الموضوع: عايز أجيب حامل موبايل للزجاج

ردا على الاخوه اللي بيقولوا بلاش على القزاز ... أنا معظم الوقت بابقى قافل القزاز عشان التكييف يااما فاتح ناحيتي انا بس
وكمان انا دلوقتي معظم الوقت باحط الموبايل في الدرج اللي تحت الكاسيت .. لكن انا الحامل ده هاينفعني لما أحب اشغل الـ gps او مثلا لو عايز أتكلم وانا سايق .
وكمان انا في نيتي احطه جنب مراية الصالون زي ما الأخ أشرف قال .. وده هايساعد كتير لما اشغل الـ gps .

المشاركة الأصلية كتبت بواسطة أشرف العدوي

اه هو بيمسك الموبايل جامد جداً يعني عمره ما وقع و لا اتهز حتى من مكانه
و كمان الشفاط بتاعه الي بيمسك في الزجاج ممتاز جداً
و بينفع لاحجام كتير
انا جربت عليه نوت 1

طيب ده كده يبقى حلو جدا ياباشا .. ماشاء الله ربنا يباركلك فيه

بس هو اللي مع حضرتك زي اللي في الصوره بالظبط ؟

وياريت لو تعرف مكان تاني ألاقيه فيه بدل الهرم ده أحسن انا بعدي عليا شويه

أو لو حضرتك أكدتلي انه لسه موجود في نفس المكان اللي انت جبت منه ممكن أبقى أروحله

وشكرا لتعبك معايا

ياباشا ربنا يخليك أنا مش عايز أتعبك معايا ... أنا كده كده ليا واحد صاحبي ساكن هناك في شارع فيصل وممكن أقابله قريب

انت بس أكدلي ان الحامل ده لسه موجود وانا ممكن أخليه يجيبهولي أو لو انا روحت قابلته عند بيته .

وانا ياسيدي ساكن في الأميريه ( ناحية حدائق القبه كده ) يعني كأني في بلد تانيه

تسلم ياغالي