انا خلاص تعبت ومش لاقي حل

**ayman hamdy** · 15-06-2013 06:52 PM

المشاركة الأصلية كتبت بواسطة hilal

ربنا يخليك يا استاذ ايمن
واشكرك على حسن ظنك بي وذوقك واخلاقك العالية
ويارب يجازيك كل خير

العفو يا دكتور دة من كرم اخلاق حضرتك وذكائك فى الحوار عن المشكلة من جميع جوانبها واستنباط مكان العطل بالضبط وشكرا جزيلا على تعبيرات حضرتك الراقية واتمنى من الله ان اكون عند حسن الجميع وربنا يجازيك عنا خير

**cayman69300** · 16-06-2013 02:31 AM

لو على الكمبيوتر روح توكيل منصور اللى قبل بنزينه وطنيه اللى عند نادى الاسمنت - و دخل العربية على الجهاز و افحصها بره
بس سؤال بسيط : هل ف=غيرت فلتر البنزين - لو كنت غيرته راجع على رباط القفيز و على الخراطيم لان الطرمبة ممكن تكون بتهرب هواء فى دورتها نتيجة عدم احكام الرباط و بالتالى بتاخد فترة عقبال ما تملى الدورة بنزين و تضخة تانى فى الرشاشات - بتحصل معايا كتير اوى الحكاية دى

**احمد الصعيدي** · 16-06-2013 06:24 PM

انا رحت لميكانيكي تاني قلتله علي موضوع سير الكاتينه ده قالي ده لو موتور 2 كامه الايكوتيك اما موتور الاوبل الاسود ده كامه واحده وسير الكاتينه ما يأثرشي في التأخير هو فك بوجيه لقيه مهبب واسود خالص قالي العربيه ما بتحرقش كويس وده عيب حساس ماف ولازم يتغير قلتله لسه مغيره قاللي يبقي اللي انت ركبته بايظ برضه لازم تركب حساس ماف كويس بس انا ناوي اكشف عليها كمبيوتر واريح نفسي ان شاء الله

**hilal** · 16-06-2013 06:39 PM

المشاركة الأصلية كتبت بواسطة احمد الصعيدي

انا رحت لميكانيكي تاني قلتله علي موضوع سير الكاتينه ده قالي ده لو موتور 2 كامه الايكوتيك اما موتور الاوبل الاسود ده كامه واحده وسير الكاتينه ما يأثرشي في التأخير هو فك بوجيه لقيه مهبب واسود خالص قالي العربيه ما بتحرقش كويس وده عيب حساس ماف ولازم يتغير قلتله لسه مغيره قاللي يبقي اللي انت ركبته بايظ برضه لازم تركب حساس ماف كويس بس انا ناوي اكشف عليها كمبيوتر واريح نفسي ان شاء الله

معقول الكلام ده؟
أنا أعتقد أن أي سير كاتينة لازم يكون راكب صح سواء كامة واحدة أو 2 كامة
لأن ده اللي بيتحكم في توقيت دخول البنزين وتوقيت الاشعال وتوقيت خروج العادم
الفرق بس ان ضبط السير بيكون من خلال ترسين الكامات مع بكرة الكرنك في حالة ال2 كامة
أو من خلال ترس الفلام وترس الكامات ويكرة الكرنك
أشك في هذا الميكانيكي

**ayman hamdy** · 16-06-2013 08:30 PM

المشاركة الأصلية كتبت بواسطة احمد الصعيدي

انا رحت لميكانيكي تاني قلتله علي موضوع سير الكاتينه ده قالي ده لو موتور 2 كامه الايكوتيك اما موتور الاوبل الاسود ده كامه واحده وسير الكاتينه ما يأثرشي في التأخير هو فك بوجيه لقيه مهبب واسود خالص قالي العربيه ما بتحرقش كويس وده عيب حساس ماف ولازم يتغير قلتله لسه مغيره قاللي يبقي اللي انت ركبته بايظ برضه لازم تركب حساس ماف كويس بس انا ناوي اكشف عليها كمبيوتر واريح نفسي ان شاء الله

كلام الميكانيكى التانى ده مش فاهم اى حاجة فى اى حاجة مع التحفظ على اللفظ ليه بقى اول حاجة أن عدم ضبط سير الكاتينة في أى عربية فى العالم بيأثر على أداء السيارة تانى حاجة حضرتك مغير حساس الماف وبيقولك لازم تغيره لو سمحت اكشف كمبيوتر وأنا متأكد أن حساس الهواء سليم وخلى ميكانيكى كويس يظبط سير التقسيمة