الموضوع: اشتري فيرنا و لا لوجان ولا سيينا

شيفرولية افيو (انت في ايد امينة مع منصور شيفرولية)

المشاركة الأصلية كتبت بواسطة mos981

بجد الف شكر ليكوا على اهتمامكوا و بجد انا من البداية مرتاحة للوجان اكتر بس هو كلام الاخ العزيز ميدو80 هو اللي كان مخوفني منها
و انا متابع اوي يا هشام باشا اخبار اللوجان في منتدى الرينو و الحمد للة مظنش ان في حد اشتكى منها
بس ممكن اتقل على حضرتك و تقولي اية اخبار اسعار الصيانة بتاعة ال 1000 و ال 5000 اعتقد ان حضرتك وصلتلها على حسب منا متابع
يعني الاسعار عاملة اية وتوافر قطع الغيار
من ناحية التوكيل اعتقد ان الرينو تكتسح الجميع في جودة الوكيل
اسف لو بطول عليكوا
شكراا

ياسيدى مش مطول ولا حاجه براحتك وربنا يوفقك لاختيار يرضيك ويريحك
هو صيانة الخمسه بس اللى انا وصلتلها ودى مبيحصلش فيها حاجه اكتر من فحص عام للعربيه مش اكتر واى قطع بتتغير عند ال 10 زى الزيت او التيل.
عموما كل اللى الاخوه ردوا بيه على حضرتك مظبوط جداجدا ماعد ان تقفيل اللوجان مش سيئ خالص وانا شايفه جيد جدا فيما عدا الشكل والتابلوه ودول عيوب انا شايفها تفرق من واحد للتانى وانا مكنش عاجبنى الشكل اوى ( مش انسيابى ) انما هو مش وحش. هو بس انا شايف الافيو ممكن تكون اختيار تانى ليك بس هى سعرها فاضيه 73000 دلوئتى !!! يعنى ممكن تزود عليهم 2000 وتجيب لوجان فول اوبشن
ممكن اقول لحضرتك على عربيات تانيه فى نفس الئه السعريه : الاسبرانزا - السيينا - الكليو - لانوس وممكن تدوس شويه وتخش فى النيو اكسنت