الموضوع: سكودا فليشيا 97

المشاركة الأصلية كتبت بواسطة عبدالرحمن-جبر

هو اليومين دول ال33 او 34 ميجيبوش حاجة العربيات ولعت جدا و عايز اقول لحضرتك انى جربت اكسل 1300 و كان فيها تكييف طلعت عنيا اكسيل موتور ضعيف جدا مع التكييف فتيس 4 سرعات و عايز اقولك ان لو هى و الفليشيا نفس الحالة الاكسيل هتبقى اغلى 5 الاف و بعدين مستحيل تلاقى اكسيل نضيفة العربية عفشتها زبالة مش ماسكة نفسها خالص و ثبات مفيش استهلاك البنزين بتاع الاكسيل كان اعلى بكتير و كان على طول فيه مشاكل فى الكربرتير بتاعها مع العلم ان الاكسل اللى كانت معايا كانت ماشية اقل من الفليشيا صالون و تابلوه الفليشيا تكسب طبعا صاج الفليشيا تكسب تسارع اى عربية لو مظبوتة هتبقى زى الفل و الفليشيا تسارع بتاعها انا شايفه حلو جدا تورك باور عالى جدا قطع غيار الفليشيا منتشرة جدا الاكسل انا قعدت الف فى 5 محلات على وش الفانوس ملقتوش و زرار التكييف لقيتوه و اشتريته ب 120 جنيه و التابلوه استيراد ب1000 جنيه و الفليشيا اى ميكانيكى بيفهم يشتغل فيها, السكودا عربية العمر الطويل و الهبد و الرزع شكل الفليشيا اشيك و صالونها اوسع من الاكسيل بكتير
الكسنت لو فبريكة برة و جوة و حالة نضيفة هتعدى ال40

تسلم ياباشا على المشاركة الممتازة وانت اكتر واحد أثق فى كلامة

لسبب واحد زي ماهو واضح كدة حضرتك معاك الاكسل والفليشا وأنتا اكتر واحد تقدر تقارن بينهم وأكتر واحد يحس بالفرق بين الاثنين

ياراجل والله العظيم من ساعت مفكرت اجيب عربيه عمري ماشوفت اكسل عليها العين

العربيات اللي باشوفها كلها تحس صاجعها معضعض من السمكرة بسب صاجها الضعيف اوي

ياراجل كفاية أقولك فى مرة بتاع ميكوباص رمي على عربية فيرنا كانت ماشية جمبي وبتاع الفيرنا رمي عليا وحكيتله الرفرف الامامي

زلت لقيت عندي خدش فى البوية مش كبير أوي وببص على الفيرنا لقيت الرفرف رايح فى داهية كنت ماسك نفسي من الضحك بالعافية

الراجل قاللي انا غلطان حئك عليا وانا تحت امرك

قولتولو روح ياعم ربنا يعوض عليك فى الرفرف
نيييييييييييييههههههههههه ههههه

مش معني اني مهمل فى عربيتي ومش عارف الاقي حد فاهم فيها يبقي العربية وحشة

المشاركة الأصلية كتبت بواسطة عبدالرحمن-جبر

ههههه يا باشا انا لحد دلوقتى خابط اكسل وقعتله الاكصدام اللى ورا وانا ولا حاجة الحمدلله و تاكسى لانوس خبطلى الرفرف البوية بتاعته طلعت عندى و رفرفة دخل لجوة دا كفاية يا باشا ان احنا عندنا الشنب حديد الاكسل غيرت الشنب مرتين بيتكسر مع اللمس و الكبوت كان بيموج مع السخونية انت يا باشا لو روحت ترفع اى عربية اكسل هتلاقيها رشة دواخل انا الراجل اللى خد عربيتى جاب سمكرى و كنت راشش الرفرف من جوة (واخدها كدة ) السمكرى قال عادى ميعبهاش كل اللى موجود كدة و كله فيه لحامات فى الركبة و الشاسيه من كتر الهرى المصرى العربية ضعيفة مش بتستحمل الحمد لله على كل شىء و ربنا يكفينا شر الحوادث

تمام الكلام

الفليشياعصب قوي وناشفة

ومبروك للاستاذ ابراهيم لاستلامة العربية

ومتابعين معاك لو محتاج اي استشارة