الموضوع: كل ما يتعلق بالدايو الاسبيرو " مشاكل - قطع غيار "

المشاركة الأصلية كتبت بواسطة kilany_elsma

هو سعة التانك في الاسبيروا 95 كام لتر؟
وعندي العربية بقالها كام يوم بتطلع دخان اسود لما اكبس بنزين جامد وبقت تستهلك بنزين جامد ومخنوقة قوي
وفي رجة في الطالعة
غيرت سلوك البوجيهات والعيب موجود؟

التانك 50 لتر
اكشف ع الرشاشات والبوجيهات عندك عامله كام كيلو ؟

المشاركة الأصلية كتبت بواسطة alhossen1967

الأستاذ / عمر الشامي .... المحترم
تحية طيبة وبعد

أتابع بإستمرار موضوعك عن الدايو إسبيرو
وأشكرك كثيرا على هذا الموضوع وإفادتنا العظيمة منه
أمتلك سيارة إسبيرو موديل 1994 وأرغب في تجديدها ولدي بعض الإستفسارات
1- أريد معرفة سعر بعض الأشياء التي أحتاجها عند التجديد وهي كالتالي :
- فوانيس أمامية وفوانيس الإشارة + فوانيس خلفية + القطعة الخلفية بين الفانوسين
- فرش الأبواب الأمامية
- مساعدين كاملة أمامي
2- هل يمكن تدبير هذه الأشياء والإتفاق على إستلامها بالقاهرة بالكيفية التي نتفق عليها

أشكرك كثيراً وفي إنتظار ردك
حسين سعد

راجع الصفحة دى فيها أسعار بعض الحاجات جديدة

https://www.facebook.com/espirocar?fref=nf

بالنسبة لفرش الأبواب هيكون صعب تلاقيها لوحدها

بالنسبة للجنبين الامامى ( المساعد و السوستة و البطاحات

و الطنابير و جهاز الفرامل ....) يعنى الجنبين كاملين إستيراد

400-450 جنيه

بالتوفيق

المشاركة الأصلية كتبت بواسطة alhossen1967

الأستاذ / عمر الشامي .... المحترم
تحية طيبة وبعد

أتابع بإستمرار موضوعك عن الدايو إسبيرو
وأشكرك كثيرا على هذا الموضوع وإفادتنا العظيمة منه
أمتلك سيارة إسبيرو موديل 1994 وأرغب في تجديدها ولدي بعض الإستفسارات
1- أريد معرفة سعر بعض الأشياء التي أحتاجها عند التجديد وهي كالتالي :
- فوانيس أمامية وفوانيس الإشارة + فوانيس خلفية + القطعة الخلفية بين الفانوسين
- فرش الأبواب الأمامية
- مساعدين كاملة أمامي
2- هل يمكن تدبير هذه الأشياء والإتفاق على إستلامها بالقاهرة بالكيفية التي نتفق عليها

أشكرك كثيراً وفي إنتظار ردك
حسين سعد

أ/ حسين انت منورنا والله واشكرك ع المقدمة الحلوة دي
ندخل ف الجد
فوانيس امامية سعر الفانوس جديد 150 والاشارة ب 70 وتقريبا الاستيراد نفس الاسعار
فوانيس خلفية الاتنين يعملو 250
القطعة الخلفية موجود منها كتير ف بورسعيد بس للامانه عمري ما سألت على سعرها بس اعتقد انها مش هتزيد عن 150
فرش الابواب صعب تلاقيهم لوحدهم والافضل انك تجيب اربع ابواب يكونو زيرو وفى بورسعيد بتبتدي من 1000 الى 1500
مساعدين ولا جنبين كاملين لو قصدك جنبين كاملين استيراد هيعملو حوالى 450 ج بس انصحك بلاش منهم لان لازم تلاقي فيهم حاجه زي مثلا طنبورة محتاجه تغيير او بليه خشنة ف الافضل هات جديد زي ما الاستاذ محمد زهران قالك
لو اقدر اجيبلك الحاجات دي وابعتهالك القاهرة كنت جبتهالك من دلوقتي والله بس ظروف شغلي بتبقي فترة النهار وصعب اليومين دول اخد اجازة لان رصيد الاجازات اخدته ف شرم
شوف انت لو عايز تيجي تعالى اوانا اكون ظبطلك مع الراجل اللى بتعامل معاه وان شاء الله هترجع مبسوط ...
والله الموفق والمستعان

انا بشكر باقى الاعضاء اللى قامو بالرد على الاستاذ حسبن وربنا يجمعنا ف الخير دايما ونساعد بعض علطول

الله ينور يا عمووور والله
احبك وانت مسيطر كده ههههههههه