يا جاله انا دلوقت اتصلت بالميكانيكى قالى انه فى اسكندريه وفضلت اعمل يمين شمال فوق تحت لغايه ما ركبت الفيشه والحمد الله دورت العربي بس دلوقتى العربيه بعد ما داارت فيها كالاتى

العربيه علشان تدور لازم افضل دايس بنزين مشيلشى رجلى من على دواسه البنزين ( رجعنا لبدايه المشكله تانى )
العربيه صوتها وانا بزود بنزين تحس انها مخنوقه او حاجه كاتماها والشاكمان والموتور عمالين ينعروا زى التوكتوك الخربان
تالت حاجه بقى ان العربيه لو طالع اى مطلع او العربيه فيها اكتر من واحد العربيه بتفصل ولازم اعلى الاربى خالص علشان تقدر تطلع وطبعا بتاخد المطلع على كذا حته
العربيه لو الاربى نزل عن 15 ار بى الموتور بيتهز جامد والعربيه بتتهز معاه وكانى فى راكب مرجيحه فى الملاهى ( العربيه عاملالى ملاهى مش مخليانى عاوز حاجه خالص مدلعانى كمان اهو بس دلعها وحش اوى )
اهم حاجه فى ده كلوا العربيه طبعا بما انى لازم اعلى الاربى فالعربيه بتسخن بسبب ده قولولى بقى اعمل ايه فى المشاكل دى كلها والسبب فى ده كلوا ايه

واحد سواق تاكسى جنبينا قالى العربيه دى الرشاشات بتاعتها مش مظبوطه ولما قولتله دى كربراتير قالى يبقى عاوز يتظبط هوا طيب هو لو هاف انجيكشب ممكن يكون فعلا الرشاش مش مظبوط
قولولى اعمل ايهههههههههه دلوقتى دارت بس مبتمشيش يعتبر دلوقتى كل اللى بعمله فيها بسمع اغانى