الموضوع: نهايه الماتور 1500 الاسطورة على يد ميكانيكى اهوج

المشاركة الأصلية كتبت بواسطة mohamed elool

ليييييييييييييييييييييه ..... تموتوا الصروخ ليه

هو فين الميكانيكي الشمال دة

بوس احنا نلم رجالة المنتدي و نطلع حملة علي المكانيكي دة :d

و بعدين انت تسقط موتور 2000cc ..... و تطلع علي مطار القاهرة و تعمل فيديوهاتك مع الطيارات و عيش يا معلم :d

يا عم اهدي بقي .... العربية جايبة صوبابات و بتشد علي 180

.... يخربيت الي يزعلك :d

انا الفحص بتاعى فى شهر 11 كنت هفحص 1500 وبعدها اركب 2000 واحتفظ 1500 لمعاد الفحص الجديد لو احيانى الله
بس هيه جات كدة
وتكلفه الاصلاح قريبه من تمن الماتور
وانا من كارهى الاصلاح صراحه

المشاركة الأصلية كتبت بواسطة aldesha989

المشكلة ان المستعمل الله اعلم بحالته واكيد هتغير فيه حاجه ماكنش دلوقتى يبقى قدام شويه طب ليه تتعب نفسك على طقم صبابات

شوف
لما تشترى ماتور استيراد فيه بعض الاشياء البسيطه تعرفك حالته
زى تفل البوجيهات وتشوف لونها وهل فيه سواد او ترسبات زيت
تبص على البوابه نضيفه مزيته
وبعد اما تركبه فيه قياس للكبس تعرف حالته بطريقه افضل
وفوق كل دة احساسك بالعربيه بعد اما ركب الماتور هوة الى بيحدد كفاءته

المشاركة الأصلية كتبت بواسطة mmamdouh

قدر الله و ما شاء فعل... ربنا يعوض عليك

انا شايف انك تصلح الموتور... هو اصلا انت مش محتاج حاجة غير طقم صبابات بدل اللى اتعوج... لا محتاج خراطة ولا تصليح ولا حتى تليين بعد التصليح

انت عندك البساتم بالشمايز بالشنابر (النص التحتانى بالكامل) سليم و زى الفل و الوش نفسة سليم برضة... طقم صبابات + كاوتش صباب + روديية يبقى الموتور رجع لحالتة الاولانية... اللى هيزيد عليك هو جوان وش السلندر و جركن مية خضراء و شكرا على كدة

طبعا لو هتعمل الشغل دة يبقى عند حد تانى غير الميكانكى العبقرى اللى دمر الموتور (الله ينتقم منة)

mmamdouh

انا اصلا ماشى بيه لحد الان عادى 3 سلندر وبيجرى زى الفل بس بياكل بنزين شويه وفى المطالع لازم اقرص عليه حبه ولازم اطلع بالعربيه على ار بى ام اعلى من 1500 لفه علشان تقدر تتحرك من غير برجله
بس انا الان بجمع معلومات عن الفرق بين الماتور 1500 و1600 على الانوس
لو هيفرق معايا يبقه هغير واهو نوع من التحديث
الماتور الى فى العربيه ماشى فوق 270 الف كيلو
لو جبت استيراد هيكون ماشى من 60 الى 90 الف تقريبا يعنى عدد كيلو مترات اقل
ودة شىء كويس
وانا لسه بفكر ---علشان مش فاضى--فشاغل نفسى بالتفكير

ربنا يعوض عليك ان شاء الله

انت بتقول انك كنت هتسقط موتور 2000 على كل حال

يبقى جه الوقت اللى تسقطه دلوقتي واهه عندك ال1500 الحالى

افحص عليه

المشاركة الأصلية كتبت بواسطة dem0

ربنا يعوض عليك ان شاء الله

انت بتقول انك كنت هتسقط موتور 2000 على كل حال

يبقى جه الوقت اللى تسقطه دلوقتي واهه عندك ال1500 الحالى

افحص عليه

ما انا مش هقدر امشى 1500 لحد شهر 11 وهوة بالشكل دة لانه بقى بلاعه بنزين
بروح شغلى وارجع بعشرة لتر بنزين--من عند السندباد لجامعه الدول

المشاركة الأصلية كتبت بواسطة formulator

فعلا... "يموت الزمار وصوابعه بتلعب" !!:b4_282:
- طب دلوقتى الجماعة بتوع " ولاد أبوإسماعيل" يقولوا أيــــه؟؟: دا ذنب الموتور الـ1.6 كامة واحدة 102 حصان.. اللى انت كرهته فـ عيشته؟!!

ربنا يعوض عليك أصديقى؟!!

قالك "الكاتينة مأخرة"؟؟؟!!!!!! يابن التييييييييييييييت؟؟!!

يالله.. هو المفروض كنت تـshoot'em in the head .. بس خلاص: نصيب!
قول الحمد لله!

رأيى: تصلح وماتسقطش دلوقتى

صدقنى: انت إتعودت على pace معين.. مش هتقدر تنزل عنه؟!! خصوصا الـ1.6 مش هيبقى up 2 ur par؟!!
- ولما تعدى الفحص: سقط اللى انت عايزه! ياسلام لو الـ2.0 بس هيحتاج تعديلات أكبر!

ربنا معاك ياكبير! وتعيش وتفوت! Lol

هوة انا الان بعمل مقارنات بين 1600 و1500 الاتنين كامه
لانى لقيت ماتور 1500 اتنين كامه وجاهز للتركيب
بس انته لو تقدر بخبرتك تقولى 1500 اشد ولا 1600 اشد على الانوس--لان تركيبه على لانوس وضع مختلف تماما عن نوبيرا -بيزيد الهورس بور علشان مقاس العجل والعربيه اقل فى العرض--المحاور قريبه فى لانوس عن نوبيرا
يبقه شكرا ليك
وطبعا شكرا لمرورك على موضوع ليا وتورت قسم دايو
والواحد بيفتخر بوجودك معانا
والاصلاح مش مضمون صراحه ولو هجيب قطع غيار اصليه هدخل فى مبلغ اعلى من تمن الماتور الاستيراد