عشاق ومحبى فيات 128 كل ما يخص سيارة الشعب

**ashraf_sms** · 04-08-2013 12:43 AM

المشاركة الأصلية كتبت بواسطة aw2100

هو ده الشغل الصح بلا طرمبة كهرباء بلابتاع مبروك على التصليح !!

تسلملي ياويلو ياكبير

**ashraf_sms** · 04-08-2013 01:06 AM

ياجماعة انا عندي فكرة بتاعت تكييف صحراوي احطه في العربية في الشنطة ورا ويطلع منه ماصورتين كدة من عند السماعات عشان يجيبوا الهواء من ورا عشان طبعا سخونة الموتور من قدام صعبة دلوقتي هنعمل صندوق بيتفتح وبيتقفل وليكن قد صندوق البازوكا كدة وهنحط من جواه فيل عشان يحفظ الرطوبة بتاعت الزجاجات المثلجة والغطاء بتاع الصندوق هنفتحه اربع فتحات اتنين للمراوح واتنين عشان المواسير تطلع منهم هنشيل الوش الاول بتاع المروحة ونخلي الضهر بتاعها (الوش السلك اللي علي الريش) ونسبته علي الفتحة اللي فتحناها في الغطاء هنحط واحدة يمين وواحدة شمال وعلي الطرفين نفتح فتحتين علي اد المواسير بظبط عشان كبس الهواء يطلع منهم ونعدي المواسير ديه من الشنطة للرف بتاع السماعات ياريت تكونوا فهمين وجهة نظري انا رسمت رسمة كروكي كدة عشان اقدر اوصلكم الفكرة اكتر دلوقتي هتقولوا الهواء هيجي سائق ازاي هنحط مثلا 4 او 5 ازايز مياه في الفريزر كل يوم وهتاخدهم معاك وانت نازل الصبح تحطهم جوا الصندوق المروحتين هيضربوا الهواء جوا الصندوق طبعا مفيش خروج الا من المواسير اللي احنا عملنا طبعا الهواء هيخبط في الازايز ويطلع الهواء ساقع لحد كبير جدا وعلي العموم انا ان شاء الله قريب هنفذ الفكرة ديه معلش طولت عليكما ديه الصورة بتاعتها

**alaaeldineffat** · 04-08-2013 03:56 AM

الفكرة حلوة و قديمة بس متهيقلي مش هتفي بالغرض متهيقلي هيبقي ضعيف
‫مكيف على ولاعة السيارة‬&lrm; - YouTube
‫كيفية صناعة مبرد هواء بتكلفة بسيطة‬&lrm; - YouTube
الفديوهات ديه ممكن تفيد

**mohamed hussei** · 04-08-2013 04:11 AM

فكرة جميلة بس مش هتنفع وقت كبيرة مثل انت رايح شغل بتخرج صبح هتحط الازايز هتمشي مثل بتاع ساعة وشوية علي حسب ظروف هتعوض في الشغل بتاع 12 ساعة ادي 13 ساعة وهتروح في ساعة ادي 14 او 15 ساعة يعني اكيد الازايز هتبرد

**ashraf_sms** · 04-08-2013 10:35 PM

المشاركة الأصلية كتبت بواسطة mohamed hussei

فكرة جميلة بس مش هتنفع وقت كبيرة مثل انت رايح شغل بتخرج صبح هتحط الازايز هتمشي مثل بتاع ساعة وشوية علي حسب ظروف هتعوض في الشغل بتاع 12 ساعة ادي 13 ساعة وهتروح في ساعة ادي 14 او 15 ساعة يعني اكيد الازايز هتبرد

اكيد الازايز هتبرد بس لو حسبتها هتلاقي مثلا الصبح في الشمس والجو سخن لاكن بليل الجو بيبقي برد والمروحة لو اشتغلت لوحدها من غير الازايز هتجيب هواء حلو ولا ايه رايكوا

**ashraf_sms** · 05-08-2013 12:37 AM

انا عندي العربية من ورا عالية اوي واخر سرعة بجيبها 80 والعربية تعبان ماشي علي الارض بتعوم جامد اعمل ايه عشان اوطي العربية من ورا هي من قدام تمام التمام بس ورا صعبة اوي والدريكسيون تقيل اوي ازاي اخليه خفيف

**mohamed hussei** · 05-08-2013 03:56 AM

طب اسهل نركب تكيف يعني ركبوها في المروتي مش هنعرف نركبها في 128 نعملها عزل كويس وبعد كدة نركبلها تكيف بس متور يكون 1300 علشان سحب وكدة واساسا انا عندي 128 موديل 2007 مجهزة لتركيب تكيف بس مشكلة عاوز تتعزل الاول وبعدين نركبلها

**zekoooooo** · 05-08-2013 11:24 AM

المشاركة الأصلية كتبت بواسطة ashraf_sms

انا عندي العربية من ورا عالية اوي واخر سرعة بجيبها 80 والعربية تعبان ماشي علي الارض بتعوم جامد اعمل ايه عشان اوطي العربية من ورا هي من قدام تمام التمام بس ورا صعبة اوي والدريكسيون تقيل اوي ازاي اخليه خفيف

بالنسبة ان العربية عالية من ورا والدركسيون تقيل والعومان ......

بص يا سيدي اعمل الي هقولك عليه بالترتيب ده :-

1 - هتروح لعفشجي كويس يكشف علي البطاحات الي قدام ويشحمها علشان موضوع الدركسيون وخلية يركبلك طقم بلي بتاع الشاهين تحت البطاحات ( بين البطاحة والمساعد ) دي هتخلي الدركسيون سلس جداااا معاك ..... والبلي متهيقلي في حدود 35 او 45
2 - هتروح لظبط الزوايا وتقولة يظبط قدام وخلية يقولك العربية عاليه من ورا ولا لا ..... لو عاليه خليه يعرفك محتاجه تنزل كام سنتي .....
3 - هترجع للعفشجي يفك السوسته الي ورا ويوطي او يعلي العربية بنائاً علي كلام الزوايا ....
4 - هترجع للزوايا تخليه يعمل تشيك علي العربية ورا وقدام ومبروك عليك ....
ملحوظه - عرف بتاع العفشه والزوايا انك هترجعلهم تاني علشان المصاريف متزيدش ويبقي مصنعية واحدة .

**Abo-Yousef** · 05-08-2013 01:12 PM

المشاركة الأصلية كتبت بواسطة ashraf_sms

انا عندي العربية من ورا عالية اوي واخر سرعة بجيبها 80 والعربية تعبان ماشي علي الارض بتعوم جامد اعمل ايه عشان اوطي العربية من ورا هي من قدام تمام التمام بس ورا صعبة اوي والدريكسيون تقيل اوي ازاي اخليه خفيف

عاوزة تتشال منها سوسته تلاقيها .... تقريباً مفروض انها بتبقى طبقتين ممكن تكون عندك 3 طبقات والدركسيون ده ممكن يكون علبة الدركسيون ... احسن حاجة روح لعفشجى كويس هيظبطلك الليلة دى

بالنسبة لموضوع التكييف ... انا فى واحد صاحبى معاه 128 برضو كان بيعمل حوار فقرى اوى وعجبنى كان بيجمد لوح تلج حلو كده ويحطه فى قلب خيشة ويلفها حوالية ويحط الخيشة جوا الهواية اللى قدام فى الكابوت ووراها المروحة بتاعت التكييف اللى بيدخل هوا فى العربية وكانت بتسحب السقوعية وتدخله هوا بارد بس نفسى اجرب الحوار ده بس للأسف المروحة دى مش شغاله عندى وعاوزة تتظبط الأول وليها وصلات لازم تتركب الأول

**mohamed hussei** · 05-08-2013 02:59 PM

المشاركة الأصلية كتبت بواسطة ashraf_sms

اكيد الازايز هتبرد بس لو حسبتها هتلاقي مثلا الصبح في الشمس والجو سخن لاكن بليل الجو بيبقي برد والمروحة لو اشتغلت لوحدها من غير الازايز هتجيب هواء حلو ولا ايه رايكوا

مانت سعات في مصر جو بيبئا صبح وليل حر اوي هتعمل اية

الموضوع: عشاق ومحبى فيات 128 كل ما يخص سيارة الشعب

LinkBack

أدوات الموضوع

عرض

-

-

-

-

-

-

المواضيع المتشابهه

رابطة سيارة الشعب الأصيلة ( فيات 128 )

رابطة عشاق و مالكى فيات نوفا بونتو

مساعدة من عشاق فيات 127

((((( مجموعة عشاق و ملاك فيات اونو fiat uno )))))

الكلمات الدلالية لهذا الموضوع

المفضلات

المفضلات

ضوابط المشاركة