هو ايه الديفيل ده اصلا حد يوضح يا جماعة للى معندهومش خبرة اوى زينا :d
عرض للطباعة
هو ايه الديفيل ده اصلا حد يوضح يا جماعة للى معندهومش خبرة اوى زينا :d
انا بشوف حاجة زى كده موجودة فى محلات الاكسسوارات بتكون احجامها واشكالها مختلفة
بس بتهيالى ده بيتركب كده علطول ولا بيعوز شغلانة ومصاريف وكده ؟؟؟؟؟
سؤال تانى معلش
انا اشتريت الهواية الفيبر ( ماركة العالمية ) انهاردة اللى هى بتتحط على فتحتين التهوية اللى فى كبوت العربية من قدام المهم انا كنت مفكر انى هروح لسنكرى يخرملها فى الكبوت ويثبتتها وكنت متضايق انى هخرم فى الكبوت عشان المسامير لما فتحتها اكتشفت انها مش لها مسامير وانها بتتحط بلزق من اللى هو وشين ده اللزق متثبت فيها بالطول والعرض ولزقتها فى العربية بس سؤالى هل اللزق ده كافى لتثبيتها ولا ممكن الهوا المقابل للعربية يخلعها وتخبط فى الازاز ولا حاجة ؟؟؟
حد يقولى تجربته الله يكرمكم
ويقولنا الديفيل ده بيتركب كده ولا ايه نظامه وبيكلف كام بالظبط وبيتركب فين وايه وظيفته !!!!
شكرااااااااااااااا
السلام عليكم انا عضو جديد بالمنتدى ودى اول مشاركة ليا وانا معايا قرشين صغيرين وعايز اشترى عربية ........ المشكلة بقى ان انا من اسوان وموضوع قطع الغيار عندنا مقفول على نوعين تلاتة المهم ما اطولش عليكم انا فكرت فى 128 لقيت واحدة سبور 2باب معمولها عمرة من شهر وجنوط سبور وحوض برقم كرتيرة عاملة 7500 ايه النظام؟ وابص على ايه تانى مهم ومن الاساسيات؟ ملحوظة العربية موديل 76
اخوكم مؤمن ...اسوان
ياجماعه محتاج مساعدتكم لمعرفة الاسعار العفشة لفيات 128 موديل 76 م كنت عايز اغير العفشة كلها فكنت عايز اعرف الاسعار يعني 1000 جنية يكفي لاني هجيب استيراد مش هعدل حاجة خالص كل شي هيكون اسستيراد فايتري هتدخل فى كام تقربيا
كل العربيات لازم يكون فيها كرونة علشان دى فى الملفات بتوقف عجلة والتانية تمشى فالعربية تلف بسهولة بس فى العربيات الجر الأمامى زى ال128 بتبقى جزء من الفتيس بداخلة اما فى الدفع الخلفى بعامود كردان بتبقى راكبة فى العجل الخلفى بين العجلتين زى ال 124 و البيجو 505 !!!
عندي عربية 128 موديل 76 الرقم على الحوض مطابق فى الرخصة وموتور سليم وفتيس 5غيار
رجالة نايل موتورز .. وحشتونى جداً ... ياراب تكونو كلكم بخير ... عندى كام حاجة كدة عاوز استفسر عنها ... نبدأ بالعافشة : اول حاجة العربية قدام لما بحمل بإيدى عالكابوت كدة عند المساعد الشمال مش بيطلع وينزل بسرعة وحاسه تقيل شوية عن الناحية اليمين او يمكن الاتنين اللى قدام حاسسهم تقال فى الطلوع والنزول كدة عن اللى ورا .هل كدة محتاج اغير المساعدين اللى قدام ... يعنى اجيب جوز مونرو جداد ب450 ولا ليهم حل ممكن يتصلحو ولا حاجة ؟؟؟ وكمان الدركسيون حسيته بقى تقيل اوى عن الاول دلوقتى وأظن ان علبة الدركسيون عندى فيها مشاكل ... هل ليها حشو ولا بتتجاب واحدة جديدة وسعرها يعمل كام ؟؟؟ .. تانى حاجة انا اليومين دول ناوى اشترى طقم كاوتش جديد مقاس 13/70/165 بس محتار ما بين التايلاندى ولا الاندونيسى ( اكليس ) ولا التركى (برليي ) ولا الكورى ( هانكوك ) مش عارف اختار ايه وخصوصاً الأسعار متقاربة يعنى التايلاندى لقيت الفردة عاملة 275 والاندونيسى ( اكليس ) 280 والبرليي 320 والهانكوك مش لاقيه ومش عارف سعره ... المشكلة انى مش عارف اختار ايه بس بشوف نقشات الكاوتش لقيت التايلاندى فيه خطين مفرغين وحاسسهم واسعين يعنى ممكن حصوة صغيرة تخرمه بس الأكليس يعتبر معقول شوية والبريلى التركى برضه نقشته قريبة من نقشة التايلاندى ومش عجبانى وكمان لقيت بريدجستون بس اندونيسى .. استغبرت لان اللى اعرفه انه يابانى ولقيته ب 380 ... شكلى كدة هستقر على الاكليس الاندونيسى سعره معقول وشكله كويس ( متردد برضه ) ايه رأيكم انتو فى الأنواع ... ياريت الاقى رد بسرعة عشان انا هجيب خلال الاسبوع ده او يمكن الناهردة بس مش عاوز استعجل الا اما تردو عليا الاول ... معلش طولت عليكم :36_2_55[1]:
على فكرة انا جبت شوية حاجات اليومين اللى فاتو للعربية من التوفيقية وهقولكم برضه عالأسعار للى عاوز يعرف ... جوز مرايات اجناب تركى كهرباء اشارات ب 150 جنيه الجوز .... 2 عتب فبر خارجى لجوانب العربية ماركة الصباحى ب 90 جنيه ... وجبت وش فانوس شبورة بتاع الشاهين مركبه عندى فى الكساحات بدل اللى اتكسر ( العيال الصغيره ولاد ال .... جت فيه طوبة ) ب 8 جنيه ... وجبت مساحة وضهرها فيه سفنجة بتنضف الزجاج زى بتوع البنزينه اللى بيعكولك بيها الازاز وفيها بخاخة ب 10 جنيه بس طلعت زبالة ونص كم محدش يجبها