مينفعش يركب ريموت والله اعلم....السلام عليكم و رحمة الله و بركاتة ، تحية طيبة و بعد ، بعد معاناتي مع موضوع ان العربية مفيهاش مفتاح باب في الشمال #التو 2013 ، كنت قررت اركب سنتر ، اول ما جبت العربية كنت سألت في التوكيل قالي مفيش غير سنتر بانذار ب900 جنية ، طبعا اول رد فعل لية ، بلاااها سوسو بلاها نادية ، و مع زيادة المعاناه قررت افكس للضمان و اروح اركب السنتر في المكان اللي ورا سوق القنال ، بالمناسبة دة مش توكيل ولف و لا حاجة دة زية زي اي مكان بيركب سنتر و بيدي علية ضمان ، المهم ، رحت و قبل ما يبدا قالي هي لازم تروح لبتاع ابواب يخف المسوجر طبعا قفلت شوية و انا اصلا رايح و انا مخنوق من موضوع الضمان اللي هيروح مني ، رحت ماشي و قلت فاااكس ، قبل ما اخلص امتحانات قلت اكلم قسم الاكسسوارات في التوكيل ، قالي السنتر ب260 ، قلت حلو مش اغلي من السوق كتير و اهو الواحد يشتري دماغة ، بعد ما خلصت امتحانات ، بسأل قالي 385 ، قلت اشتري نفسك و ريح دماغك بدل ما يحصل حاجة في العربية و يقعدوا ققولولك لعبت في الضفيرة و دة اثر علي نفسية العربية رغم اني مهندس ميكانيكا ، بس ما علينا ، توكلت علي الله و رحت التوكيل اللي في ابو رواش ، و بصراحة كانت اول مرة اروحة و لاني اول مرة اروحة دخلت في المكان بتاع نيسان ، هههههههههههههههههه ، المهم المهندس بتاع الاكسسوارات اللي اسمة سامر كان هناك قالي 385 سنتر من غير ريموت و كانت الطااامة الكبري ، هتعمل اية بقي و المهم قلتلة طب لو عايزة بريموت هيبقي بكام ، قالي معندناش لو عايزة بريموت و انذار ب750 تقريبا علي ما اتذكر لان الصدمة كانت لسة ماثرة ، المهم قلتلة خلص ، راح واخدني علي مكان سوزوكي لزق في نيسان ، ههههههههههههههههههههههه ، شتااااااااان ، المهم عملت الفاتورة و قالي مش هتخلص قبل 4 ، قلت ماشي ، بس مقعدتش في سوزوكي ، رحت قعدت في نيسان ، رزااااالة ، بصراحة مع ان المنظر في قعدة سوزوكي مش حلو بس ارحم من الهايكستب ، المهم استلمت العربية 3 و نص و دة قبل 4 ، و السنتر شغال حلو بس لسة جزء المعاناه مستمر ، المهم بقي سؤال الحلقة و اللي يعرف الاجابة هيكسب. ............. ثواب ، هههههههههههه
السؤال:
بكام تركيب ريموت? و هل هيلعب في الضفيرة و لا لا?
شكرا لحسن استماعكم و نلقاكم في حلقة جديدة من عجائب و غرائب مودرن موتورز
بس ممكن تشتري انذار وتركبه على توصيلاتهم ولو بعيد الشر حصل حاجه هتفك ده وتحط بتاعهم بدون اي مشاكل...
اللي ورا صوق القنال توكيل وولف ومحطوط على موقعهم...
تحياتي
Sent from my Xperia Arc S using Forum Runner
المفضلات