الموضوع: كل ما يتعلق بالدايو الاسبيرو " مشاكل - قطع غيار "

معلش انا هكتب مشاركة تاني عشان العربية بتشتشع في دماغي بقالها فترة
قطع غيارها بكام ومكانيكتيها فين و فتيسها و موتورها و عفشتها ممكن يتوفقوا مع ايه
اخر حاجة انا راكب بولو 95 - 1300 - و بصراحة عاجباني الاسبيرو من و انا كنت في السعودية من 15-20 سنة
فهل تستاهل اني انزل من البولو و اركب الاسبيرو مع احترامي الكامل لملاكها
و فتيسها الاتوماتيك فعلا في مشاكل ولا لا ... شكرا مقدما

المشاركة الأصلية كتبت بواسطة amr elshamy

بص يا ريس هجيبلك من الاخر
قطع غيار متوفره والاسعار زادت فى الاونة الاخيرة بس مش كل الحاجات غلت في حاجات اسعارها زي ما هيا وكمان فى جديد ليها وبيركب عليها حاجت النوبيرا واللانوس والريسر والاوبل الكاديت دا من حيث العفشة والمكنة
فتيسها لو انت بتحافظ عليه هيبقي معمر معاك لكن لو انت اهملته طبيعي لازم يعطل لكن هو ف الغالب بيبقي معمر الحمد لله
انت لو نزلت من البولو للاسبيرو ممكن تحس بفرق الشكل ( التابلوه والشكل الداخلى والعدادات ) والحجم ( البولو صغيره والاسبيرو ماشاء الله واسعه وبرحة :) ) لكن نفس الاداء بل بالعكس الاسبيرو فى الجري والثبات عندي احسن لكن ف الفرامل طبعا الالمانى يكسب لان انا معايا جولف 4 وعارف بقولك ايه ... لو داخله دماغك اوي وهتشتري خلاص يبقي لازم تشوفلك حاجه نضيفة ( فابريكا ) مفيهاش غلطة ولو حتي سعرها يوصل ل 40 مش خسارة فيها ... ولو احتاجت اي حاجه ابعتلي

يا باشا الف شكر على الرد بس انا كنت بفكر فيها عشان بشوف حالات نضيفة الاتوماتيك فيها ما يعديش 33-34 الف و دا في الرينج بتاعي يعني كدة اكون جبت اخري ... و من ناحية الفرامل هي حلها بسيط على ما اعتقد ممكن الواحد يشوف ديسكات اوبل او كدة ... بس عايز اعرف قطع غياراها فين في القاهرة و ميكانيكيتها مين و اخبار تكيفها ايه

المشاركة الأصلية كتبت بواسطة mahmoudbadr

كدة حساس الجكمان ...لما بيكون مش كويس أو مهيس بينور اللمبة فوق ال 100 كيلو

بيهيس يعني اغيره ولا انظفه بمنظف الكترونيات واركبه تاني؟

مشكلة غريبة
العربية حرارتها زي الفل
لكن لما انور النور بتاع العربية بليل العربية حرارتها تعلي
انا احترت
هل حد عنده معلومة تفدني او اتعرض للعطل ده قبل كده

[sراجع كابلات الارضى حتلاقى فية تفويت