عند الخراط
الكلام ده هتشوف موتور لانوس مش هتنزل منه
بس عيبه ان درجه حرارته هتبقى عاليه شويه و هتحتاج تتابع المياه بأستمرار كتير
بس هتشوف جرى عمرك ما شفته :bump1:
^_^
مش عايزه كلام ياباشا
1600 وربنا يكفيك شر الحسد
لاء تغيير البساتم مش هيأثر على نسبه الانضغاط لان احنا بنتكلم فى قطر بستم و مش طول بستم
فى الحاله اللى نسبه الانضغاط هتزيد فيها و انت بتجيب البستم الاكبر تبقى رأس البستم اعلى من البستم الاصلى
فى الحاله دى لا يجوز قشط الوش نهائياً لان نسبه الانضغاط هتعلى جداااا ممكن توصل ل 11
و لازم اختيار بستم نفس شكل الرأس عندك و ميبقاش اعلى منه
فى الحاله دى الموتور هيسخن فوق ما تتخيل و هتحتاج بنزين اعلى من 95
^_^
يافندم ما انت لما تعدل نسبة الانضغاط لأعلى مش هتشوف أداء اعلى الا على 95
وكمان انت بتحاول تزود ال cc على نفس الموتور (وأظن) ان برضه عشان تاخد الأداء الأعلى يبقى هتغير طرمبه ورشاشات لحاجه اعلى, وبالنسبه للكنترول معنديش فكره ممكن يتعمل فيه ايه :) :)
انا معاك ان الاختراعات مغريه :)
بس صدقني وفر وقتك وشوف 1600 على طول بحاجته بسلاطاته ببابا غنوجه
تصدق زعلت بجد على كمية المواضيع اللى كان الموتور ده سبب فيها يلا الله يرحمه :)
ونسمع عن مكنة تانية ومواضيع تانية بشكل احترافى يا كبير
طبعا صدبقى الى هجيب منه الماتور قدامه 40 يوم والشغل يوصل من كوريا
وصراحه انا مش مستحمل العربيه وهيه 3 سلندر
قلت افك واشوف فيه ايه
لقيت الصبابات بتاعت غرفه 4 رايخ فى داهيه
قلت اخوض التجربه واصلح واشوف النتيجه
خاصه ان الميكانيكى شجعنى على الاصلاح وقالى النص الى نحت زى الفل
متابع للاهمية
اخيراً سمعت الكلام
حسي اتنبح من كتر المهاتيه معاك
اسمع الكلام بقي وخلص بسرعة العربيات ال 1600 سي سي فردين نفسهم اليومين دول علي الطريق هههههه
موتور النوبيرا قوى اذا كان بحالة سليمة و مظبوط
و اعتقد على حجم الجولييت حيبقى طلقة بس لازم تعدل العفشة و الطنابير معلش هى شغلانة بس تستاهل لانك حتركب عربية مختلفة تماما
التكلفه
انا اشتريت قطع غيار اصليه
صبابات 550
كاوتش صباب 180
جوان وش سلندر 135
خراط 150----الوش متخرطش---لانه سليم
ميكانيكى 250
شوف لو كنت هوفر فيه الاسعار دى
صبابات 250
كاوتش صباب 60
جوان وش السلندر 35
طبعا المكونات المذكوره بالاسفل متنفعش معايا لانى بفترى شويه
الاداء ممتاز بس لسه مجربتش على طريق مفتوح او مع حد
بشر يا احمد بك
هل عاد الوحش لطبيعته او ع الاقل بفارق بسيط ولا ايه ؟!
منتظرين التقييم بعد التجربه لتستمر الاسطوره
بعد كدة يااحمد يبقى تخلى مكانيكى اسطورة هو اللى يعمل صيانة الموتور الاسطورة
مش تخلى مكانيكى اهوج هو اللى يعمل صيان لموتور اسطورة
ولو ملقتش مكانيكى اسطورة تعلالى وانا اعملك الصيانة ياسيدى
مبروك على الاصلاح
كل الي معاه عربية 1600 سي سي يستخبي لحسن لانوس 2004 مشتاق الي تجربة موتوره بعد الصيانة هههههههه
ربنا يبارك لك فيه يا ابو حميد ويحمهولك من شر العين
انا حاسس ان جواك بتقول "اهي جات من عند ربنا "عشان نسقط الاسطورة 1600 او ال 2000 وتعلم على شريحة جديدة من العربيات على الطرات المصرية العظيمة والضحايا يزيدو بقى وضحكات شريرة متقطعة وكدة ههههههههههههه
بص يا باشا من الاخر عشان حوارات تغير الموتور و المرور ممكن تجيب وش سلندر كامل يعملو من 800 الى 1000 جنيه بشرط لو البلوك و البستم والشميز بتوعك كويسين ومحصلهمش حاجه وغالبا حيكونو سلام فده الحل الاوفر و الاضمن وانا لسه حاصلى نفس الموقف و كنت حبيع الربيه بسبب كده لكن لما جبت الوش كامل لقيت العربيه بقت جامده اخر 200 حاجه و لغيت فكرة البيع و مغرمتش غير 1500 جنيه مشتريات و مصنعية و الموتور بقى كبسه اقوى من الاول كتير لو عايز تستفسر ابعتلى ميل على alaa.a.tawfik@hotmail.com وتحت امرك بالمشوره