الموضوع: عشاق ومحبى فيات 128 كل ما يخص سيارة الشعب

المشاركة الأصلية كتبت بواسطة Abo-Yousef

انا كلمتهم كذا مرة امبارح مفيش حد بيرد خالص غير رقم من ارقام الشركة اللى فى وادى حوف وقالى انت جبت الرقم ده منين محسسنى انى بكلم امن الدولة سألته بتبيعو قطع غيار 128 ولا قالى فى فى المنفذ بره يعنى من الاخر لازم الواحد يروح يسأل هناك فى الشباك بره وكله موجود .. مش عارف هل يبقو شغالين يوم سبت ولا لا ... لو حد فاضى يوم ينزلهم يسأل ويشوف الاسعار والدنيا عامله ايه


بالمناسبة شوفت العربية دى عالنت بالصدفه وعجبانى اوى الكساحات اللى مركبها دى بس مش عارف بتوع عربية نوعها ايه مش عارف وكمان شكلها احلى من الكساحة اللى انا جبتها ونفسى فى كساحة خلفية بدل الاكصدام النيكل بتاع العربية الزبالة ده ... بس ممكن تكون بتاعت عربية بيجو 406 قولولى رأيكو ايه فى الكساحات دى ولا لما تتعمل صاج فى العربية منها فيها احسن ؟؟؟ انا سألت عاماً عن الكساحات الصاج اللى بتتعمل عمولة فى العريية بتتكلف حوالى 1500 كله على بعضه كساحة قدام وورا والجناب كمان

ممممممممممم هي وادي حوف دي فين في حلوان اخر حلوان ولة اية ومشوار بعيد ؟ وقرف هم شكلهم مش عاوزيين يبيعوا انا هحاول اكلم محلات بتاعتهم في وسط البلد

انا عندى الماتور خفيف شوية ومحتاج طقم شنبر ممكن اعرف سعر الطقم ل 128 1300 cc وكمان مصنعية المكانيكى تقريبا

تجربه عصيبه حبيت انقلها للاستفاده العامه: بدايتا دى مشكله اغلبنا مر بيها ولسا بيمر ومش لاقيلها حل وانا واحد منكم الحمد لله لاقيت الحل فى الاول العربيه طلعت عينى بسبب مشكلتها لما باجى ادورها الصبح العربيه زى الفل مجرد اضرب بيها مشوار واقف فى اشاره او فى زحمه تبدا تنتش وتقطع ولما يبدا الطريق يمشى لازم احرق على الغيار عشان متقطعش ومديش غيار تقيل ولو بطلت منى يا ويلى يا سواد ليلى تحلف ما هى دايره غير بعد ربع ساعه طب ايه االخطوات اللى انا عملتها :
1... تغير طرمبه بنزين مرتين فى خلال شهرين
2.. تغير صباع الطرمبه بالفبره فى المره التانيه
3..تغير الموبينا بواحده انجليبزى زيت
4...تغير جميع خراطيم العربيه بنزين من الحوض للتنك
5...فك وتنظيف التنك وتغير جميع الفلاتر منهم فلتر البنزين غيرته ستين مره بجميع مقاساته
6..تغير بكات الكربيراتير وتنظيفه
7..واخيرا تغير طقم الكهربه والكشف على الاسبراتير وتنظيفه وتغير الشاكوش
والمحصله فى الاخير العربيه سحبها اتحسن جدا جدا لاكن نفس المشكله موجوده ودا خلانى اياس جدا جدا وكنت فى طريقى لشراء موتور جديد نظرا لانى بقالى 4شهور فى الارف دا دا غير المواقف الزباله اللى كانت بتعملها معايا فى الزحمه وروحت لكذا ميكانيكى كلهم كاويركيه ومحدش عارف العيب فين اللى يقولى طقم كهربا واللى يقولى كربيراتير ومحدش عارف العيب فين..

الى ان ربنا استجاب لدعايا ولاقيت ميكانيكى النهارده فى الشرابيه وانا راجع من شغلى الله يكرمه جابلى التايهه وبعد كشف واللى الذى منه قالى روح هاتلى موبينه اللكترونى قولتلو الموبينا دى لسه جديده بكيسها قالى الموبينه الزيت اللى فى السوق كلها تعبانه مبتستحملش بطلع شراره لاكن مش كافيه للاربع بوجيهات.........سمعت كلامه وروحت اشتريت واحده يابانى نضيفه جدا اسمها daiamod تقريبا هوا الميكانيكى اللى قالى عليها فكها من عربيتو ال504 وادهانى عشان اجيب زيها هى بتيجى فى علبه مثلثه كدا المهم ركبها وقالى دور من لمسه مفتاح الكونتكت العربيه دارت بسم الله ماشاء الله العربيه صوتها انتظم جدا ووطى ومهما ادوس مبقتش تكتم زى الاول فى بدايه الدوس والسحب الله واكبر بقت عصبيه جدا زى الفيرنا كدا تدوس تلاقى العربيه هتتتخلع من قوة الموتور وووقفت بيها فى عز الزحمه لمده ساعه ولا الهوا ولا السحب قل ولا نتشت والحمد لله العربيه بقيت اديها اى غيار تطلع عليه بدون اى مشكله ولو كبست على الرابع على 40 تسحب عادى جدا وتجرى كمان المشكله اتحلت الحمد لله......

انا اسف انى طولت جدا بس حبيت افيدكو عشان لو حد عنده نفس المشكله اكسب فيه ثواب

شكرا والى الامام