تقليب هوا التكييف

**خالد عادل** · 13-06-2013 01:52 PM

شباب هو الزرار اللي بيغير طريقة مرور الهوا سواء تقليب الهوا داخل العربية فقط او من خارج العربية لداخلها الموجود اسفل التكييف المفروض اظبطة علي اي وضع

**ahmed salah90** · 13-06-2013 02:03 PM

بوص لو انت مشغل تكيف بارد يعني a/c يبقى لازم يقلب جوه العربية و متعملهوش العكس علشان الكباس بتاع الفريون ميقفش و يبوظ
انما لو انت مشغل دفاية من غير ِa/c يبقى من بره علشان يجدد هواء علشان الهوه ميسخنش او و بعد الشر تتخنق
و الله اعلم ده اللي انا عرفه و مجرب تشيع الكباس في كيا ريو 2001 لان الكباس بتاع الفريون بيفصل كل شوية موش بيشتغل على طول خد بالك فلو انت بتجدد الهوا من برا الى جوه العربية الكباس موش هيفل و بكده الكباس هيسخن و يتحرق او على الاقل الكلاتش بتاع الكبياس هيتحرق و طبعا محدش هيرضى يبعلك كلتش لواحده انا مجرب ده

**mostafa8085** · 13-06-2013 02:04 PM

الأفضل تقليب الهواء داخل العربية ألا اذا كان معاك حد مدخن

**ahmed salah90** · 13-06-2013 02:06 PM

الخلاصة لو مشغل تكيف بارد يبقى الهوا من جوه العربية
لو في الشتا و مشغل دفاية او سخان يبقى من بره العربية

**mem** · 13-06-2013 03:07 PM

من جوا العربيه افضل محافظه على دوره التكييف
وعدم تلوث فلتر التكييف بسرعه

**asyl84** · 13-06-2013 03:19 PM

بص ياباشا يتظبط جوة العربية على طول لانك اكيد من مصر ومش بتفتحوا سخن فى الشتاء خلاص يعنى الرفاهية موصلتش لاخرها معانا يبقى بيتظبط على تقليب العربية من جوة بس على طول ولو مدخن زى حلاتى ابقى افتح الشباك حتة صغيرة كدة لحد ما تخلص السيجارة وبعدين افتح الشباكين للاخر واقفلهم على طول تغير الهواء بس وشكرا على كدة

**MohammedAladel** · 13-06-2013 03:33 PM

أنا عندى فى عربيتى كباس متغير السعة والمكتوب فى الكتالوج غير اللى حضراتكم بتقولوه ( جايز الموضوع يختلف من عربية لأخرى )

مكتوب إنك دايما تشغل التكييف على وضع سحب الهواء من الخارج ! وتشغله فى وضع التدوير فى حالة واحدة بس لما يكون الجو مغبر وفيه تراب

**asyl84** · 13-06-2013 04:05 PM

التكيف بيسحب من جوة العربية ويسقع الهواء ويعيد ضخة لما حضرتك بقى عمال تدخل هواء سخن من برة ويسقعهولك وترجع تديلة هواء تانى سخن ويسقعوة هيفصل امتى هو بقى ياريت تراجع تانى عربيتك وتسئل لانى اعتقد والله اعلم انك كدة بتبوظ التكييف

**MohammedAladel** · 13-06-2013 04:08 PM

أنا مع كلام حضرتك جدا بس أنا معرفش ليه الكتالوج كاتب كدا ... دا مأكدين الكلام كمان وكاتبين ... عشان متتعبش التكييف خليه على وضع سحب الهواء من الخارج !

**ahmed salah90** · 13-06-2013 07:20 PM

سحب الهوا من الخارج و التكيف بيبرد كد الكباس موش هيفصل و ممكن يسخن و يقفش و كده الكلاتش بتاع الكباس اللي بيتحكم في تدوير الكباس هيتحرق وده حصل معايا لما كنت مسافر وطبعا زي منا قولت مسبقا مفيش حد هيبعلك كلاتش كباس لواحده لازم تاخد الكباس كله فخلي بالكم