الموضوع: تعديل على مساتر الداتشا الخلفيه

السلام عليكم

إزيك ياحازم باشا عامل ايه
انت لو فاكر الموقف الى اتعرضتله من حوالى اكتر من سنه فى موضوع الفرامل والحمد لله تم على خير وكان عندى الماستر ورا قافشة جدا

المهم اتغيروا برضة لماستر فيات ورجعت تانى للراجل علشان المكيانيكى قالى دول سن خشن ولسه هانعدل وكده اسأله لوفيه سن ناعم وفعلا سألته وكان عنده السن الناعم بتاع الشاهين بنفس السعر ومفيش اى تعديل هايتعمل

على العموم حصل خير وبتاع الشاهين سنه ناعم ويركب بدون اى تعديل لا فى الماستر ولا اللكور بتاعه كله تمام التمام

عمنا الغالى bnoqo :
ربنا يعزك ويخلليك وشكراُ على سؤالك....
والله اللى صدمنى فارق السعر بين الماستر بتاع الداتشا وماستر الفيات وسألت نفسى ليه كده؟؟؟
ليه الاستغلال ومص الدم ؟
وعموماً انا باطالب كل واحد فى المنتدى الجميل ده انه لو لقى البديل لقطع الغيار من الانواع والماركات التانيه بعيداُ عن مص دم بتوع الرينو من فضلكم انشروا النوع والسعر لقطع الغيار البديله لمحاربة غيلان ومصاصى الدماء بتوع الرينو....
معلش بقى سؤال ...يا bnoqo :
جبت الماستر بكام لو تفتكر؟

حازم باشا هو انا الى حصل معايا بالظبط
انى روحت جبت الماستر لانى عارف ان معظم قطع الغيار المستهلكة بتكون شبه بعض
فعلشان كده روحت لبتاع الفيات وسألته عليه راح جابوا على طول نفس المقاس
المهم روحت غيرته بس ناعم لقيته موجود هو خد الاثنين وادانى اثنين غيرهم واشتغلو من غير اى تعديل وبدون اى فرق فى السعر

حازم باشا اخويا الكبير ،، واحمد باشا اخباركم ايه منورين القسم الداتشا ، فعلاً استغلال تجار الرينو وخصوصاً الداتشا حاجه مقرفه جداً الاسعار مولعه ناااااار ،للاسف لبعدي عن العربية الفترة ديه فمش عارف تفاصيل قطع الغيار بالظبط لكن انا لسه داخل في حوار عفشة دافع لحد دلوقتي 1600 جنية والمشكلة اني مش في البلد والي بيقوم بمتابعة واحضار الصنيعة ولدي او حد من اخواتي لو فضي . بجد الناس بيستغلو ان الداتشا قطع غيارها مش موجودة ولما بيحسو ان الي واقف معاهم مش فاهم بيستعبطو ، يارب نقدر نفيد بعط بخصوص بدايل قطع الغيار .