الموضوع: فرصه لكل من هو مهتم بالبورصه

فى الاول احب اعرفكوا بنفسى انا احمد ابوزيد شغال فى شركه تداول اوراق ماليه فى الرحاب و انا عارف انه اكيد فى ناس كتير فى المنتدى مهتمين بالبورصه او عايزين يدخلوا البورصه مش مش عارفين ازاى و بما انكوا حابيبى الغاليين بجد انا استفدت منكوا كتير اوى فى المنتدى ده و علشان كده حبت افديكوا بحاجه بسيطه من اللى اقدر عليها

و هيه انى بعد ماحولات كتير مع اصحاب الشركه اللى الحمد لله تربطنى بيهم صداقه كويسه قدرت انى اجيب عرض كويس للاعضاء نايل موتورز
و هو
1- عقد دورات تدريبيه للاعضاء الجدد للتعرف على البورصه و مميزاتها و مخاطرها
(مجانا)
2- للعميل الذين يجديدون التعامل مع البورصه يتم فتح الحساب لهم( مجانا) كذلك للعملاء الجدد
3- تخفيض نسبه العموله التى تاخذها الشركه من العملاء على البيع او الشراء من 5 فى الالف الى 4 فى الالف مبدئيا و بعد ذلك النظر الى كل عميل على حده على حسب تداوله طبعا النسبه بدل 4 فى الالف هاتقل ممكن توصل الى 2.5 فى الالف

ده بالنسبه للبورصه المصريه
اما بالنسبه للفوركس كل اللى قدرت عليه انى اجيب عقد التدريب المجانى فقط

يارب تعجبكم

الف شكـــــــــــر يا احمد على العروض

بس انت شغال فى الشركه بروكـــــر ولا سمسار

هو التكويد عندكم مجانى ومفيش حد ادنى للمحفظه

المشاركة الأصلية كتبت بواسطة M_HaFeZ

البروكر هو السمسار

غلطه مطبعيه يا سيدى الفاضل كان قصدى اعرف هو منفــذ ولا سمسـار
اكيد حضرتك عارف ان المنفذ افضل من السمسار واسرع

المشاركة الأصلية كتبت بواسطة M_HaFeZ

ههههههههههههههههههههههههه ههههههه
المنفذ هو السمسار
المنفذ بمعنى اللى بينفذ عمليات الشراء والبيع او فعليا اللى بيحط طلبات البيع والشراء على شاشه البورصه ... هو السمسار

فى حاجه تانيه بيبقى واحد بيجمع الطلبات ويبلغ السمسار .. يعنى ياخد الطلبات فى ورقه مثلا ويقولها للسمسار مره واحده
وده اللى مهمته يجيب الكود ال 12 للسمسار علشان يسهل عليه العمليه بدل مايدور بالاسم ويضيع وقت السمسار ..

لالا لا مش كده خالص
الموضوع ماشى بشكل تانى فى بعض الشركات
فى 2005 كنت لسا جديده ومعرفش حاجه لما كنت احب اعمل اوردر اتصل بالسمسار اللى محفظتى معاه الباشا ياخد منى الاوردر ويكتبه فى ورقه ويروح يبلغه للشخص اللى قاعد ينفذ قدام الشاشه وده طبعا بياخد وقت ومفيش سرعه فى التنفيذات اكيد اضافه الى انه ممكن ينسى او عميل تانى يكلمه يتلخبط وشفت بلاوى لحد ما عملت خناقه مع الشركه وقلت لهم يدونى منفذ مباشر وبالفعل كنت اكلمه قبل ماقفل الخط اشوف الاوردر بتاعى نزل على الشاشه

اما السمسار بئه ده كارثه لان مش كل اللى فى الشركات معاهم رخصه سمسار
كلهم ناس عاديه عشان كده ميقدرش ينزل اورد على الشاشه او يعدل اى فيشه

التكويد مجانى و ده للاعضاء نايل موتورز زى ماقلت و الحد الادنى برضو مافيش

انا شغال فى الحسابات

لو حضرتك عندك ميل و مهتمه بالبورصه ممكن ابعتلك التقرير اليومى بتعنا كل يوم على الميل و ده فيه توصيات بالبيع و الشراء و ازاى اوقف الخساره عند حد معين علشا ماتزيدش معايا لو حضرتك عايزانى ابعتك التقرير ده كل يوم ممكن تبعتيلى الميل على الخاص


شكرا ارجوا انى اكون افدت حضرتك

المشاركة الأصلية كتبت بواسطة AHMEDCAR

لو حضرتك عندك ميل و مهتمه بالبورصه ممكن ابعتلك التقرير اليومى بتعنا كل يوم على الميل و ده فيه توصيات بالبيع و الشراء و ازاى اوقف الخساره عند حد معين علشا ماتزيدش معايا لو حضرتك عايزانى ابعتك التقرير ده كل يوم ممكن تبعتيلى الميل على الخاص


شكرا ارجوا انى اكون افدت حضرتك

بص يا سيدى انا شغـاله مع المجموعه الماليه هيرمس والمجموعه الاستراتيجيه

من 3 سنين
هبعتلك الايميل نتبادل تقارير الشركات
عندى هيرمس وعربيه اون لاين والاقصر للتداول دايلى لو حبيت

اوبا طيب خدينى اشتغل معاكى

انا موافق بالنسبه للتقارير