السلام عليكم ورحمة الله
حكاية السرقة كترت اوى اوى اوى وخصوصا للعربيات بتاعت اليومين دول الانترا و السيراتو اخدة الصدارة ما شاء الله انا كنت اسمع بس عن سرقة السيارات لحد ما حصل موقف لواحد قريبى
احكيلكم الموضوع هو كان فى اسكندرية فى العجمى هناك اخد يومين اجازة هو و معاة 2 صحابو المهم على الساعة 3 الظهر كانو فى البحر و رجعوة البيت و الواد دا مش عارف اقلكم ازاى مامن عربيتة بكل تجهيزات الامان كان جايب قفل الدريكسيون و الدواسة و الفتيس من احسن و اغلى الانواع الى فى السوق و كان جايب البتاع دا الى بيفصل طرمبة البنزين و كان جايب انذار وولف حساس عالى و غطا للعربية
ارجع للموضوع فا بمجرد ما دخلو البيت مقعدوش 5 او 10 دقايق واحد فيهم نسى موبايلة فى العربية نزل يجيبو ملقاش العربية
و راحو عملو محضر فى القسم فا الظابط الى فى القسم قالهم استنوا هيتصلوا بيكم و بعد ساعتين اتصلوا بية و لحظوا كان سايب الكارت بتاع المكتب بتاعو فى العربية و اتصل بية واحد و قلة هات 30 الف و خد العربية بتاعتك استغفر الله العظيم منهم الواد بعد حواللى 4 او 5 سعات جهز المبلغ و اتصل بل رقم وراح يقابلهم و اتفق على المكان اول ما راح هناك لقا عربة نص نقل بدون نمر طلع منها 3 رجالة لبسين لبس عرب و مغطين وشهم طلعوا علية بل الالى و السلحة و ضربو علقة موووووت و اخدو منة 30 الف و الموبايل و كل الفلوس الى معاة و مشوة
والله يجماعة انا قلبى بيتقطع و انا بحكيلكم و الراجل استعوض ربنا فى العربية و استغفر الله العظيم من كل ظااالم وياارب ما يشوفو يوم حلو بل فلوس الى اخدوها و العربية و انا بعد الى حصل دا مش ندمان انى ممكن اكون خبطت او موت اتنين من الحسالة دول حولو يسبتونى و استغفر الله العظيم من الاشكال دى واسف على الاطالة http://www.nilemotors.net/Nile/361617-a.html



تم التعديل الى ما شاء الله
مشرف العام أ2