الموضوع: عشاق ومحبى فيات 128 كل ما يخص سيارة الشعب

المشاركة الأصلية كتبت بواسطة moury

ياجماعة دلوقت عندى مشكلة
يوم الوقفة وطبعا عارفين الزحمة فى المدن وماشى بالعربية فى امان الله لاقيت العربية من غير ما احس سخنت اوى ودخنت من قدام وواحد قالى الحق مية الرادياتير كلها ع الارض نزلت لاقيت ده فعلا حاصل
المهم بطلت العربية وركنتها كده وسبتها تهدى خالص وشغلت المروحة بالزرار المانيوال اشتغلت زودتها مايه ومشيت بيها
قولت تقريبا الاتوماتيك بتاع المروحة حصل فيه حاجة روحت لكهربائى لاقى السلك بتاع المروحة من الثرموستات مفكوك المهم وصله وجمد عليه

المهم مشكلتى دلوقتى ان العربية العداد بتاع الحرارة عبارة عن لمبة
والكهربائى قالى دى مبتنورش غير لو العربية قفشت يعنى ملهاش اى تلاتين لازمة
والحل انك تشترى تابلوه عدادات بتاع المعدل اللى فيه عداد الحرارة بامبير ومؤشر

الاقيه فين ده وسعره كام وهل فيه بديل عن كده بشرط انى مدفعش كتير يعنى ايه الارخص ؟؟؟؟؟؟؟؟؟

اقولك انا ايه الارخص والاحسن انت تروح التوفيقية هتجيب امبير حرارة خارجي هتلاقي ف حدود 30, 40 جنيه بس متجبش الزيبق هات الكهربة وهتجيب حساس ف حدود 25 جنيه وتوصلهم او تخلي الكهربائي يوصلهم وبس

المشاركة الأصلية كتبت بواسطة abo-yousef

ربنا يعينك يا كبير على هموم الدنيا ومشاكلها ويقدرك ونشوفك قريب

الله يخليك ياحبي وان شاء الله قريب

امبارح وانا ماشى بالعربية لقيتها زي ماتكون شرقانه وبعدين بطلت مرة واحدة ادور مش راضية ولما ادوس بنزين وادور تدور اسيب البنزين تبطل وقفت وفكيت عمة الكربراتير لقيته مليان بنزين من جوه سبتها شوية لحد اما طار ودورت دارت بس حاسسها شرقانه برضه وبعدين ببص عالخرطوم اللى واصل من الكربراتير ونازل عالماتور لقيته مبلول بنزين قولت يمكن يكون مفكوك بزقه لقيت ايدي غرقانه بنزين مش عارف بقى هل مقطوع ولا فيه ايه مش عارف وبعدين ايه كميه البنزين اللى فى الكربراتير دى ؟؟؟ هل البكات واسعة ولا ايه ؟؟؟ مش عارف وبعدين الباب بتاع الكربراتير السوسته ده معلق وثابت دايماً مفتوح مش مفروض يقفل ويفتح ؟؟

المشاركة الأصلية كتبت بواسطة ahmedesmat1987

العوا مه بتاعت الكربريتير علقت يا كبير ودا ياما اتخرمت ودخل جواها بنزين ياما ابره الكربيراتير اتحشر جواها وساخه خلاها مترفعش العوامه .........ودا اللى مخلى الكربيراتير عندك غرقان بنزين والعربيه شرقانه ...........ملحوظه البيكات ملهاش دعوه طالما خرطوم الفايظ عندك شغال اما لو انت لاغيه فا دا سبب اساسى ان العربيه يحصل معاها كدا

بالنسبه لباب الكربيراتير انت شوفته ازاى........لو قصدك الباب الفوقانى اللى اول ما بترفع العمه بتلاقيه دا مش باب دا الشفاط بتاع العربيه اللى بيعلى صوت العربيه الصبح وانت بتدورها ...........اما لو قصدك الباب بتاع الكربيراتير اللى تحت اللى فى اخر زور الكربيراتير فدا انصحك انك تروح لواحد متخصص فى الكربيراتير

شكرا والى الامام

تسلم يا كبير انا فعلاً اقصد الشفاط ده وهوا كده كده السلك بتاعه مقطوع والمفتاح بتاعه شلته وعاوز ابقى اجيب واحد جديد ... بالنسبة لخرطوم الفايظ انا منزله لتحت زى عصاية جدو كدة ونازل على تحت اما بالنسبة لعوامة الكربراتير دى سواء علقت او ابرة الكربراتير اتحشر جواها وساخة وفى ناس برضه قالتلى الاكسراتير معلق مش عارف بس القصة دى مين يعملها ميكانيكى ولا حد بتاع كربراتير ولا اروح للميكانيكى يفكلى الكربراتير واخده اروح اظبطه عند حد بتاع كربراتير ولا افكه انا بنفسى ولا ايه ؟؟؟؟ وهوا عاماً من ساعة ماعملت العمرة من شهرين وانا حاسس ان الكربراتير عاوز يتظبط وسايبه ... وفى حاجة تانية كمان .. العربية بيدخلها عرسة ومش عارف امنعها ازاى لان ورا التابلوه فيه خروم مفتحه على العربية من قدام ومنهم مروحة الهواية ودى ركبتلها الصندوق بتاعها لانى كنت راميه وبرضه بلاقى حمام عرسة عاملاهولى على السماعات ورا بصيت لقيت فتحة ورا الدركسيون على طول والفتحات دى انا ناوى اسدها بالفوم واللباد بس السؤال هنا هل العرسة ممكن تاكل الفوم واللباد ده وتدخل ولا لا ؟؟؟ لأنى جايب فوم ولباد وفرش جلد للعربية كلها للأرضية من كذا شهر ولسه مركبتهمش ... واخر حاجة معلش .. لما اكون ماشى بسرعة عالرابع مثلا وادوس فرامل اهدى لو دوست جامد بحس ان العربية بترجرج جامد والدركسيون بيرجرج هوا كمان وبحس انها هتعوم ... اكيد ده شغل فى العافشة والكاوتش انا كدة كده ان شاء الله اول الشهر هغير الاربع فرد واجيب 4 جداد بس الرجرجة دى من ايه ؟؟؟ علبة الدركسيون عاوزة حشو ولا عيب جلب او كاوتشات ؟؟ وانا عندى في كاوتشة الاسكترا مقطوعة هل ليها علاقة ؟؟؟ معلش طولت

ياجماعة محدش قالى الجنط ده مقاسه ايه وهل ده كويس عالعافشة ولا يضرها ... وبالنسبة للكساحة الامامية دى هل دى بتاعت ال 128 اصلا ولا عمولة

المشاركة الأصلية كتبت بواسطة abo-yousef

ياجماعة محدش قالى الجنط ده مقاسه ايه وهل ده كويس عالعافشة ولا يضرها ... وبالنسبة للكساحة الامامية دى هل دى بتاعت ال 128 اصلا ولا عمولة

ده جنط 13 ياحبي وميضرش اي حاجة مدام نفس المقاس والكساحة اللي قدام ديه بتاعت 128 عادي ومتركب عليها سبويلر بتاع الشنطة العادي ابو 80 جنيه

المشاركة الأصلية كتبت بواسطة abo-yousef

تسلم يا كبير انا فعلاً اقصد الشفاط ده وهوا كده كده السلك بتاعه مقطوع والمفتاح بتاعه شلته وعاوز ابقى اجيب واحد جديد ... بالنسبة لخرطوم الفايظ انا منزله لتحت زى عصاية جدو كدة ونازل على تحت اما بالنسبة لعوامة الكربراتير دى سواء علقت او ابرة الكربراتير اتحشر جواها وساخة وفى ناس برضه قالتلى الاكسراتير معلق مش عارف بس القصة دى مين يعملها ميكانيكى ولا حد بتاع كربراتير ولا اروح للميكانيكى يفكلى الكربراتير واخده اروح اظبطه عند حد بتاع كربراتير ولا افكه انا بنفسى ولا ايه ؟؟؟؟ وهوا عاماً من ساعة ماعملت العمرة من شهرين وانا حاسس ان الكربراتير عاوز يتظبط وسايبه ... وفى حاجة تانية كمان .. العربية بيدخلها عرسة ومش عارف امنعها ازاى لان ورا التابلوه فيه خروم مفتحه على العربية من قدام ومنهم مروحة الهواية ودى ركبتلها الصندوق بتاعها لانى كنت راميه وبرضه بلاقى حمام عرسة عاملاهولى على السماعات ورا بصيت لقيت فتحة ورا الدركسيون على طول والفتحات دى انا ناوى اسدها بالفوم واللباد بس السؤال هنا هل العرسة ممكن تاكل الفوم واللباد ده وتدخل ولا لا ؟؟؟ لأنى جايب فوم ولباد وفرش جلد للعربية كلها للأرضية من كذا شهر ولسه مركبتهمش ... واخر حاجة معلش .. لما اكون ماشى بسرعة عالرابع مثلا وادوس فرامل اهدى لو دوست جامد بحس ان العربية بترجرج جامد والدركسيون بيرجرج هوا كمان وبحس انها هتعوم ... اكيد ده شغل فى العافشة والكاوتش انا كدة كده ان شاء الله اول الشهر هغير الاربع فرد واجيب 4 جداد بس الرجرجة دى من ايه ؟؟؟ علبة الدركسيون عاوزة حشو ولا عيب جلب او كاوتشات ؟؟ وانا عندى في كاوتشة الاسكترا مقطوعة هل ليها علاقة ؟؟؟ معلش طولت

بالنسبة للكربراتير ده بتروح لواحد بتاع كربراتير وهو بيتعامل بيفك وينضف ويركب ويظبط حجات وهو بيركبه