العذاب فى سبيل الحصول على البنزين فى طنطا 10-6-2013

**Elawany13** · 10-06-2013 03:41 PM

أزمة الوقود فى طنطا 10-6-2013

اليوم الاثنين 10-6-2013 يوم عذاب بالنسبة ليا وبالنسبة لناس كتير .. شلل مرورى فى شارع البحر وكل شوارع طنطا وعذاب للحصول على بضع لترات من البنزين من محطة بنزين مصر للبترول اللى بعد شارع احمد ماهر بجوار مستشفى مبرة طنطا ... الطابور البشع ممتد من البنزينة الى منتصف شارع البحر عند صيدناوى واقف من الساعة التاسعة صباحا ... وبعد ساعتين ونصف من الوقوف فى الحر ربنا وفقنى الحمد لله وحصلت على البنزين وراجع البيت وعندى صداع ... حسبنا الله ونعم الوكيل ... اللهم ارفع مقتك وغضبك عنا ... اللهم ارفع عنا البلاء

[img3]https://fbcdn-sphotos-e-a.akamaihd.net/hphotos-ak-ash4/296103_10151650591332241_1366446618_n.jpg[/img3]

[img3]https://fbcdn-sphotos-g-a.akamaihd.net/hphotos-ak-frc3/971978_10151650592047241_800444173_n.jpg[/img3]

[img3]https://fbcdn-sphotos-b-a.akamaihd.net/hphotos-ak-ash3/994282_10151650592407241_1216833952_n.jpg[/img3]

[img3]https://fbcdn-sphotos-d-a.akamaihd.net/hphotos-ak-ash3/184403_10151650592157241_1957126627_n.jpg[/img3]

[img3]https://fbcdn-sphotos-f-a.akamaihd.net/hphotos-ak-ash3/942825_10151650592162241_993741374_n.jpg[/img3]

[img3]https://fbcdn-sphotos-a-a.akamaihd.net/hphotos-ak-ash3/5905_10151650591372241_1950130344_n.jpg[/img3]

[img3]https://fbcdn-sphotos-c-a.akamaihd.net/hphotos-ak-ash4/1003667_10151650591377241_573977348_n.jpg[/img3]

**akmm** · 10-06-2013 06:47 PM

عذاب حقيقى وفى كل مكان ولسه مش عارفين السب الحقيقى لك

**M I D O** · 10-06-2013 07:01 PM

يا باشا متروحش البنزينة دي تاني لانها في وسط طنطا و كفاية اوي التكسيات عليها بتخليها زحمة جداااااااااا عاوز تفول اطلع علي السريع او البنزينة الي عند مرور سالم بتبقي احسن من دي اينعم برضو زحمة جدا بس اخف من دي يعني كنت انا عليها امبارح كان دوري ال 31 وفضلت ساعة ونص بس هية دي اخف بنزينة في طنطا

**M I D O** · 10-06-2013 07:03 PM

لو تعرف انت البنزينة الي عند المعرض الي بعد الكوبري علي اليمين وانت رايح اسكندرية كنت فيها من اسبوع تقريبا كان قدامي 119 عربية والله نزلت عديتهم واحدة واحدة ورجعت تاني ووقفت اكتر من ساعتين وفي الاخر البنزين خلص مالحقتش وكانت واخدة من اول السريع لحد الاستاد دة الطابور و ماشي طابورين جمب بعض موقفين الطريق

**Elawany13** · 10-06-2013 08:56 PM

المشاركة الأصلية كتبت بواسطة mostafaenany

يا نهار ابيض اية دة؟؟؟؟؟

المشاركة الأصلية كتبت بواسطة akmm

عذاب حقيقى وفى كل مكان ولسه مش عارفين السب الحقيقى لك

ده انا بعتبر نفسى عملت انجاز
تفويل العربية دلوقتى بقى فى حد ذاته شغلانه طويللة ومرهقة والقدرة على الصبر وتماسك الأعصاب فى الطابور تحت الشمس بقى عمل بطولى
كنت خايف ومرعوب بعد التعب ده كله وبعد الطوابير ديه كلها على ما اقرب من الطرمبة ألاقى البنزين خلص
كانت هتبقى صدمة
بس كمية ارهاق وتعب حاسس بيها لحد دلوقتى فظيييييييييعة
الحمد لله

**Elawany13** · 10-06-2013 09:08 PM

المشاركة الأصلية كتبت بواسطة m i d o

يا باشا متروحش البنزينة دي تاني لانها في وسط طنطا و كفاية اوي التكسيات عليها بتخليها زحمة جداااااااااا عاوز تفول اطلع علي السريع او البنزينة الي عند مرور سالم بتبقي احسن من دي اينعم برضو زحمة جدا بس اخف من دي يعني كنت انا عليها امبارح كان دوري ال 31 وفضلت ساعة ونص بس هية دي اخف بنزينة في طنطا

المشاركة الأصلية كتبت بواسطة m i d o

لو تعرف انت البنزينة الي عند المعرض الي بعد الكوبري علي اليمين وانت رايح اسكندرية كنت فيها من اسبوع تقريبا كان قدامي 119 عربية والله نزلت عديتهم واحدة واحدة ورجعت تاني ووقفت اكتر من ساعتين وفي الاخر البنزين خلص مالحقتش وكانت واخدة من اول السريع لحد الاستاد دة الطابور و ماشي طابورين جمب بعض موقفين الطريق

أنا متعود دائما بحط بنزين من بنزينة مصر للبترول اللى على السريع عند شركة البترول ... المشكلة ان البنزين بقى بيجيلهم متأخر جداً فى الشهور الأخيرة .... ولما بيجى التكاتيك والتروسيكلات والموتوسيكلات الصينى بيتلموا على الطرمبات زى الذباب وبتبقى ميغة

البنزينة التانية اللى هيه التعاون اللى على السريع عند المطاحن
التكاتيك والتروسيكلات بيبهدلوا الدنيا ويعطلوها .... ده غير البلطجية ساعات بيلفوا ويتخطوا الطوابير ويحطوا بنزين بالعافية + ان بنزينهم دائما مش مرتحلة وحاسس انه مغشوش
كمان بيحسبوا اللتر بجنيه ودائما بتخانق مع العمال هناك

وعلشان الأزمة المرة ديه مش طبيعية وفاقت كل المرات السابقة قولت اغير استراتيجيتى فى الحصول على البنزين واحاول اكون فى بنزينة بعيده عن التكاتيك والقرف ده وتكون قريبة من حماية الشرطة والمرور نوعا ما ... وخد بالك البنزينة ديه بالذات دائما بلاقى مفتش تموين قاعد فيها بيراقب اللى بيحصل
وعلشان حد يملى جركن لازم يستأذن منه
واللى شجعنى انى لما روحت الصبح أسأل على البنزين لاقيت عربية البنزين كانت لسه بتفرغ البنزين فى التانكات الأرضية فقولت توكل على الله وجرب اقف فى طوابير البنزينة ديه
ورغم انها زحمة بس فيها 4 طرمبات وبيدخل 4 عربيات كل مرة

**Elawany13** · 10-06-2013 09:12 PM

المشاركة الأصلية كتبت بواسطة حاتم سليم

هو الراجل اللى ادامك ( فى الصوره )
غطى عربيته و مشى ؟

و لا هو سايقها و الغطى عليها ؟؟

لا ده مكنش قدامى ... ده عربيتى كانت واقفة فى آخر الطابور على بعد حوالى 1 كم منها هههههههههه
مش عارف بالضبط ايه ظروفها بس متهيألى انها عربية كانت راكنة وبايته فى المكان ده
الصورة تم إلتقطها الصبح الساعة 8:30 تقريبا والبنزينة لسه مشتغلتش بس الأمال كانت معلقة على العربية اللى بتفضى البنزين فى التانكات اللى جوه

-

الموضوع: العذاب فى سبيل الحصول على البنزين فى طنطا 10-6-2013

LinkBack

أدوات الموضوع

عرض

العذاب فى سبيل الحصول على البنزين فى طنطا 10-6-2013 - انشر الموضوع فى :

-

-

-

-

-

-

المواضيع المتشابهه

صني 2013 - تقرير عن استهلاك البنزين

نوع البنزين للجيتا 2013

استهلاك البنزين ريو 2013 خليجى

بالصور أزمة البنزين تضرب طنطا بعنف يوم وقفة عيد الأضحى

تفصيل ستائر كبس في طنطا (للشباب من طنطا والدلتا)

الكلمات الدلالية لهذا الموضوع

المفضلات

المفضلات

ضوابط المشاركة