الموضوع: فرصه لكل من هو مهتم بالبورصه

يا جماعة نصيحة محدش يخش البورصة الا بعد ما يقرا و يتعلم
لان العلم = مكسب باذن الله
و التجربة بدون اي معرفة = مكسب قليل و خسارة كبيرة

انت جبت من الاخـــــــــــر النصيحه لوجه الله اللى معندهوش خبره ومعلومات كافيه عن التداول فى سوق الاوراق الماليه بلاش يدخل لانه هيبقى وجبه سهله للهوامير ويخسر فلوسه البورصه مكسب وخساره لكن التعليم بيخليك تعرف تحمى راس مالك من الخسائر المؤكده

و ليا استفسار عايز اشتغل تداول الكتروني
ميين افضل العربية و لا هيرمس من ناحية الامانة
انا اعرف ان العربية المشتركين اكتر بس بسمع كلام مش لطيف ان عندهم موظفيين بيلعبوا في فلوس العملا بعمليات لحسابهم و الادارة مش بتتخذ اي اجراء
صحيح دي حالات معدودة لكن شئ مقلق

انا هقولك بالنسبه لعمولات هيرمس كان الحد الادنى للعموله 30 جنيه فى اى عمليه ااقل من 6000 ومن شهر خفضوا العموله الى 15 جنيه
عربيه اون لاين الحد الادنى لها كان 10 جنيه
بس هرمس اون لاين السيرفر بتاع الاون لاين قليل ما يحصل فيه عطل وخدمه العملاء ممتازه جدا اما عربيه اون لاين حدث ولا حرج مشاكل الاون لاين كثيره

المشاركة الأصلية كتبت بواسطة noble911

يا جماعة نصيحة محدش يخش البورصة الا بعد ما يقرا و يتعلم
لان العلم = مكسب باذن الله
و التجربة بدون اي معرفة = مكسب قليل و خسارة كبيرة

و شكرا لاخونا Ahmedcar علي عرضه

و ليا استفسار عايز اشتغل تداول الكتروني
ميين افضل العربية و لا هيرمس من ناحية الامانة
انا اعرف ان العربية المشتركين اكتر بس بسمع كلام مش لطيف ان عندهم موظفيين بيلعبوا في فلوس العملا بعمليات لحسابهم و الادارة مش بتتخذ اي اجراء
صحيح دي حالات معدودة لكن شئ مقلق

متشكر جدا على النصيحه بتاعه حضرتك بس احب اقول حاجه انى فى اول كلامى خالص قولت ان الشركه هاتعقد دورات تدربيه مجانيه للعملاء الجدد اللى لسه اول مره يتعاملوا مع البورصه علشان ماندخلهمش كده و خلاص (بمعنى اصح على عماهم ) اسف على التعبير بس هو ده الواقع شركات كتير بتستدرج العملاء و تفضل تقول احنا عندنا مميزات كذا و كذا و تسيبهم يغرقوا فى شبر ميه ده كلام مش مظبوط

طيب انا ليه سوار الناس اللى بتضارب فى البورصه بقالها سنين دى على طول بتخسر طبعا لا اكيد مكسب و خسار بس اللى هما متاكديين منه ان المكسب اكتر والا مكانوش فضلوا فيها سنين صح و لا غلط

بالنسبه للتداول الالكترونى ان شاء الله هايتم التعامل بيه فى الشركه عندنا فى خلال عشره ايام او خمسه عشر يوما بالكثير و انا الحمد لله داخل دوره تدريبيه فيه و بعد كده هاقدر افيدك لكن قبل كده ماقدرش بس انا شايف ان الاستاذه دموع الثلج افادت حضرتك بارك الله فيها

المشاركة الأصلية كتبت بواسطة mohamed

موضوع جميل يا استاذ احمد واحب اقولك انى من سكان الرحاب يعنى ممكن ابقى اجيلك ان مكنش يزعجك بس الشركة فين مكانها بالضبط عند مجمع البنوك ولا فين ؟؟

تمام الشركه موجوده عند مجمع المطاعم خلف منطقه البنوك و هابعتلك على الخاص العنوان بالظبط علشان مايكون اعلان و لا حاجه و يابا شا مافيش ازعاج خالص انت تشرف

نصيحة بسيطة لكل من يمتلك اسهم فى البورصة خلال الفترة الماضية ، ولديه خسائر بسبب انخفاض الاسعار فى البورصة لاسباب عدة منها ما هو معروف ومنها ما هو خافى 000 عموما لاتقم ببيع اى اسهم فى الوقت الحالى واحتفظ بها لحين ارتفاع السوق مرة اخرى والمتوقع له خلال ثلاثة اشهر من الان حسب الرؤية الخاصة بالسوق المصرى والتحاليل المالية له
اما من يريد الدخول فيتوخى الحذر فى الاسهم المشتراة ويجب ان يقوم بتنويع الشراء بمعنى ان يقوم بشراء اسهم فى كل قطاع خاصة الاسهم ذات المراكز المالية القوية وبالتوفيق

المشاركة الأصلية كتبت بواسطة محمد المشد

نصيحة بسيطة لكل من يمتلك اسهم فى البورصة خلال الفترة الماضية ، ولديه خسائر بسبب انخفاض الاسعار فى البورصة لاسباب عدة منها ما هو معروف ومنها ما هو خافى 000 عموما لاتقم ببيع اى اسهم فى الوقت الحالى واحتفظ بها لحين ارتفاع السوق مرة اخرى والمتوقع له خلال ثلاثة اشهر من الان حسب الرؤية الخاصة بالسوق المصرى والتحاليل المالية له
اما من يريد الدخول فيتوخى الحذر فى الاسهم المشتراة ويجب ان يقوم بتنويع الشراء بمعنى ان يقوم بشراء اسهم فى كل قطاع خاصة الاسهم ذات المراكز المالية القوية وبالتوفيق

الكلام ده مظبوط ميه ميه يجب تعدد الاسهم المشتراه من اجل توزيع المخاطر

بصوا يا جماعه انا لسه دلوقتى متفق مع المدير على حاجه متميزه و انا شايفها انها كويسه جدا للشباب اللى لسه بيدور على شغل و هيه

بعد اجتياز دوره التدريب لو استطاع المتدرب انه يدير محافظ جديده لعملاء جيده كانت قد اتعرفت على الشركه من خلاله هايتم الاتى
1- تعينه مدير للمحافظ فى الشركه (بالعموله )
2- اذا اثيت جداره يتم التعين الاساسى

شرط
اقل محفظه يجب ادارتها لاتقل عن 300 الف جنيه

شكرا احمد ابوزيد