بالنسبة للكاوتش افضل الانواع بريدجستون و يوكوهاما وتويو وممكن الكومهو وبالنسبة للنقشة اختار النوع اللى الخطوط الداخلية واسعة مش رفيعة بتدى ثبات فى الميه والتراب وفرامل ممتازة ومبروك على الكاوتش الجديد !!اقتباس:
رجالة نايل موتورز .. وحشتونى جداً ... ياراب تكونو كلكم بخير ...
حمد الله على السلامه كنت فين يراجل؟؟؟؟
عندى كام حاجة كدة عاوز استفسر عنها ... نبدأ بالعافشة : اول حاجة العربية قدام لما بحمل بإيدى عالكابوت كدة عند المساعد الشمال مش بيطلع وينزل بسرعة وحاسه تقيل شوية عن الناحية اليمين او يمكن الاتنين اللى قدام حاسسهم تقال فى الطلوع والنزول كدة عن اللى ورا .هل كدة محتاج اغير المساعدين اللى قدام ... يعنى اجيب جوز مونرو جداد ب450 ولا ليهم حل ممكن يتصلحو ولا حاجة ؟؟؟
المساعد التقيل ده الكويس اما الخفيف هو الوحش يعنى المساعد الشمال كويس بالنسبة للمونورو الغاز على زيت مانصحكش تشترية جربته فى ال 128 وكانوا ناشفين قوى جيب مساعدين زيت افضل
بيبقوا اطرى على عفشة العربية
وكمان الدركسيون حسيته بقى تقيل اوى عن الاول دلوقتى وأظن ان علبة الدركسيون عندى فيها مشاكل ... هل ليها حشو ولا بتتجاب واحدة جديدة وسعرها يعمل كام ؟؟؟
تقل الدركسيون بيبقى من البطاحات مقطوعة وطالما حتغير المساعدين غير البطاحات بالمرة وانصحك تجيب بطاحات تشيكى بتبقى ناشفة وبتعيش سنين
.. تانى حاجة انا اليومين دول ناوى اشترى طقم كاوتش جديد مقاس 13/70/165 بس محتار ما بين التايلاندى ولا الاندونيسى ( اكليس ) ولا التركى (برليي ) ولا الكورى ( هانكوك ) مش عارف اختار ايه وخصوصاً الأسعار متقاربة يعنى التايلاندى لقيت الفردة عاملة 275 والاندونيسى ( اكليس ) 280 والبرليي 320 والهانكوك مش لاقيه ومش عارف سعره ... المشكلة انى مش عارف اختار ايه بس بشوف نقشات الكاوتش لقيت التايلاندى فيه خطين مفرغين وحاسسهم واسعين يعنى ممكن حصوة صغيرة تخرمه بس الأكليس يعتبر معقول شوية والبريلى التركى برضه نقشته قريبة من نقشة التايلاندى ومش عجبانى وكمان لقيت بريدجستون بس اندونيسى .. استغبرت لان اللى اعرفه انه يابانى ولقيته ب 380 ... شكلى كدة هستقر على الاكليس الاندونيسى سعره معقول وشكله كويس ( متردد برضه ) ايه رأيكم انتو فى الأنواع ... ياريت الاقى رد بسرعة عشان انا هجيب خلال الاسبوع ده او يمكن الناهردة بس مش عاوز استعجل الا اما تردو عليا الاول ... معلش طولت عليكم :36_2_55[1]:
على فكرة انا جبت شوية حاجات اليومين اللى فاتو للعربية من التوفيقية وهقولكم برضه عالأسعار للى عاوز يعرف ... جوز مرايات اجناب تركى كهرباء اشارات ب 150 جنيه الجوز .... 2 عتب فبر خارجى لجوانب العربية ماركة الصباحى ب 90 جنيه ... وجبت وش فانوس شبورة بتاع الشاهين مركبه عندى فى الكساحات بدل اللى اتكسر ( العيال الصغيره ولاد ال .... جت فيه طوبة ) ب 8 جنيه ... وجبت مساحة وضهرها فيه سفنجة بتنضف الزجاج زى بتوع البنزينه اللى بيعكولك بيها الازاز وفيها بخاخة ب 10 جنيه بس طلعت زبالة ونص كم محدش يجبها