الموضوع: 128 A113 or

المشاركة الأصلية كتبت بواسطة fahd_628

بصراحة بقى فى النقطة دية انا اختلف معاك اخى فادى

معلش السبيرانزا A113 مش مغشوشة ولا حاجة ازاى تقارنها بال 128

و لو حنتكلم على الأعطال اعتقد السبيرانزا تكسب لأن ال 128 دية من السبعينات متخيل لغاية دلوقتى مطوروش فيها حاجة :( نفس الشكل الداخلى و الخارجى و طبعا عربية سيئة جدا كتابلوة و امكانيات و التكييف اعتقد انة بقى شيئ اساسى مش كماليات يبقى لية تركب عربية مفيهاش تكييف و باور لما ممكن تركب عربية فيها الكلام دة و منتشرة يعنى مش انت لواحدك الى جايبها زى بعض العربيات الصينى زى الكتكوتة دية مثلا و موتور حديث و انجكشن و تابلوة جميل و مريحة اكتر و اسرع و اكثر توفيرا فى الوقود و الأمان طبعا مفيهوش جدال اكيد 500 % السبيرانزا اكثر امانا حتى مع الكراش تيستات الى بنشوفها للعربيات الصينى معتقدش ال 128 حتبقى احسن منهم خالص



انا كلامى دة مش هجوم خالص على ال 128 ولا بدافع عن السبيرانزا دة بالعكس انا بحب ال 128 و كان عندنا واحدة ياما شالتنا كلنا

لا يا أستاذ فهد اسمحلى انا اختلف معاك,
ال128 عربية كانت معايا لفترة ليست بالقصيرة و أقدر اقولك انو ادائها و متعة القيادة بداخلها جيدة جدا لسيارة صغيرة,
و صحيح انها صممت سنة 1969 لكن تصميمها كان سابق عصرها بمراحل, و ده اللى مخليها تحارب الزمن لحد النهاردة,
سيبك من الشكل اللى انا شايفه مقبول تماما حتى اليوم,
و العربية مش كماليات يا عزيزى, انا بشترى عربية مش بشترى تكييف و لا قزاز كهربا, مسألتش نفسك لما تكون الاسبيرانزا فيها كماليات أكتر من ال128 و تباع بنفس السعر تقريبا طب منين؟؟ اكيد فيه حاجة مغشوشة فى النص :).
و الموتور بتاعها هتلاقيه مسروق من اى عربية قديمة.
و اذا كان الكورى مبيعديش ال100 الف من غير اسطوانة و لا وش سلندر, امال الصينى هيعمل ايه؟؟
هو انا بجيب سيارة عشان اقعد فى التكييف اسبوعين و بقيت عمرى اصلح فيها!
بالنسبة لموضوع أسرع ديه, فأنا لاحظت حاجة غريبة جدا من ساعة ما العربيات الصينى نزلت, انو مفيش عربية صينى شفتها بتجرى :).
ده غير انو أصحاب الصينى بيعانوا عند صعود الكبارى و غيرها من منجزات البنية التحتية, و أعتقد انهم هيعملوا ضغوط على الحكومة لمنع الكبارى و الأنفاق التى ترهق سياراتهم المغشوشة, و لحد ما الحكومة تلغى الكبارى, بيضطر أصحاب السيارات الصينية لاستخدام الميادين و الشوارع الفرعية لكن بحذر حتى لا يقابلهم عائق ما (مطب مثلا) و التى سوف يعانون لتجاوزها,
يا راجل دانا انا اعرف واحد جاب الاسبيرانزا و باعها فى خلال شهر واحد عشان مش عارف يطلع الكبارى!
يا راجل على الأقل ال128 سيارة شبه مصرية طب يعنى على الأقل نشجع الصناعة الوطنية.
فعلا قلتها و سوف أظل أقولها,
بعض المستهلكين لا يستحقون أكثر من سيارة رديئة.
أمثال هؤلاء هم اللى خلو مصر مرتع لكل السلع المغشوشة و معدومة الجودة.
فعلا مصر جنة النصابين!

الاخ اللي بيسال بصراحة نتصيحة لا تركب ده ولا ده انت زود شوية وشفلك عربية لانسر كريستالة ولا لانوس ولا اي حاجة انظف من العربيتين الزبالة دول

بصراحة

مستعمل ياباني او كوري
انضف من مصري وصيني جديد

محدش قال ماروتي, محدش قال التو؟
هما مش نفس الرينج برضه؟
أنا عن نفسي أشوف استخدامي الأول و بعدين اقرر.
مثال 1:
استخدام كتير و سفر و شيل و حط و بهدله ---> مستعمل زي لانوس مثلا
مثال 2:
استخدام بسيط -----> خليك في الزيرو (بالنسبة لي ألتو 800 تكييف)